చట్ట ప్రకారమే పనిచేస్తాం

● పోలీస్‌ అంటే ఒక రాజకీయ పార్టీ కోసం పనిచేసే ఉద్యోగం కాదు. శాంతిభద్రతలను పర్యవేక్షిస్తూ.. సామాన్యుల నుంచి ఎంతటివారు వచ్చిన చట్టానికే లోబడే పనిచేస్తాం.పోలీసుపై రాజకీయపార్టీ ముద్ర వేయడం కరెక్ట్‌ కాదు. ఏ పార్టీ అనేది మాకు ప్రధా నం కాదు. అందరూ ఒక్కటే. స్థానిక సంస్థల ఎన్నికలు, పోలింగ్‌పై ఇప్పటికే డీజీ నుంచి స్పష్టమైన ఆదేశాలు అందాయి. మా ప్రణాళిక సిద్ధం చేసుకు న్నాం. ఏయే టీమ్‌ ఎలా పనిచేయాలో కార్యాచరణ రూపొందించాం. జిల్లాలోని బలగాలు చాలకపోతే, అదనపు బలగాలను సైతం తెప్పించుకుంటాం. ● 2021, 2024 న ఎన్నికల సమయంలో చోటు చేసుకున్న హింసాత్మక ఘటనల ఆధారంగా జిల్లాలో సమస్యాత్మక ప్రాంతాలు, అత్యంత సమస్యాత్మక ప్రాంతాలుగా విభజించుకున్నాం. ఈసారి ఎన్నిక ల్లో అలాంటి ఘటనలు పునరావృతం కాకుండా జాగ్రత్తలు తీసుకుంటున్నాం. గుడిపాల, చిత్తూరు రూరల్‌, కుప్పం, వి.కోట, పంజాణి తదితర ప్రాంతాల్లో గతంలో ఎదురైన శాంతిభద్రతల సమస్యలను గుర్తించి.. వాటిని క్షేత్రస్థాయిలో నేనే పరిశీలిస్తున్నా. ● రాజకీయ పార్టీలు వాళ్ల ఐడియాలజీ ప్రకారం ప్రచారం, విమర్శ– ప్రతివిమర్శ చేసుకుంటే ఓకే. వ్యక్తిగతంగా తిట్టుకోవడం, కుటుంబ సభ్యులపై అసభ్య పదజాలం వాడడం, సామాజిక మాధ్యమాల్లో ఏఐ కంటెంట్లు పెట్టి ఇబ్బంది పెడితే మాత్రం ఊరుకునేదిలేదు. కోడ్‌ వచ్చిన వెంటనే ప్రతి సోషల్‌ మీడియాపై మా నిఘా ఉంటుంది. ఏది పడితే అది పోస్టు చేస్తే చర్యలు తప్పవు. ● ప్రజలు స్వేచ్ఛాయుత వాతావరణంలో ఓటు హక్కు వినియోగించుకునేలా చూడడమే మా కర్తవ్యం. మద్యం, నగదుకు ప్రజలు లొంగకుండా పోలీసులకు కో–ఆపరేట్‌ చేయాలి.