రోబోటిక్‌ వీడియో కెమెరా: ధర తెలిస్తే షాకవుతారు

సాక్షి, ముంబై: జపానీస్‌ ఎలక్ట్రానిక్‌ వస్తువుల తయారీ కంపెనీ ‘పానసోనిక్‌’ కొత్తగా రోబోటిక్‌ వీడియో కెమెరాను విడుదల చేసింది. ‘ఏడబ్ల్యూ–యూఈ 160 యూహెచ్‌డీ 4కే 1 ఎంఓఎస్‌ పీటీజ్‌’ పేరుతో విడుదల చేసిన ఈ కెమెరా ఎలాంటి పరిస్థితుల్లోనైనా అత్యంత స్పష్టమైన చిత్రాలను, వీడియోలను తీయగలదు. ఇందులో ఎంఓఎస్‌ సెన్సర్, లో పాస్‌ ఫిల్టర్, హైస్పీడ్‌ ఫ్రేమ్‌ రేట్స్‌ వంటి అధునాతన ఫీచర్స్‌ ఉన్నాయి.

పరిసరాల్లోని వెలుగు నీడలకు అనుగుణంగా ఈ కెమెరా తనను తానే సర్దుకుని స్పష్టమైన వీడియోలను చిత్రించగలదు. జూమ్, టిల్ట్‌ వంటివి రిమోట్‌తో నియంత్రించవచ్చు. ఇది స్లోమోషన్‌ వీడియోలను కూడా పూర్తి స్పష్టతతో తీయగలదు. ఈ కెమెరాకు సంబంధించిన యాప్‌ను స్మార్ట్‌ఫోన్‌లో డౌన్‌లోడ్‌ చేసుకుంటే, దాని ద్వారా కెమెరా పనితీరును సులువుగా నియంత్రించుకోవచ్చు. దీని ధర 14,495 డాలర్లు (రూ.11.93 లక్షలు).