Sakshi: Telugu Breaking News | Latest Telugu News | తెలుగు వార్తలు | Online Telugu News Today
Sakshi News home page

Top Stories

Advertisement

ప్రధాన వార్తలు

KSR Comments On CM Chandrababu Over White Papers Intention
అదే టెక్నిక్‌ ఉపయోగిస్తున్న చంద్రబాబు

ఆంధ్రప్రదేశ్‌ ముఖ్యమంత్రి చంద్రబాబు నాయుడు అధికారంలో ఉన్నా, ప్రతిపక్షంలో ఉన్నా నిత్యం మీడియాలో ఉంటారు. ఆ విషయంలో ఆయన చాకచక్యాన్ని ఒప్పుకోక తప్పదు. 2024 ఎన్నికలలో గెలవడానికి ముందు ఆయన ఏ కబుర్లు చెప్పారు?.. ఇప్పుడు ఏమి చేస్తున్నారు?.. అనేది తరచి చూస్తే గమ్మత్తుగా ఉంటుంది. విపక్షంలో ఉన్నప్పుడు రోజూ జగన్ ప్రభుత్వంపై విరుచుకుపడుతూ మీడియా సమావేశాలు పెట్టేవారు. ఏదో ప్రజెంటేషన్ అంటూ తనదైన శైలిలో విమర్శలు చేసేవారు. అధికారంలోకి వచ్చినా అదే ట్రెండ్ కొనసాగిస్తున్నారు. అందుకే అసలు పని మానేసి జగన్ ప్రభుత్వంపై ఆరోపణలు గుప్పిస్తూ శ్వేతపత్రాల పేరుతో కధ నడిపిస్తున్నారు. కొద్ది రోజుల క్రితం విద్యుత్ శ్వేత పత్రం విడుదల చేశారు. అసలు ఇక్కడ ఒక విషయం ప్రశ్నించాలి. గత ప్రభుత్వాన్ని ప్రజలు కాదని టీడీపీని ఎన్నుకున్న తర్వాత ఈ పత్రాల గోల దేనికి?. గతంలో విపక్షంలో ఉన్నప్పుడు చేసిన విమర్శలు, ఆరోపణలనే మళ్లీ గుప్పిస్తూ శ్వేతపత్రాలు ఇస్తే చంద్రబాబు సాధించేదేమి ఉంటుంది?. పోనీ అవన్నీ సత్యమైన విషయాలా అంటే అదేమీ కాదు.తన ప్రభుత్వం విద్యుత్ చార్జీలు తగ్గిస్తుందనికాని, గతంలో తాను వ్యతిరేకించిన ట్రూ అప్ చార్జీలను తొలగిస్తామని, రద్దు చేస్తామని కాని చెప్పడం లేదు. పైగా తన గత హయాంలోని అప్పులు,నష్టాలు అన్నింటిని కలిపి జగన్ ఖాతాలో వేసి బదనాం చేస్తున్నారు. జగన్ కొన్ని పీపీఏలను సమీక్షించాలని ప్రయత్నించినప్పుడు ఇంకేముంది.. అంతర్జాతీయంగా ఏపీకి నష్టం జరిగిందని గగ్గోలు పెట్టిన చంద్రబాబు నాయుడు ఇప్పుడు ఆయా విద్యుత్ ఒప్పందాలను సమీక్షిస్తానని అంటున్నారు. జగన్ ప్రభుత్వం పేదలపై వేసిన విద్యుత్ చార్జీల భారాన్ని తగ్గిస్తారా ? అని ఒక మీడియా ప్రతినిధి ప్రశ్నించారు. ఆ జర్నలిస్టు కూడా తెలుగుదేశం మద్దతుదారులాగానే అడిగారు. ఫర్వాలేదు. అయినా ఏదైనా పాజిటివ్ సమాధానం వస్తుందని అనుకున్నవారు ఆశ్చర్యపోయే జవాబును చంద్రబాబు ఇచ్చారు. 'పేదలపై ఇప్పటికే భారం పడిపోయింది. కొత్త టారిఫ్ వచ్చే మార్చికి అమలులోకి వస్తుంది. అప్పటికి ఏమి చేయాలో ఆలోచిస్తాం. ప్రభుత్వం ముందు చాలా సవాళ్లు, ఆర్దిక ఇబ్బందులు ఉన్నాయి..." అని చంద్రబాబు సెలవిచ్చారు. ఇది తెలివిగా చెప్పారని అనుకోవచ్చు. కాని అంతిమంగా అర్ధం అవుతున్నది ఏమిటంటే వచ్చే మార్చిలో విద్యుత్ చార్జీలు పెంచే అవకాశం ఉందనే కదా! ట్రూఆప్ చార్జీలను రద్దు చేయబోమని చెబుతున్నట్లే కదా!ప్రభుత్వం విష వలయంలో ఉందని ఆయన అంటున్నారు. ఆదాయం లేకపోతే బొగ్గు కూడా కొనలేని పరిస్థితి వస్తుందని చెబుతున్నారు. మరి జగన్ టైమ్ లో మాత్రం డబ్బు అక్కర్లేకుండానే అన్ని జరిగిపోవాలన్నట్లు ప్రచారం చేశారు. ఆ రోజుల్లో ప్రభుత్వానికి ఆదాయం రాకుండా చేయాలనే కదా టిడిపి, దానికి మద్దతు ఇచ్చే మీడియా అదనపు చార్జీలకు వ్యతిరేకంగా రచ్చ,రచ్చ చేసి ప్రజలలో విష బీజాలు నాటిందని అంటే కాదనగలరా!స్మార్ట్ మీటర్లను వ్యవసాయ మోటార్లకు జగన్ ప్రభుత్వం అమర్చితే రైతులకు ఉరి తాళ్లు వేస్తున్నారని చంద్రబాబు నానా యాగీ చేశారా?లేదా?. ఈనాడు మీడియా ఆ మీటర్లకు వ్యతిరేకంగా పచ్చి అబద్దాలు రాసిందా?లేదా?. ఇప్పుడు ఆ మీటర్లను తీసేస్తారా అని అడిగితే మాత్రం దానిపై పరిశీలన చేసి ముందుకు వెళ్లాలని అంటున్నారు. ఇప్పటికే మీటర్లు ఏర్పాటైనందున అవి వృధా కాకుండా ,ప్రభుత్వ ఖర్చుతో సోలార్ పానెళ్లు అందచేసి రైతులు విద్యుత్ ఉత్పత్తి చేసుకునే చూస్తాం! అని దాటవేత సమాధానం ఇచ్చారు. పంప్డ్ స్టోరేజీ ప్రాజెక్టుల పేరుతో జగన్ ప్రభుత్వం అడ్డగోలుగాఆ భూములు ఇచ్చిందని మరో జర్నలిస్టు తన టిడిపి ఎజెండా ప్రకారం ప్రశ్న వేసినా, చంద్రబాబు మాత్రం ఈ విషయంలో కాస్త జాగ్రత్తగా జవాబు ఇచ్చారినిపిస్తుంది. పీఎస్పి ప్రాజెక్టులలో విద్యుత్ బయటకు వెళ్లినా నష్టం లేదని ,మన వినియోగదారులపై భారం పడకపోతే చాలని, ప్రభుత్వానికి ఆదాయం వస్తుందని ఆయన చెప్పడం విశేషం. అంటే ఈ మేరకు జగన్ కృషిని ఒప్పుకున్నట్లే కదా!గత ప్రభుత్వ హయాంలో పరిశ్రమలు రాకపోయినా విద్యుత్ వినియోగం పెరిగిందని చంద్రబాబు అనడం విశేషం. ఏ రాష్ట్రంలో అయినా ప్రజల ఆర్ధిక స్థితిగతులు అంచనా వేయడానికి, అభివృద్దిని నమోదు చేయడానికి,పరిశ్రమల ప్రగతి తెలుసుకోవడానికి విద్యుత్ సగటు వినియోగం కూడా ఒక కొలమానం అవుతుంది.ఆ రకంగా చూస్తే జగన్ టైమ్ లో ఈ విషయంలో మంచి ప్రగతి సాధించినట్లే అవుతుంది కదా!కాకపోతే చంద్రబాబు ఆ మాట ఒప్పుకోలేరు. గతంలో అదానీ తదితర బడా కంపెనీలకు గ్రీన్ ఎనర్జీ ప్రాజెక్టుల నిమిత్తం పెద్ద ఎత్తున భూములను జగన్ కేటాయించారంటూ తెలుగుదేశం మీడియా తప్పుడు ప్రచారం చేసేది. ఇప్పుడు చంద్రబాబు అధికారంలోకి వచ్చారు కనుక ఆయన ఆ ప్రాజెక్టులను రద్దు చేస్తారా?.. అంటే అదేమీ చేయరన్న సంకేతాలే వస్తున్నాయి. అలాగే సోలార్ ఎనర్జీ కార్పొరేషన్ ఆఫ్ ఇండియా సంస్థ ద్వారా యూనిట్ 2.49 రూపాయలకు విద్యుత్ సరఫరా చేయడానికి జగన్ ప్రభుత్వం ఒప్పందం అయితే దానిపై ఎంతగా దారుణ అబద్దాలను టీడీపీ మీడియా ప్రచారం చేసింది తెలిసిందే. ఆ మీడియా మరి ఇంత దిగజారి రాస్తుందేమిటా అన్న బాధ కలిగినా ఏమి చేయలేని పరిస్థితి. ఆ విషయంలో కూడా చంద్రబాబు ఎక్కడా ఆ ఒప్పందాలను రద్దు చేయడానికి కమిట్ అవకపోవడం విశేషం. ఆంద్రజ్యోతి మీడియా మాత్రం చంద్రబాబు కన్నా అతిగా స్పందిస్తూ జగన్ పాలనలో ఇంధన రంగం చిధ్రమైపోయిందని అసత్యాలను ప్రచారం చేసింది. ఒకపక్క కొత్తగా విద్యుత్ రాలేదని చెబుతారు. మరో పక్క సోలార్ ఎనర్జీ కార్పొరేషన్ ద్వారా ఏడువేల మెగావాట్ల విద్యుత్ సరఫరాకు జగన్ ప్రభుత్వం ఒప్పందం అయిందని అంగీకరిస్తారు. ఈ మీడియా ఎంత నీచంగా రాసిందంటే జగన్ ప్రభుత్వం వల్ల 1.28 లక్షల కోట్ల భారం పడిందట. వాస్తవం ఏమిటంటే అందులో రాష్ట్ర విభజన టైమ్ కు డిస్కంలపై ఉన్న అప్పులు, ఆ తర్వాత చంద్రబాబు ప్రభుత్వం తీసుకువచ్చిన అప్పులు అన్ని కలిపి 86వేల కోట్ల రూపాయలు కూడా ఉన్నాయి. ఆ తర్వాత జగన్ ప్రభుత్వం మరో 36వేల కోట్ల అప్పులు తీసుకుంది. కానీ, మొత్తం అప్పు అంతటిని జగన్ ప్రభుత్వంపై నెట్టేసి తాము అక్షర సత్యాలు రాశామని నిస్సిగ్గుగా టీడీపీ మీడియా రాసుకుంది. తెలంగాణ విద్యుత్ బకాయిలను కూడా గత ప్రభుత్వంపై నెట్టడానికి మొహమాట పడలేదు.ప్రస్తుతం చంద్రబాబు శిష్యుడు రేవంత్ రెడ్డే ముఖ్యమంత్రిగా ఉన్నందున , వెంటనే బకాయిలు వసూలు చేయవచ్చు కదా.. ఆ మాట మాత్రం రాలేదు. తెలంగాణ ప్రభుత్వం వారే తమకే ఏపీ 24వేల కోట్ల బకాయి ఉందని కొత్త వాదన తెచ్చినా చంద్రబాబు కిమ్మనలేదు. అసలు ఇంతకీ విద్యుత్ రంగానికి సంబంధించి తన ప్రణాళిక ఏమిటో చెప్పకుండా ,ఉన్నవి,లేనివి కలిపి శ్వేతపత్రం పేరుతో జగన్ ప్రభుత్వంపై బురద చల్లడం వల్ల ప్రజలకు వచ్చే ప్రయోజనం ఏమీ ఉండదు. బహుశా ప్రజలపై భారం వేయడానికి ముందు జగన్ తప్పుల వల్లే ఈ పరిస్టితి ఏర్పడిందని అసత్య ప్రచారం చేయడమే లక్ష్యం అయి ఉంటుందని అంతా ఊహిస్తున్నారు. ఆ తర్వాత తానేదో ఉద్దరిస్తున్నట్లు, బాగు చేస్తున్నట్లు కలరింగ్ ఇస్తుంటారు. అంతే తప్ప తాను ఎన్నికలకు ముందు చెప్పిందేమిటి? ఇప్పుడు చేస్తున్నదేమిటీ అన్న విషయం గురించి మాత్రం ప్రస్తావించరు. అదే ఆయన గొప్పదనం. జనం ఓట్లు వేశారు కనుక ఇప్పుడు చంద్రబాబు ఏమి చేసినా భరించవలసిందే. ఆయన ఏమి చెప్పినా వినాల్సిందే. ఆ క్రమంలోనే ఈ నెల కూడా యధా ప్రకారం ట్రూ అప్ చార్జెస్ ను విద్యుత్ సంస్థలు బిల్లుల్లో వేసి వినియోగదారులకు పంపించాయని వార్తలు వచ్చాయి. వాటిని చచ్చినట్లు జనం కట్టక తప్పదు. దీనిపై టీడీపీ నేతలు మాట్లాడరు. జగన్ ప్రభుత్వం టైమ్ లో నానా యాగీ చేసిన టీడీపీ మీడియా కిక్కురుమనదు. ఇలాంటి టెక్నిక్స్ విషయంలో చంద్రబాబును మించినవారు ఎవరూ లేరన్నది వాస్తవం అని చెప్పాలి.:::కొమ్మినేని శ్రీనివాసరావు, సీనియర్‌ పాత్రికేయులు

Drugs In Hyderabad: Police Seized cocaine At Cyberabad Celebrity arrest
హైదరాబాద్‌లో డ్రగ్స్‌ కలకలం.. హీరోయిన్‌ రకుల్‌ సోదరుడు అరెస్ట్‌!

సాక్షి, హైదరాబాద్‌: హైదరాబాద్‌ నగరంలో మరోసారి డ్రగ్స్‌ కలకలం రేగింది. సైబరాబాద్‌ పోలీస్‌ కమిషనరేట్‌ పరిధిలో నార్కోటిక్స్ బ్యూరో, రాజేంద్ర నగర్‌ ఎస్‌ఓటీ పోలీసులు జరిపిన జాయింట్‌ ఆపరేషన్‌లో భారీగా డ్రగ్స్‌ పట్టుబడింది. డ్రగ్స్‌ అమ్ముతున్న అయిదుగురు నైజీరియన్లను పోలీసులు అరెస్టు చేశారు. వీరి నుంచి రూ. 2 కోట్లకు పైగా విలువైన 200 గ్రాముల కొకైన్‌ను పోలీసులు స్వాధీనం చేసుకున్నారు.అయితే హీరోయిన్‌ రకుల్‌ ప్రీత్‌ సింగ్‌ సోదరుడు అమన్‌ ప్రీత్‌ సింగ్‌ను పోలీసులు అదుపులోకి తీసుకున్నారు. అయిదుగురు నైజీరియన్లతోపాటు వారి నుంచి డ్రగ్స్‌ కొనుగోలు చేసిన అయిదుగురు ప్రముఖులను అరెస్ట్‌ చేశారు. పోలీసుల అదుపులో సీని రంగ, వ్యాపార రంగాలకు చెందిన పలువురు ప్రముఖులు కూడా ఉన్నట్లు సమాచారం. నైజీరియన్‌ నుంచి వీరంతా డ్రగ్స్‌ కొనుగోలు చేసినట్లు తెలుస్తోంది. డ్రగ్స్‌ పట్టివేతపై కాసేపట్లో రాజేంద్రనగర్‌ డీసీపీ శ్రీనివాస్‌ మీడియాతో మాట్లాడనున్నారు.

After Quitting T20Is, Rohit Sharma Makes ODI And Test Retirement Plans Clear
రిటైర్మెంట్‌పై రోహిత్‌ శర్మ కీలక వ్యాఖ్యలు

కెప్టెన్‌గా ప్రపంచకప్‌ గెలవాలన్న టీమిండియా సారథి రోహిత్‌ శర్మ కల టీ20 వరల్డ్‌కప్‌-2024తో నెరవేరింది. ఈ మెగా టోర్నీకి ముందు దాదాపు ఏడాది కాలం అంతర్జాతీయ పొట్టి ఫార్మాట్‌కు దూరంగా ఉన్న హిట్‌మ్యాన్‌.. ట్రోఫీని ముద్దాడగానే రిటైర్మెంట్‌ ప్రకటించాడు.ఇంటర్నేషనల్‌ టీ20లకు వీడ్కోలు పలికాడు. అయితే, వన్డే, టెస్టుల్లో రోహిత్‌ శర్మ భవిష్యత్తు గురించి చర్చ మొదలైంది. కొత్త హెడ్‌ కోచ్‌ గౌతం గంభీర్‌ సీనియర్ల పట్ల కాస్త కఠినంగానే వ్యవహరించనున్నాడన్న సంకేతాల నేపథ్యంలో రోహిత్‌తో పాటు విరాట్‌ కోహ్లి వంటి వాళ్ల పరిస్థితి ఏమిటన్న ప్రశ్నలు తలెత్తుతున్నాయి.ఈ నేపథ్యంలో ఇటీవల డల్లాస్‌లో ఓ ఈవెంట్‌కు హాజరైన రోహిత్‌ శర్మకు లాంగర్‌ ఫార్మాట్ల రిటైర్మెంట్‌ గురించి ప్రశ్న ఎదురైంది. ఇందుకు స్పందిస్తూ.. ‘‘ఇప్పటికే ఈ విషయం గురించి చెప్పాను. మరికొంత కాలం నేను క్రికెట్‌ ఆడుతాను’’ అని రోహిత్‌ పేర్కొన్నాడు.కాగా అంతర్జాతీయ టీ20లలో అత్యంత విజయవంతమైన బ్యాటర్లలో ఒకడిగా రోహిత్‌ శర్మ పేరుగాంచాడు. టీమిండియా తరఫున పొట్టి ఫార్మాట్లో 159 మ్యాచ్‌లు ఆడిన హిట్‌మ్యాన్‌.. 4231 పరుగులు సాధించాడు.అత్యధికంగా ఐదు సెంచరీలు సాధించాడు. అదే విధంగా అత్యధిక సిక్సర్లు (205) కొట్టిన బ్యాటర్‌గానూ రోహిత్‌ చరిత్రకెక్కాడు. ఇక రోహిత్‌ శర్మ ఖాతాలో రెండు టీ20 ప్రపంచకప్‌లు ఉండటం విశేషం.ధోని సారథ్యంలో 2007 నాటి మొట్టమొదటి పొట్టి క్రికెట్‌ కప్‌ గెలిచిన జట్టులో సభ్యుడైన రోహిత్‌ శర్మ.. ఈ ఏడాది కెప్టెన్‌ హోదాలో టైటిల్‌ సాధించాడు. ఇక వన్డేల్లోనూ రోహిత్‌ శర్మకు ఘనమైన రికార్డే ఉంది.భారత్‌ తరఫున 262 వన్డే మ్యాచ్‌లలో 10709 రన్స్‌ చేసిన హిట్‌మ్యాన్‌ ఖాతాలో ఏకంగా మూడు డబుల్‌ సెంచరీలు ఉండటం గమనార్హం. ప్రపంచంలో ఈ ఘనత సాధించిన ఏకైక బ్యాటర్‌గా రోహిత్‌ కొనసాగుతున్నాడు.మరోవైపు టెస్టుల్లో మాత్రం కేవలం 59 మ్యాచ్‌లు ఆడిన రోహిత్‌ శర్మ 4138 పరుగులు సాధించాడు. ఇందులో 12 శతకాలు ఉన్నాయి.ఇక 37 ఏళ్ల రోహిత్‌ శర్మ తదుపరి చాంపియన్స్‌ ట్రోఫీ-2025, వరల్డ్‌ టెస్టు చాంపియన్‌షిప్‌ ఫైనల్‌ వరకు కెప్టెన్‌గా కొనసాగుతాడని బీసీసీఐ కార్యదర్శి జై షా ఇప్పటికే స్పష్టం చేశాడు.ఈ ఐసీసీ టోర్నమెంట్ల తర్వాత రోహిత్‌ ఆటగాడిగా కొనసాగుతాడా లేదంటే రిటైర్మెంట్‌ ప్రకటిస్తాడా అన్నది ఆసక్తికరంగా మారింది. ఇదిలా ఉంటే.. టీ20 ప్రపంచకప్‌-2024 ట్రోఫీ గెలిచిన తర్వాత రోహిత్‌తో పాటు విరాట్‌ కోహ్లి, రవీంద్ర జడేజా అంతర్జాతీయ టీ20లకు వీడ్కోలు పలికిన విషయం తెలిసిందే.

Rakshith Shetty Incoled Copy Right Issue
సినీ హీరో రక్షిత్ శెట్టిపై కేసు నమోదు

కన్నడ స్టార్ హీరో రక్షిత్ శెట్టిపై కేసు నమోదైంది. తను హీరోగా నటించి నిర్మించిన 'బ్యాచిలర్‌ పార్టీ' సినిమా వల్ల ఆయన చిక్కుల్లో పడ్డారు. ఈ ఏడాది జనవరిలో విడుదలైన బ్యాచిలర్‌ పార్టీ సినిమా హిట్‌ టాక్‌ తెచ్చుకుంది. ఇందులో దిగంత్‌, అచ్యుత్‌ కుమార్‌, యోగేష్‌ వంటి స్టార్స్‌ నటించారు. ఈ మూవీని అభిజిత్‌ మహేష్‌ దర్శకత్వం వహించారు. ప్రస్తుతం ఈ సినిమా అమెజాన్‌ ప్రైమ్‌లో స్ట్రీమింగ్‌ అవుతుంది.'బ్యాచిలర్ పార్టీ' చిత్రంలో రక్షిత్ శెట్టి హీరోగా నటించడమే కాకుండా నిర్మాతగా కూడా ఉన్నారు. తన నిర్మాణ సంస్థ పరంవా స్టూడియో ద్వారా ఈ మూవీని నిర్మించారు. అయితే, రక్షిత్‌ శెట్టిపై MRT మ్యూజిక్‌లో భాగస్వామిగా ఉన్న నవీన్ కుమార్ ఫిర్యాదు చేశారు. రక్షిత్ శెట్టి తన 'బ్యాచిలర్ పార్టీ' సినిమాలో కాపీరైట్ అనుమతులు లేకుండానే తమ పాటలను ఉపయోగించారని ఫిర్యాదుదారు ఆరోపించారు. న్యాయ ఎల్లిదే, ఒమ్మే నిన్ను చిత్రాల్లోని పాటలను ‘బ్యాచిలర్‌ పార్టీ’లో రక్షిత్‌ శెట్టి కాపీ కొట్టారని వారు ఫిర్యాదులో పేర్కొన్నారు.ఈ వివాదంపై హీరో రక్షిత్‌ శెట్టి ఇంకా స్పందించలేదు. సప్త సాగరాలు దాటి సైడ్-ఏ, సైడ్‌-బి చిత్రాలతో తెలుగు ప్రేక్షకులకు ఆయన మరింత దగ్గరయ్యారు. ఇప్పుడు కాపీరైట్‌ వివాదంలో చిక్కుకున్న రక్షిత్‌ శెట్టి తన టీమ్‌తో సదరు మ్యూజిక్‌ సంస్థతో చర్చలు జరుపుతున్నట్లు సమాచారం.

Pawan Kalyan Comments On Nominated Posts
చంద్రబాబుని ఎలా అడగాలో అర్థం కావట్లేదు: డిప్యూటీ సీఎం పవన్‌

అమరావతి, సాక్షి: నామినేటెడ్‌ పదవుల విషయంలో జనసేన అధ్యక్షుడు, డిప్యూటీ సీఎం పవన్‌ కల్యాణ్‌ ఆసక్తికర వ్యాఖ్యలు చేశారు. అందరికీ పదవుల మీద ఆశ ఉంటుందని, కానీ.. పదవులు అడిగే వాళ్లు వాళ్ల అనుభవాలను, వారి అర్హతలకు దగ్గరగా ఉండే పదవులు అడగాలని కోరారాయన.సోమవారం పార్టీ కార్యాలయంలో జరిగిన కార్యక్రమంలో ఆయన మాట్లాడుతూ.. నామినేటెడ్ పోస్టులు ఉంటాయి. కానీ ప్రతి ఒక్కరూ ఛైర్మన్ పదవులు ఆశిస్తే కష్టం. కొందరు టీటీడీ ఛైర్మన్ సహా ఇంకొన్ని ఛైర్మన్ల పదవులు అడగుతున్నారు. ఒక్క టీటీడీ ఛైర్మన్ పదవి కోసమే 50 మంది అడిగారు. కానీ ఆ పదవి ఒక్కరికే ఇవ్వగలరు.నా కుటుంబ సభ్యులెవరు టీటీడీ ఛైర్మన్ పదవి అడగలేదు. కానీ నా కుటుంబ సభ్యులు టీటీడీ ఛైర్మన్ పదవి అడిగారని ప్రచారంలో పెట్టారు. ఈ పదవుల కోసం చంద్రబాబుని ఎలా అడగాలో తెలియడం లేదు. మీకిది చేశాం కాబట్టి.. మాకు ఈ పదవి ఇవ్వండి అని అడగలేం. అందరికీ న్యాయం చేసేలా నా వంతు ప్రయత్నం చేస్తా.ఇదీ చదవండి: ఇంత ఘోరంగా మోసం చేస్తారా?కానీ.. ఎవరికైనా పదవి ఇవ్వలేకుంటే పెద్ద మనస్సుతో ఆలోచించండి. ప్రధానిని నేనూ కెబినెట్ పదవి అడగగలను.. కానీ నేను అడగలేదు. పదవుల కోసం మనం పని చేయడం లేదు. ఎవరైనా ఏమైనా పదవి కావాలంటే అడగండి. కమిటీలో చర్చించి పదవులిచ్చే ప్రయత్నం చేస్తాం. కష్టపడిన వారిని మరిచిపోం’’ అని అన్నారాయన. కూటమి విజయానికి జనసేన నిర్ణయం తీసుకోవడమే కారణం. నేను ఉపముఖ్యమంత్రిని అవుతానని అనుకోలేదు. ప్రభుత్వంలో భాగం కావడం పెద్ద బాధ్యత అని పవన్‌ అన్నారు.

After Puja Khedkar, Ex-IAS Officer Abhishek Singh Under Fire Over Disability Claim
పూజా ఖేద్కర్‌ తర్వాత మరో ఐఏఎస్‌.. వివాదాల్లో బ్యూరోక్రాట్లు!

దేశంలో బ్యూరోక్రాట్స్‌ నియామకంపై వరుస వివాదాలు తెరపైకి వస్తున్నాయి. ఇప్పటికే మహారాష్ట్రలో ట్రైనీ ఐఏఎస్‌ అధికారిణి పూజా ఖేద్కర్‌ నియామకంపై వివాదం నెలకొంది. ఐఏఎస్‌ గట్టెక్కేందుకు ఆమె పలు నకిలీ పత్రాలు సమర్పించినట్లు ఆరోపణలు ఉన్నాయి. ఈ ఆరోపణలపై దృష్టిసారించిన ప్రధాని మోదీ కార్యాలయం అధికారులు దర్యాప్తు ముమ్మరం చేస్తున్నారు.ఈ తరుణంలో తాజాగా మరో మాజీ ఐఏఎస్ అభిషేక్‌ సింగ్‌ సైతం నకిలీ వైకల్య ధృవీకరణ పత్రాలతో యూపీఎస్సీ పరీక్షల్లో ఉత్తీర్ణత సాధించినట్లు తెలుస్తోంది. Downfall of UPSC has already begun with Pooja Pooja khedkar, followed by this Abhishek Singh.The main guy dancing has cleared UPSC under Locomotor Disability (PwBD-3) category.For those who don't know what is PwBD-3- Cerebral palsy, Leprosy-cured, Dwarfism, Acid attack… pic.twitter.com/osPKbhs2jc— ShoneeKapoor (@ShoneeKapoor) July 13, 2024అభిషేక్‌ సింగ్‌ 2011 బ్యాచ్‌ ఐఏఎస్‌ అధికారి. యాక్టింగ్‌పై మక్కువతో గతేడాది ఉద్యోగానికి రాజీనామా చేశారు. అయితే ఐఏఎస్‌ అధికారిగా ఉండగానే అతడు వ్యాయామం చేస్తున్న వీడియోలు కొన్ని వెలుగులోకి రావడంతో వివాదం మొదలైంది. కదలికలకు సంబంధించి శారీరక వైకల్యం (లోకో మోటర్‌ డిసెబిలిటీ) ఉన్నట్లు సర్టిఫికెట్లు సమర్పించడం... ఆ సర్టిఫికెట్ల ఆధారంగానే అతడికి దివ్యాంగుల కోటా కింద యూపీఎస్సీ నియామకం జరగడం గమనార్హం. పీడబ్ల్యూబీడీ3 అని పిలిచే ఈ కేటగిరి కింద ఆసిడ్‌ దాడి బాధితులు మొదలుకొని కండరాల కదలికల్లేని సెర్రబెల్‌ పాల్సీ వ్యాధిగ్రస్తులు, కుష్టు వ్యాధి నుంచి బయటపడ్డవారు. మరుగుజ్జులుగా మిగిలిపోయిన వారు వస్తారు. ఈ కోటా కింద ఐఏఎస్‌ అయిన అభిషేక్‌ సింగ్‌ జిమ్‌లో ఎంచక్కా వ్యాయామాలు చేస్తున్న వీడియోలు బయటపడటంతో యూపీఎస్సీ నియామకాలపై సర్వత్రా ప్రశ్నలు వెల్లువెత్తుతున్నాయి. పీడబ్ల్యూబీడీ3 కోటా కిందే ఐఏఎస్‌లో 94వ ర్యాంక్‌ను సాధించడంతో చర్చాంశనీయమైంది.రిజర్వేషన్లకు సపోర్ట్‌ చేశాననేతాను ఐఏఎస్‌ సాధించడంపై వస్తున్న ఆరోపణలపై అభిషేక్‌ సింగ్‌ స్పందించారు. రిజర్వేషన్లకు మద్దతు ఇచ్చినందుకు తనను టార్గెట్ చేస్తున్నారని అన్నారు.కష్టపడి ఐఏఎస్‌ సాధించా‘ఇప్పటి వరకు నేను ఎలాంటి విమర్శలు రాలేదు. అయినప్పటికీ నా మద్దతు దారులు అడిగినందుకే ప్రస్తుతం నేను ఐఏఎస్‌ ఎలా అయ్యారనే ప్రశ్నకు బదులిస్తున్నాను. నేను రిజర్వేషన్‌లకు సపోర్ట్‌ చేయడం ఎప్పుడైతే ప్రారంభించానో అప్పటి నుంచి రిజర్వేషన్లు వ్యతిరేకించేవారు నన్ను లక్ష్యంగా చేసుకుని విమర్శిస్తున్నారు. నేను ఎంతో కష్టపడి, ధైర్యంతో ఉన్నత స్థాయికి చేరుకుంటున్నాను.రిజర్వేషన్ ద్వారా కాదు’అని ఎక్స్‌ వేదికపై ట్వీట్‌ చేశారు. भाई दुनिया भर की कहानी लिख दी बस ये नही बताया की कैसे LD जिसके वजह से आपने दिव्यांग कोटा लगाया और IAS बने वो होते हुए भी जिम में वजन उठा रहे हो? थोड़ा ज्ञान साझा कर दो, डॉक्टर भी अध्यन करके दुसरे मरीजों की मदद कर देंगे। pic.twitter.com/EXnFzFD7Us— Roshan Rai (@RoshanKrRaii) July 13, 2024 టాలెంట్‌ ఉంటే ప్రభుత్వ ఉద్యోగాలతో పనిలేదు‘ప్రభుత్వ సహాయం లేకుండా యునైటెడ్ బై బ్లడ్, నో షేమ్ మూవ్‌మెంట్ వంటి నా కార్యక్రమాల ద్వారా సామాజిక సేవ చేశాను. ప్రభుత్వ ఉద్యోగాల్లో జనాభా ప్రకారం రిజర్వేషన్లు ఉండాలని నేను నమ్ముతున్నాను, ఆ దిశగా కృషి చేస్తాను. మీకు ప్రతిభ ఉందని భావిస్తే ప్రభుత్వ ఉద్యోగాల కోసం ప్రయత్నించడం మానేయండి. వ్యాపారం, క్రీడలు లేదా నటనలో రాణించండి’ అని పిలుపునిచ్చారు. పూజా ఖేద్కర్‌ ఐఏఎస్‌ పోస్ట్‌కు ఎసరుట్రైయినీ ఐఏఎస్‌ అధికారిణి పూజా ఖేద్కర్‌ అధికార దుర్వినియోగానికి పాల్పడ్డారు. యూపీఎస్సీకి సమర్పించిన అఫిడవిట్‌లో ఖేద్కర్‌ తన చూపు, మానసిక సమస్యలు ఉన్నాయని పేర్కొన్నారు. కానీ వాటిని నిర్ధారించడానికి తప్పనిసరి వైద్య పరీక్షలకు హాజరు కావాల్సింది. కానీ ఆమె హాజరు కాలేదు. ఐఏఎస్‌లో ఉత్తర్ణీత సాధించారు. కాగా, పూజా ఖేద్కర్‌పై వచ్చిన ఆరోపణలపై విచారణకు కేంద్రం ఏకసభ్య కమిటీని ఏర్పాటు చేసింది. విచారణలో పూజా దోషిగా తేలితే ఆమెను తొలగించే అవకాశం ఉందని సమాచారం. వాస్తవాలను దాచిపెట్టడం, తప్పుగా సూచించడం వంటి ఆరోపణలు నిజమని తేలితే క్రిమినల్ చర్యలు కూడా ఎదుర్కోనున్నారు.

Court Order Zomato to Pay Sixty Thousand For Not Delivering Momos
ఫుడ్‌ ఆర్డర్‌లో నిర్లక్ష్యం.. జొమాటోకు రూ.60 వేల జరిమానా

జొమాటో, స్విగ్గీ వంటివి అందుబాటులో వచ్చిన తరువాత కావలసిన ఫుడ్ ఆర్డర్ పెట్టుకుంటున్నారు, ఉన్న చోటుకే తెప్పించుకుని ఆరగిస్తున్నారు. అయితే ఈ సర్వీసుల్లో అప్పుడప్పుడు కొన్ని సమస్యలు ఎదురవుతూ ఉంటాయి. ఇలాంటి ఘటన ఇటీవల కర్ణాటకలో వెలుగులోకి వచ్చింది. దీనిని విచారించిన కోర్టు జొమాటోకు రూ. 60వేలు జరిమానా విధిస్తూ తీర్పునిచ్చింది.కర్ణాటకలోని ధార్వాడ్‌కు చెందిన శీతల్ అనే మహిళ 2023 ఆగస్టు 31న జొమాటోలో మోమోస్ ఆర్డర్ చేశారు. దీనికి 133 రూపాయలు గూగుల్ పే ద్వారా చెల్లించారు. ఆర్డర్ పెట్టిన 15 నిమిషాల తరువాత డెలివరీ అయినట్లు జొమాటో యాప్ చూపించింది. నిజానికి ఆమెకు మోమోస్ డెలివరీ కాలేదు.ఆర్డర్ పెట్టిన మోమోస్ డెలివరీ కాకపోవడంతో రెస్టారెంటుకు కాల్ చేయగా, డెలివరీ ఏజెంట్ ఆర్డర్ తీసుకున్నారని, ఇతర వివరాలు కోసం డెలివరీ ఏజెంట్‌ను సంప్రదించమని వెల్లడించారు. అయితే ఏజెంట్‌ను సంప్రదించడానికి ప్రయత్నించింది. కానీ అతను స్పందించలేదు. దీంతో శీతల్ జొమాటోకు ఇమెయిల్ ద్వారా ఫిర్యాదు చేశారు. ప్రతిస్పందన కోసం 72 గంటల పాటు వేచి ఉండాల్సిందిగా కంపెనీ రిప్లై ఇచ్చినట్లు సమాచారం. అయినా శీతల్‌‌‌‌ను ఎలాంటి రిప్లై అందలేదు.ఇదీ చదవండి: పెరిగిన ఎస్‌బీఐ వడ్డీ రేట్లు: ఈ రోజు నుంచే అమలు..జొమాటో నుంచి ఎటువంటి స్పందన రాకపోవడంతో 2023 సెప్టెంబర్ 13న కంపెనీకి లీగల్ నోటీసు పంపించారు. నోటీసుకు ప్రతిస్పందనగా, కోర్టుకు హాజరైన జొమాటో తరపు న్యాయవాది ఈ ఆరోపణ తప్పు అని పేర్కొన్నారు. ఆ తరువాత పొంతనలేని సమాధానాల ఆధారంగా కోర్టు తీర్పునిస్తూ.. జొమాటో నిర్లక్ష్యం వల్ల మహిళ మానసిక వేదనకు గురైందని.. దీనికి పరిహారంగా రూ. 50000, కేసు.. ఇతర ఖర్చుల కారణంగా మరో పదివేలు.. ఇలా మొత్తం జొమాటోకు రూ. 60000 జరిమానా విధించింది.Lady Ordered Momos on Zomato For ₹133She Didn’t Receive The OrderBut Zomato Marked Delivered in The AppShe Sent a Legal Notice and Filed a ComplaintNow Consumer Forum Ordered Zomato To Pay ₹60,000 Compensation To Complainant— Ravisutanjani (@Ravisutanjani) July 14, 2024

YSRCP MP Vijayasai Reddy Press Meet In Visakhapatnam
నా ప్రతిష్ట దెబ్బతీసిన వారిని వదలను: ఎంపీ విజయసాయిరెడ్డి

సాక్షి,విశాఖపట్నం: కూటమి రాక్షస పాలనను ప్రజలు గమనిస్తున్నారని, తాటాకు చప్పుళ్లకు తాను భయపడే వాడిని కాదని వైఎస్‌ఆర్‌సీపీ ఎంపీ విజయసాయిరెడ్డి అన్నారు. సోమవారం(జులై 15) విశాఖపట్నంలో నిర్వహించిన మీడియా సమావేశంలో విజయసాయిరెడ్డి మాట్లాడారు. ఏ ప్రభుత్వం అధికారంలో ఉన్నా భయపడే ప్రసక్తేలేదన్నారు.ఐదేళ్ల తర్వాత వైఎస్‌ఆర్‌సీపీ తిరిగి అధికారంలోకి రావడం ఖాయమన్నారు. తోక ఆడించే వారి తోకలను తాము వచ్చాక కత్తిరిస్తామని హెచ్చరించారు. ‘నా ప్రతిష్టను దెబ్బతీసిన వారిని ఎట్టి పరిస్థితుల్లోనూ వదలను. ఒక ఆదివాసీ మహిళా అధికారిని అవమానించారు. ఆమెతో నాకు సంబంధం అంటగట్టారు. ఎలాంటి ఆధారాలు లేని కథనాలు ప్రసారం చేశారు. అసత్య కథనాలు ప్రసారం చేసినవారితో క్షమాపణలు చెప్పిస్తా. చిన్న కుటుంబం నుంచి వచ్చి కష్టపడి ఎదిగాను. బ్లాక్‌​ మెయిల్‌ చేసి డబ్బు వసూల్‌ చేసే వ్యక్తిని కాదు. రాధాకృష్ణ, బీఆర్‌నాయుడు, వంశీకృష్ణ మాదిరి వ్యక్తిని కాదు. అన్ని హక్కుల కమిషన్‌లకు ఫిర్యాదు చేస్తా. మహాన్యూస్‌ వంశీకృష్ణను వదలను. పార్లమెంట్‌లో ప్రైవేట్‌ మెంబర్‌ బిల్లు ప్రవేశపెడతా. ప్రివిలేజ్‌ మోషన్‌ మూవ్‌ చేస్తా’ అని విజయసాయిరెడ్డి ఫైర్‌ అయ్యారు. విజయసాయిరెడ్డిప్రెస్‌మీట్‌ ముఖ్యాంశాలు..కూటమి ప్రభుత్వం అధికారంలోకి వచ్చిన తర్వాత వైఎస్‌ఆర్‌సీపీ నాయకులపై వరుస క్రమంలో బురద జల్లుతున్నారు..నాపై నిరాధార ఆరోపణలు చేసిన వారిని వదిలే ప్రసక్తే లేదునా ఇంటికి టీడీపీ నాయకుడు, ఒక మహిళ వచ్చారుఇది సిసీ కెమెరాల్లో రికార్డు అయిందివిజయసాయి రెడ్డి గాడు పారిపోయాడా ఉన్నాడా అని అడిగాడువాడు టైం చెపితే నేనే వస్తాను, నేనే వాడి ఇంటికి వెళ్తానుమేము ఎవడికి భయపడేది లేదుమళ్ళీ వచ్చేది వైఎస్‌ఆర్‌సీపీ ప్రభుత్వమేమధ్యంతర ఎన్నికలు వచ్చిన వైఎస్‌ఆర్‌సీపీ విజయం సాధిస్తుందితాటాకు చపపుళ్లకు భయపడేది లేదు..ఒక ఆదివాసీ మహిళకు వ్యతిరేకంగా ప్రచారం చేశారుఆధారాలు లేని ఆరోపణలు చేశారుమహా న్యూస్, ఎబిఎన్, టీవీ 5 నాపై తప్పుడు కథనాలు ప్రచారం చేశారు.కనీసం నా వివరణ కూడా తీసుకోలేదుమీతో ఎలా క్షమాపణ చెప్పించాలో నాకు తెలుసునా వ్యక్తిత్వం ఏమిటో నాకు తెలుసురాధాకృష్ణ, బిఆర్ నాయుడు, వంశీ కృష్ణ లాగా బ్లాక్ మెయిల్ చేయడం నాకు తెలియదు..నేను తప్పు చేస్తే దేవ దేవుడు శిక్షిస్తాడుబరితెగించి హద్దులు మీరు ఆధారాలు లేకుండా ఆదివాసీ మహిళతో సంబంధం కట్టబెట్టారుఈ కుట్ర వెనుక ఉన్న వంశీ, రాధా కృష్ణ, వెంకట కృష్ణ, బిఆర్ నాయుడు, సాంబ లకు బుద్ధి చెపుతానురామోజీరావును ధైర్యంగా ఎదుర్కొన్నానువంశీ అనే వాడిపై, పరువు నష్టం దావాతో పాటు పార్లమెంట్‌లో ప్రివిలేజ్ మోషన్ ఇస్తాను.ఎస్టీ కమిషన్, ఉమెన్ ఆర్గనైజేషన్ ను ఫిర్యాదు చేస్తానుప్రైవేట్ మెంబర్ బిల్లు పార్లమెంటులో ప్రవేశపెడతానుసహాయం కోసం వస్తే సంబంధం అంటకట్టేస్తారావయసుతో సంబంధం లేకుండా తప్పుడు ప్రచారం చేస్తారాసాయిరెడ్డి తండ్రి లాంటి వారని ఆదివాసీ మహిళ చెప్పింది.వంశీ అమ్మ అబ్బకు పుట్టి ఉంటే ఇటువంటివి రాసే వాడు కాదుకుట్రలో భాగంగా ఒక సెక్షన్ ఆఫ్ మీడియా తప్పుడు ప్రచారం చేసిందిఒక సామాజిక వర్గానికి చెందిన ఛానెల్స్ నాపై తప్పుడు ప్రచారం చేశారువంశీ మీ అమ్మ అక్క చెల్లి ఎవరైనా ఇటు వంటి ఆరోపణలు చేస్తే ఇలానే డిబెట్లు పెడతావావంశీ, సాంబ, వెంకట కృష్ణ పుట్టుక మీద నాకు అనుమానం ఉందిమీకు డీఎన్ఏ టెస్ట్ లు చేయాలిబ్లీచింగ్ పౌడర్, టాల్కం పౌడర్‌కు తేడా తెలియని వ్యక్తి వంశీఓనమాలు రాని వ్యక్తి వంశీతల్లికి చెల్లికి తేడా తెలియని వ్యక్తి వంశీవంశీ ఇంట్లో ఆడవాళ్ళు మీద ఆరోపణలు చేస్తే ఆ బాధ తెలిసేదిటీవీ 5 సాంబ గురించి సంద్య శ్రీధర్ గురించి అడగాలివెంకట కృష్ణ అమ్మాయిని మోసం చేసి ఈనాడులో ఉద్యోగం పోగొట్టుకున్న వ్యక్తిఎవరో మహిళతో మహాన్యూస్‌ వంశీకి అక్రమ సంబంధం ఆటగట్టి డీఎన్ఏ టెస్ట్ అడిగితే ఎలా ఉంటుంది

who is Thomas Matthew Crooks
ట్రంప్‌పై కాల్పులకు తెగబడింది ఈ యువకుడే.. ఫొటో విడుదల చేసిన ఎఫ్‌బీఐ

వాషింగ్టన్ డీసీ : అమెరికా మాజీ అధ్యక్షుడు డొనాల్డ్‌ ట్రంప్‌పై కాల్పులకు తెగబడ్డ నిందితుడు 20ఏళ్ల థామస్‌ మ్యాథ్యు క్రూక్స్‌ ఫొటోని ఫెడరల్‌ బ్యూరో ఆఫ్‌ ఇన్వెస్టిగేషన్‌ (ఎఫ్‌బీఐ)అధికారికంగా విడుదల చేసింది.గత శనివారం సాయంత్రం 6.30 గంటల సమయంలో అమెరికాలోని పెన్సిల్వేనియా ప్రావిన్స్‌లోని బట్లర్‌ పట్టణంలో డొనాల్డ్‌ ట్రంప్‌ ఎన్నికల ప్రచారం నిర్వహిస్తున్నారు. అయితే ఆ ప్రసంగం వేదికగా ఎదురుగా ఓ బిల్డింగ్‌పై నుంచి నిందితుడు కాల్పులు జరిపాడు. ఈ కాల్పుల్లో ట్రంప్‌ చెవికి తీవ్రగాయమైంది.కాల్పుల అనంతరం క్రూక్స్‌ తప్పించుకునేందుకు ఒక బిల్డ్‌పై నుంచి మరో బిల్డింగ్‌పైకి దూకుతూ తప్పించుకునే ప్రయత్నం చేస్తుండగా ట్రంప్‌ను నీడలా నిత్యం వెంట ఉండే సీక్రెట్‌ ఏజెంట‍్లు సెకన్ల వ్యవధిలో మట్టుబెట్టడంతో ప్రాణాపాయమే తప్పింది. ఈ ఉదంతం తర‍్వాత నిందితుడు ఈ దాడికి ఎందుకు పాల్పడ్డాడు? దాడికి గల కారణాల గురించి తెలుసుకునే పనిలో పడ్డారు ఎఫ్‌బీఐ అధికారులు.. ఇందులో భాగంగా నిందితుడి ఫొటోని విడుదల చేశారు.ఈ సందర్భంగా సీక్రెట్‌ ఏజెంట్ల కాల్పులతో మరణించిన క్రూక్స్‌ డెడ్‌ బాడీ పక్కనే అసాల్ట్‌ రైఫిల్‌ ఏ-15 ని అధికారులు స్వాధీనం చేసుకున్నట్లు ఎఫ్‌బీఐ వెల్లడించింది.క్రూక్స్‌ చదువుకున్న బెతెల్ పార్క్ హై స్కూల్లో చురుకైన విద్యార్ధిగా పేరు సంపాదించాడు. స్కూల్‌లో నిర్వహించిన నేషనల్‌ మ్యాథ్స్‌, సైన్స్‌ ఇన్షియేటీవ్‌ కాంపిటీషన్‌లో 500 డాలర్ల ప్రైజ్‌మనీని దక్కించుకోవడం గమనార్హం.నవంబర్‌ 5 న జరగనున్న అమెరికా అధ్యక్ష ఎన్నికల కోసం తొలిసారి తన ఓటు వినియోగించుకునేందుకు క్రూక్స్‌ తన పేరును నమోదు చేసుకున్నాడు. ఇక స్కూల్స్‌ ఫ్రెండ్స్‌ క్రూక్స్‌ ఎప్పుడూ ఒంటరిగా ఉంటాడని, రాజకీయాలు గురించి, లేదంటే ట్రంప్‌ గురించి ఎప్పుడు ప్రస్తావనకు వచ్చిన దాఖలాలు లేవని వారు స్థానిక మీడియతో మాట్లాడారు. కానీ నిందితుడు స్కూల్లో వేధింపులకు గురైనట్లు చెప్పగా.. ఎఫ్‌బీఐ అధికారులు ఆ కోణంలో దర్యాప్తును ముమ్మరం చేశారు.

If You Are Preparing For Neet Again Heres Why You Should Choose Aakashs Repeaterxii Passed Courses
మీరు మళ్లీ NEET లేదా JEE కోసం సిద్ధమవుతున్నట్లయితే, మీరు ఆకాష్ రిపీటర్/XII Passed కోర్సులను ఎందుకు ఎంచుకోవాలి?

NEET/JEE కోసం సన్నద్ధం కావడానికి ఒక సంవత్సరాన్ని వెచ్చించడం అనేది ఏడాది పొడవునా నిబద్ధత కలిగి మరియు మెడిసిన్ లేదా ఇంజినీరింగ్లో కెరీర్పై మీ కలను కొనసాగించడం పట్ల మీకు మక్కువ ఉంటే ఖచ్చితంగా విలువైనది. ఈ పరీక్షలు ఛేదించడానికి చాలా కఠినంగా ఉంటాయని ప్రత్యేకంగా చెప్పనవసరం లేదు. దీనికి హాజరైన లక్షలాది మంది విద్యార్థులలో మొదటి ప్రయత్నంలోనే కొంత మంది మాత్రమే విజయం సాధిస్తారు. ప్రత్యామ్నాయ కెరీర్ ఎంపికల కోసం వెతకని వారు లేదా తమకు పెద్దగా నచ్చని కాలేజీలలో స్థిరపడని వారు. అయినప్పటికీ, ఒక సంవత్సరం పునరావృతం చేయడానికి మరియు మళ్లీ సిద్ధం కావడానికి వెనుకాడని వారు కూడా చాలా మంది ఉన్నారు.మీరు మీ మొదటి ప్రయత్నంలో NEETని ఛేదించనట్లయితే మరియు మళ్లీ సిద్ధం కావాలని ఆలోచిస్తున్నట్లయితే, మీరు తాజాగా ప్రారంభించి సరైన మార్గ నిర్దేశం చేయడంలో సహాయపడే ఆకాష్ రిపీటర్/XII పాస్ కోర్సులను మీరు తీవ్రంగా పరిగణించాలి.NEET/ JEE 2025 కోసం మీరు ఆకాష్ రిపీటర్/ XII Passed కోర్సును ఎంచుకోవడానికి కారణాలు● ఆకాష్ రిపీటర్ కోర్సులు మీ స్కోర్ను మెరుగుపరచడంలో మీకు సహాయపడటానికి రూపొందించబడ్డాయి మరియు తద్వారా మీ కలల కళాశాలకు ఎంపికయ్యే అవకాశాలను పెంచుతాయిసూర్యాంశ్ K ఆర్యన్ ఆకాష్లో NEET రిపీటర్ క్లాస్రూమ్ విద్యార్థి, అతను NEET 2023లో తన 2వ ప్రయత్నంలో తన స్కోర్లలో గణనీయమైన మెరుగుదలను నమోదు చేసుకున్నాడు మరియు NEET 2022 (592 స్కోర్)లో తన మొదటి ప్రయత్నం కంటే 705 స్కోర్ సాధించగలిగాడు మరియు ప్రస్తుతం AIIMS భోపాల్లో చదువుతున్నాడు. అంజలి కథ కూడా అలాంటిదే. NEET 2022లో 622 స్కోర్ చేసిన తర్వాత, అంజలి ఆకాష్ NEET రిపీటర్ క్లాస్రూమ్ ప్రోగ్రామ్లో చేరింది మరియు 706 స్కోర్ చేయగలిగింది మరియు NEET 2023లో అండమాన్ & నికోబార్ దీవుల టాపర్గా నిలిచింది. అంజలి ప్రస్తుతం MAMC, ఢిల్లీలో చదువుతోంది. ఆకాష్లోని రిపీటర్ సక్సెస్ స్టోరీలు ప్రోగ్రామ్ యొక్క దృఢత్వం మరియు తీవ్రతను తెలియజేస్తాయి, ఇది తమ కలలను సాధించుకోవడానికి తమ విలువైన సమయాన్ని వెచ్చించే విద్యార్థులకు ఆఫర్లో ఉత్తమమైన వాటి కంటే తక్కువ ఏమీ కాకుండా లభించేలా చేస్తుంది.● ఉత్తమ అధ్యాపకులతో అత్యుత్తమ ఫలితాలను అందించడం ద్వారా ఆకాష్ యొక్క 35 ఏళ్ల వారసత్వం నుండి ప్రయోజనం పొందండిఆకాష్ దానితో పాటు, దేశంలోని అత్యుత్తమ అధ్యాపకులలో ఒకరి ద్వారా ఫోకస్డ్ మరియు రిజల్ట్-ఓరియెంటెడ్ టెస్ట్ ప్రిపరేషన్ను అందించే 35 సంవత్సరాల శక్తివంతమైన చరిత్ర కలిగినదిగా పిలవబడింది.. ఆకాష్లోని ఉపాధ్యాయులు అధిక అర్హతలు మరియు అనుభవజ్ఞులు మాత్రమే కాకుండా కోచింగ్ మెథడాలజీలు మరియు విద్యార్థుల మారుతున్న విద్యా అవసరాలకు అనుగుణంగా వారికి సహాయపడే నైపుణ్యాలలో బాగా శిక్షణ పొందారు. ఆకాష్ రిపీటర్/ XII ఉత్తీర్ణత సాధించిన కోర్సులతో, రిపీటర్ విద్యార్థులకు శిక్షణ ఇవ్వడం మరియు వారి ప్రత్యేక అవసరాలు మరియు సామర్థ్యాలను అర్థం చేసుకోవడంలో నైపుణ్యం కలిగిన అత్యుత్తమ అధ్యాపకుల దగ్గర మీరు నేర్చుకుంటారు, తద్వారా వారి ఎంపిక అవకాశాలను మెరుగుపరుస్తారు.● నిపుణులచే రూపొందించబడిన అధిక నాణ్యత అధ్యయన సామగ్రిఆకాష్లోని ప్రతి అధ్యయన వనరు అన్ని అంశాల సమగ్ర విశ్లేషణను అందించడానికి రూపొందించబడింది, విద్యార్థులు NEET మరియు/లేదా JEEలో పరీక్షించిన కాన్సెప్ట్లపై పూర్తి అవగాహన కలిగి ఉండేలా చూసుకుంటారు. విద్యార్థులు కష్టమైన పాఠాలను సులభంగా గ్రహించడంలో సహాయపడేందుకు వివిధ రకాల అభ్యాస ప్రశ్నలు, ఉదాహరణలు మరియు దృష్టాంతాలను చేర్చడానికి మా నిపుణులు స్టడీ మెటీరియల్ను జాగ్రత్తగా డిజైన్ చేస్తారు.అంతేకాకుండా, తాజా పరీక్షల ట్రెండ్లు మరియు ప్యాటర్న్లకు అనుగుణంగా మా స్టడీ మెటీరియల్ కఠినమైన సమీక్ష మరియు అప్డేట్లను కలిగియున్నది. విద్యార్థులు తమ పరీక్షా సన్నాహక ప్రయాణంలో ముందుకు సాగడానికి అత్యంత సందర్భోచితమైన మరియు నవీనమైన కంటెంట్పై అవగాహణ కలిగి ఉండేలా ఇది దోహదపడుతుంది.● పూర్తి అభ్యాసం కోసం కఠినమైన పరీక్షలు మరియు మూల్యాంకన షెడ్యూల్ఆకాష్లో విద్యార్థులు తమ సన్నద్ధత సమయంలో వారి బలహీనమైన ప్రాంతాలలో గణనీయమైన మెరుగుదలను ప్రదర్శించడంలో సహాయపడే నిర్దిష్టమైన పరీక్ష షెడ్యూల్ను అనుసరిస్తారు. ప్రస్తుతం భోపాల్లోని AIIMSలో ఉన్న ఆకాష్లోని రిపీటర్ క్లాస్రూమ్ విద్యార్థి సూర్యాంశ్ మాటల్లో, “నేను ప్రతిరోజూ ఒక పరీక్ష రాశాను”, పరీక్షలు నా బలమైన మరియు బలహీనమైన ప్రాంతాలను గుర్తించడంలో నాకు సహాయపడాయి.● గరిష్టంగా 90% మొత్తం స్కాలర్షిప్ పొందండిమీ కల కోసం సిద్ధపడడం మరియు అది కూడా రెండవసారి, ఖచ్చింగా సవాలుగా ఉంటుంది, ముఖ్యంగా ఆర్థికంగా. మేము, ఆకాష్ వద్ద, ఆకాష్ ఇన్స్టంట్ అడ్మిషన్ కమ్ స్కాలర్షిప్ టెస్ట్ (iACST)తో మీ కలను సాకారం చేయడానికి మీకు అవకాశాన్ని అందిస్తున్నాము. iACST మీకు 90% మొత్తం స్కాలర్షిప్ను గెలుచుకోవడానికి మరియు ఆకాష్ యొక్క రిపీటర్/ XII ఉత్తీర్ణత సాధించిన కోర్సులతో మీ కెరీర్ లక్ష్యాలను సాధించడానికి తక్షణ అవకాశాన్ని మీకు అందిస్తుంది.మీరు 2025లో NEET లేదా JEEలో మరోసారి మీ అదృష్టం పరీక్షించుకోవాలనుక్నుట్లయితే , మెడిసిన్/ఇంజినీరింగ్లో మీ కలల కెరీర్కు ఒక అడుగు దగ్గరగా తీసుకెళ్లగల సరైన మెంటర్ని మీరు ఎంచుకున్నారని నిర్ధారించుకోండి. ఆకాష్ రిపీటర్ కోర్సుల్లో అడ్మిషన్లు ప్రారంభమయ్యాయి. ఈరోజే నమోదు చేసుకోండి మరియు మొత్తం 90% స్కాలర్షిప్ పొందండి.ఇక్కడ క్లిక్ చేయండి

Advertisement
Advertisement
Advertisement
International View all
ఇజ్రాయెల్‌ను వణికిస్తున్న ‘వెస్ట్‌ నైల్‌ ఫీవర్‌’, లక్షణాలు, జాగ్రత్తలు

ఇజ్రాయెల్‌లో కొత్త వైరస్‌ ఆందోళన రేపుతోంది.

ఇమ్రాన్‌ ఖాన్‌ పార్టీపై నిషేధం విధిస్తాం: పాక్‌ మంత్రి ప్రకటన

ఇస్లామాబాద్‌: మాజీ ప్రధాని ఇమ్రాన్‌ ఖాన్‌ పార్టీపై పాకిస్తాన

ట్రంప్‌పై దాడి.. రీగన్‌ను గుర్తుచేసుకున్న కుమార్తె

అమెరికా మాజీ అధ్యక్షుడు డొనాల్డ్‌ ట్రంప్‌పై జరిగిన దాడి ప్రపంచవ్యాప్తంగా చర

గాజా: స్కూల్‌పై ఇజ్రాయెల్‌ దాడి.. 15 మంది మృతి

గాజా: పాలస్తీనాలోని గాజా పట్టణంలో ఉన్న స్కూళ్లపై ఇజ్రాయెల్‌

ట్రంప్‌పై కాల్పులకు తెగబడింది ఈ యువకుడే.. ఫొటో విడుదల చేసిన ఎఫ్‌బీఐ

వాషింగ్టన్ డీసీ :  అమెరికా మాజీ అధ్యక్షుడు డొనాల్డ్‌ ట

NRI View all
విదేశీ వర్కర్ల భద్రతకు మరిన్ని కఠిన నిర్ణయాలు

కెనడా ప్రభుత్వం తమ దేశంలో పనిచేసే విదేశీ వర్కర్ల రక్షణకు చర్యలు తీసుకుంటుంది.

ఇటలీలో బానిసత్వం!.. 33 మంది భారతీయ కార్మికుల విముక్తి

రోమ్‌: భారతీయ వ్యవసాయ కార్మికులను బానిస వ్యవస్థ నుంచి కాపాడి

టాక్‌ ఆధ్వర్యంలో లండన్‌లో ఘనంగా బోనాల వేడుకలు

లండన్: తెలంగాణ అసోసియేషన్ అఫ్ యునైటెడ్ కింగ్డమ్ (టాక్) ఆధ్వర

Video: భగవద్గీత సాక్షిగా బ్రిటన్ ఎంపీగా శివాని ప్రమాణం

భారత సంతతికి చెందిన 29 ఏళ్ల శివాని రాజా యూకే పార్ల‌మెంటులో హిందువుల పవిత్ర‌గ్రంథం భ‌గ‌వ‌ద్గీత సాక్షిగా ఎంపీగా ప్ర‌మాణ స్

45 కిలోలు తగ్గిన భారత సంతతి సీఈవో..అతడి హెల్త్‌ సీక్రెట్‌ ఇదే..!

బరువు తగ్గడం అనేది శారీరక శ్రమకు మించిన కష్టమైన ప్రక్రియ.

Advertisement
Advertisement
 

న్యూస్ పాడ్‌కాస్ట్‌

ఫోటో స్టోరీస్

View all