కోఆప్షన్‌పై ప్రధాన పార్టీల కన్ను

● ఏ పార్టీకీ లేని పూర్తిస్థాయి మెజార్టీ ● పొత్తుల కోసం ప్రయత్నాలు ముమ్మరం ● చైర్మన్‌, వైస్‌చైర్మన్‌ ఎన్నిక సందర్భంగా బీజేపీ, బీఆర్‌ఎస్‌ పెద్దలు వ్యవహరించిన తీరుపై ఆ రెండు పార్టీల కౌన్సిలర్లు ఇప్పటికీ తీవ్ర అసంతృప్తితో రగిలిపోతున్నారు. ● పలు మున్సిపాలిటీల్లో ఈ రెండు పార్టీలు కలిసి చైర్మన్‌, వైస్‌చైర్మన్‌ పదవులను దక్కించుకున్నాయి. తాజాగా ఖానాపూర్‌, క్యాతన్‌పల్లి మున్సిపాలిటీల్లో కూడా పొత్తు కుదుర్చుకున్నాయి. కానీ మెట్‌పల్లిలో రెండు పార్టీల పెద్దలు పొత్తుకు అంగీకరించకపోవడంతో మున్సిపాలిటీని కాంగ్రెస్‌ కై వసం చేసుకుంది. ● ఈ నేపథ్యంలో కాంగ్రెస్‌కు మద్దతు ఇచ్చిన నలుగురు స్వతంత్రులు, ఒక బీజేపీ కౌన్సిలర్‌ ఆర్థికంగా బాగా లబ్ధి పొందారనే ప్రచారం ఉంది. ● అదే సమయంలో పార్టీ పెద్దల వల్ల తమకు పదవులు, పైసలు దక్కకుండా పోయాయని బీజేపీ, బీఆర్‌ఎస్‌ కౌన్సిలర్లలో తీవ్ర ఆగ్రహానికి దారి తీసింది. ● ప్రస్తుతం కో–ఆప్షన్‌ పదవుల విషయంలో పెద్దల సూచనలతో నిమిత్తం లేకుండా నడుచుకోవాలనే ఆలోచనలో ఇరు పార్టీల కౌన్సిలర్లు ఉన్నట్లు తెలిసింది. ● మున్సిపల్‌లో నాలుగు కోఆప్షన్‌ పదవులు ఉండగా.. వీటన్నింటిని కై వసం చేసుకోవాలని కాంగ్రెస్‌ భావిస్తోంది. ● బీజేపీ, బీఆర్‌ఎస్‌ బరిలో ఉండాలని యోచిస్తుండడం అధికార పార్టీకి ఇబ్బందిగా మారింది. ఆ రెండు పార్టీలు అభ్యర్థులను నిలిపితే పోటీ తీవ్రంగా ఉండే అవకాాశముంది. ● నాలుగింటిలో తమకు రెండు పదవులు ఇస్తే మ రో పార్టీకి మద్దతు ఇస్తామని బీజేపీ ముఖ్య నా యకులు బహిరంగంగానే వ్యాఖ్యానిస్తున్నారు. ● మొత్తానికి మూడు పార్టీలు ఈ పదవులపై కన్నేయడంతో అవి ఎవరిని వరిస్తాయన్నది ఆసక్తిగా మారింది.