ఇంటర్‌ విద్యార్థులకు ఉపకారవేతనాలు

ఇంటర్‌ విద్యార్థులకు ఉపకారవేతనాలు గుంటూరు ఎడ్యుకేషన్‌: ఇంటర్మీడియెట్‌ విద్యార్థులకు విద్యాదాన్‌ పథకం ద్వారా ఉపకార వేతనాలు అందుకునేందుకు అవకాశాలున్నాయి. పేద, మధ్యతరగతి విద్యార్థులకు ఇది ఆసరాగా నిలుస్తోంది. సరోజినీ దామోదరన్‌ ఫౌండేషన్‌ అందించే ఉపకార వేతనానికి 10వ తరగతి ఉత్తీర్ణులై, ఇంటర్మీడియెట్‌ మొదటి సంవత్సరం చదువుతున్న విద్యార్థులు అర్హులు. కోర్సు, కాలపరిమితి ఆధారంగా ఇంటర్‌లో ఏడాదికి రూ.10 వేలు, విద్యార్థి ప్రతిభను పరిగణనలోకి తీసుకుని ఉన్నత విద్యకు రూ.75 వేలు ఉపకారవేతనం రూపంలో అందిస్తారు. ఆన్‌లైన్‌ పరీక్ష, ఇంటర్వ్యూ అనంతరం విద్యార్థులను ఎంపిక చేస్తారు. జూన్‌ 20లోపు నేరుగా విద్యాదాన్‌.ఆంధ్ర వెబ్‌సైట్‌తో పాటు విద్యాదాన్‌ యాప్‌లో దరఖాస్తు చేసుకోవచ్చు. జూలై 5న స్క్రీనింగ్‌ టెస్టు నిర్వహిస్తారు. టెన్త్‌లో కనీసం 90 శాతం మార్కులు సాధించి కుటుంబ వార్షిక ఆదాయం రూ.2 లక్షల లోపు ఉన్నవారు అర్హులు. ఆదాయ ధ్రువీకరణ పత్రం తప్పనిసరి. ఉదయం 9 – సాయంత్రం 6 గంటలలోపు నంబరు 96635 17181లో సంప్రదించి వివరాలు తెలుసుకోవచ్చు. కాల్‌సెంటర్‌కు ఫోన్‌ చేసి సమస్య పరిష్కరించుకోండి తెనాలి వన్‌ టౌన్‌ ఎస్‌ఐ సస్పెన్షన్‌ తెనాలి రూరల్‌: తెనాలి వన్‌ టౌన్‌ ఎస్‌ఐ గడ్డం అబ్రహాం సస్పెండ్‌ అయ్యారు. మహిళ ఆత్మహత్య విషయంలో ఆయనపై ఐజీ సర్వశ్రేష్ట త్రిపాఠి చర్యలు తీసుకున్నారు. బంగారం రికవరీ పేరిట పోలీసులు వేధిస్తున్నారంటూ పట్టణానికి చెందిన కటారి తిరుపతమ్మ ఈ నెల 23వ తేదీన ఆత్మహత్యాయత్నం చేయడం, మరుసటి రోజు మృతి చెందిన సంగతి తెలిసిందే. ఈ వ్యవహారంలో ఎస్‌ఐ అబ్రహాంను బాధ్యుడిగా పేర్కొంటూ ఐజీ సస్పెన్షన్‌ వేటు వేశారు.