వైభవంగా చింతల రాయుడి కల్యాణం

వైభవంగా చింతల రాయుడి కల్యాణం

తాడిపత్రి రూరల్‌: స్థానిక చింతల వేంకటరమణస్వామి వార్షిక బ్రహ్మోత్సవాల్లో భాగంగా మంగళవారం శ్రీవారి కల్యాణోత్సవాన్ని నేత్రపర్వంగా నిర్వహించారు. ముందుగా ఆర్యవైశ్య సంఘం తరఫున మంగళ వాయిద్యాలతో పట్టు వస్త్రాలను ఆలయానికి చేర్చారు. అనంతరం ఉత్సవ మూర్తులను ప్రత్యేకంగా అలంకరించిన వేదికపైకి చేర్చి ప్రధాన అర్చకుడు మురళీస్వామి ఆధ్వర్యంలో ఆశ్వయుజ పౌర్ణమి ఘడియల్లో శాస్త్రోక్తంగా కల్యాణం జరిపించారు. అనంతరం రథోత్సవాన్ని అంగరంగ వైభవంగా నిర్వహించారు. రథోత్సవం ప్రారంభమైన కొద్దిసేపటికే చిరుజల్లులు పడ్డాయి. దీంతో భక్తులు పరవశించిపోయారు. రథం ముందు వందన డ్యాన్స్‌ అకాడమీ ఆధ్వర్యంలో చిన్నారుల కోలాటం అకట్టుకుంది. వివిధ వేషధారణలతో కళాకారులు ఆకట్టుకున్నారు.

1/2

వైభవంగా చింతల రాయుడి కల్యాణం

2/2

వైభవంగా చింతల రాయుడి కల్యాణం