కళాశాల అందుబాటులో ఉండాలి

విద్యార్థుల సంఖ్యకు అనుగుణంగా ప్రభుత్వ విద్యాసంస్థల సంఖ్య పెంచాలి. మండలంలో ఎనిమిది గ్రామాలు.. భీమారం మండలంలోని నాలుగు గ్రామాలకు తాండ్య్రాల చౌరస్తా కూడలిగా ఉంది. ఇక్కడ ప్రభుత్వ జూనియర్‌ కళాశాల ఏర్పాటు చేస్తే విద్యార్థులకు రవాణాపరంగా సౌకర్యంగా ఉంటుంది. ఆ దిశగా ప్రజాప్రతినిధులు, ఉన్నతాధికారులు చొరవ చూపాలి.

– మామిడిపెల్లి ప్రవీణ్‌,

యువకుడు, తాండ్య్రాల

ప్రత్యేక వాహనాలు ఏర్పాటు చేయాలి

మారుమూల గ్రామాలకు ఆర్టీసీ బస్సు సౌకర్యం లేకపోవడంతో విద్యార్థులు ఇబ్బంది పడుతున్నారు. బాలికలు ఇంటర్‌, డిగ్రీ చదువును మధ్యలోనే మానేస్తున్నారు. ఈ విషయం అధికారులకు తెలిసినా పట్టించుకోవడంలేదు. గ్రామాల నుంచి విద్యాసంస్థల వరకు ప్రత్యేక వాహనాల సౌకర్యం ప్రభుత్వమే కల్పించాలి. అప్పుడే గ్రామీణ విద్యార్థులకు ఉన్నత విద్య చేరువవుతుంది.

– అందె రాణి, వార్డుసభ్యురాలు, చింతకుంట