ఉన్నత విద్య బోధించాలి

రాయచూరురూరల్‌: బెళగావి జిల్లా రాయబాగ తాలుకాలోని విద్యార్థులకు ఉన్నత విద్య బోధించాలని గోకాక్‌ లోక్‌సభ సభ్యురాలు ప్రియాంక జారికహోళి అధికారులను అదేశించారు. శుక్రవారం యమకనమరడి కారాంవిలో రూ.36 లక్షలతో నూతన పాఠశాల గదుల నిర్మాణాలకు ఆమె భూమిపూజ చేసి మాట్లాడారు. అనంతరం బుద్య్రానూరు ప్రభత్వ ప్రాథమిక పాఠశాలలో పర్యటించి విద్యార్థులతో చర్చించారు. మౌలిక సౌలభ్యాలు, మధ్యాహ్న భోజనం, శౌచాలయం వంటి అంశాలను అరా తీశారు.

అంగన్‌వాడీల ను బలోపేతం చేద్దాం

రాయచూరురూరల్‌: రాష్ట్రంలో అంగన్‌వాడీ కేంద్రాలను బలోపేతం చేయాలని రాష్ట్ర ముఖ్యమంత్రి సిద్ధరామయ్య, ఉప ముఖ్యమంత్రి డికే.శివకుమార్‌ పిలుపునిచ్చారు. ఐసీడీఎస్‌ 50 ఏళ్లు పూర్తి చేసిన సందర్భంగా బెంగళూరులో శుక్రవారం ఏర్పాటు చేసిన సభలో వారు మాట్లాడుతూ అంగనవాడీ కేంద్రాలలో ఎల్‌కేజీ, యూకేజీ ప్రారంభించేందుకు శ్రీకారం చుట్టామన్నారు. అనంతరం రాయచూరు లాల్‌ బహుదూర్‌శాస్త్రి నగర్‌లోని 12వ అంగన్‌వాడీ కేంద్రంలో ఎల్‌కేజీ తరగతులు ప్రారంభించారు. మహిళా శిశు సంక్షేమ శాఖ మంత్రి లక్ష్మి హెభ్బాళ్కర్‌, మంత్రులు ఈశ్వర్‌ఖండ్రే, మహదేవప్ప వర్చువల్‌గా ఎల్‌కేజీ తరగతులు ప్రారంభించారు. సూపర్‌వైజర్‌ బారతీబాయి, కార్యకర్త రేష్మ పాల్గొన్నారు.

యువతి దుర్మరణం

రాయచూరురూరల్‌: విద్యుత్‌ షార్ట్‌ సర్క్యూట్‌తో యువతి దుర్మరణం పాలైన సంఘటన హుబ్లీలో చోటుచేసుకుంది. శుక్రవారం ఉదయం హుభ్లీ మూరుసావిర మఠం వద్ద మేఘన(24)గా పోలీసులు గుర్తించారు. ఉదయం తాగునీటి మోటారు(పంప్‌)ను అన్‌ చేసిన మేఘన... తిరిగి బంద్‌ చేయడానికి వెళ్లిన సమయంలో విద్యుత్‌ షాక్‌ తగిలింది. అస్వస్థతకు గురైన యువతిని హుబ్లీ కిమ్స్‌ ఆస్పత్రికి చేర్పించారు. చికిత్స ఫలించకపోవడంతో దుర్మరణం చెందారు. ఉపనగర స్టేషన్‌ పోలీసులు కేసు దర్యాప్తు చేస్తున్నారు.

పైప్‌లైన్‌ పనులకు శ్రీకారం

రాయచూరురూరల్‌: తాగునీటి పైపులైన్‌ పనులకు స్థానిక నాయకుడు నరసింహులు భూమి పూజ చేశారు. 23వవార్డులో బోరువేసి తాగునీటి పైపులతో ప్రజలకు భవిష్యత్తులో నీటి ఎద్దడి తలెత్తకుండా చర్యలు చేపట్టారు. రహదారులు, మురుగు కాల్వల నిర్మాణాలకు చర్యలు తీసుకున్నట్లు తెలిపారు.

నిర్మలతుంగ అభియానకు శ్రీకారం

రాయచూరు రూరల్‌: తుంగభద్ర డ్యాం రక్షణకు సంబంధించి రాయచూరులో నిర్మల తుంగ అభియానకు శ్రీకారం చుట్టారు. గురువారం సాయంత్రం రాయచూరు జిల్లా అధికారి కార్యాలయం వద్ద అందోళన చేపట్టిన నాయకులు అధికారులకు వినతి పత్రం సమర్పించారు. సంచాలకులు అనిత మాట్లాడుతూ నిర్మల తుంగభద్ర అభియాన, జల జాగృతి పాదయాత్ర డిసెంబరు 27వ తేదీన గంగావతి తాలుకా కిష్కింధ నుంచి ప్రారంభం అవుతుందన్నారు. 2026 జనవరి, 4న మంత్రాలయం వరకూ ఈ యాత్ర కొనసాగుతుందని తెలిపారు.

క్వారీలకు అనుమతి

ఇవ్వరాదని 2న ధర్నా

కోలారు : తాలూకాలోని ఎస్‌.అగ్రహార సర్వే నంబర్‌ 60, సర్వే నంబర్‌ 52లో రాతి క్వారీ నిర్వహణకు అనుమతులు ఇవ్వరాదని డిమాండ్‌ చేస్తూ డిసెంబర్‌ 2న కోలారు – చింతామణి మార్గంలోని చిట్నహళ్లి గేట్‌ను పశువులతో దిగ్బంధనం చేసి ధర్నా నిర్వహించాలని రైతు సంఘం పదాధికారులు, గ్రామస్తులు తీర్మానం చేశారు. శుక్రవారం గ్రామంలో ఏర్పాటు చేసిన సమావేశంలో గ్రామ పంచాయతీ సభ్యుడు నాగప్ప నందీష్‌ మాట్లాడుతూ క్వారీ నిర్వహణకు అనుమతి ఇచ్చిన సర్వే నెంబర్‌ 60, 52లో వంద ఎకరాల గోమాళం భూమి ఉందన్నారు. పక్కనే చెరువు, ఆలయం ఉందన్నారు. వేలాది మంది భక్తులు వస్తుంటారన్నారు. ఈ క్వారీకి అనుమతి ఇవ్వరాదనే డిమాండ్‌తో ధర్నా చేస్తామన్నారు.

ఉన్నత విద్య బోధించాలి

ఉన్నత విద్య బోధించాలి

ఉన్నత విద్య బోధించాలి

ఉన్నత విద్య బోధించాలి