గతవారం బెంగళూరు ఓపెన్‌ ఏటీపీ చాలెంజర్‌ టెన్నిస్‌ టోర్నమెంట్‌లో రన్నరప్‌గా నిలిచిన ఆంధ్రప్రదేశ్‌ ప్లేయర్‌ సాకేత్‌ మైనేని అదే జోరును పుణే ఓపెన్‌లో కొనసాగించలేకపోయాడు. మంగళవారం జరిగిన పురుషుల సింగిల్స్‌ తొలి రౌండ్‌లో సాకేత్‌ 4–6, 6–7 (1/7)తో భారత్‌కే చెందిన శశికుమార్‌ ముకుంద్‌ చేతిలో ఓడిపోయాడు. గంటా 28 నిమిషాల పాటు జరిగిన ఈ మ్యాచ్‌ తొలి సెట్‌లో తన సర్వీస్‌ను ఒకసారి కోల్పోయిన సాకేత్‌ రెండో సెట్‌లో తీవ్రంగా పోరాడాడు. అయితే టైబ్రేక్‌లో తడబడి మూల్యం చెల్లించుకున్నాడు.  


 పుణే: భారత పురుషుల టెన్నిస్ నంబర్‌వన్ ప్లేయర్ యూకీ బాంబ్రీ పుణే ఓపెన్ ఏటీపీ చాలెంజర్ టోర్నమెంట్‌లో ఫైనల్లోకి ప్రవేశించాడు. శుక్రవారం జరిగిన సింగిల్స్ సెమీఫైనల్లో  టాప్ సీడ్ యూకీ 7-6 (8/6), 6-3తో నాలుగో సీడ్ జేమ్స్ వార్డ్ (బ్రిటన్)పై విజయం సాధించాడు. శనివారం జరిగే ఫైనల్లో రెండో సీడ్ ఎవగెని డాన్‌స్కాయ్ (రష్యా)తో యూకీ తలపడతాడు. ఈ సీజన్‌లో ఏటీపీ చాలెంజర్ టోర్నీల్లో ఫైనల్‌కు చేరుకోవడం యూకీకిది ఐదోసారి. షాంఘై టోర్నీలో టైటిల్ నెగ్గిన ఈ ఢిల్లీ ఆటగాడు ఢిల్లీ, సమర్‌కండ్, తైవాన్ టోర్నీలలో రన్నరప్‌గా నిలిచాడు.
 
 మరోవైపు ఇదే టోర్నీ పురుషుల డబుల్స్ విభాగంలో దివిజ్ శరణ్ (భారత్)-మాక్సిమిలన్ న్యూక్రైస్ట్ (ఆస్ట్రియా) జోడీ రన్నరప్‌గా నిలిచింది. ఫైనల్లో దివిజ్-న్యూక్రైస్ట్ జంట 6-1, 3-6, 6-10తో ‘సూపర్ టైబ్రేక్’లో మెనెన్‌డెజ్-గ్రానోలెర్స్ (స్పెయిన్) ద్వయం చేతిలో ఓడిపోయింది.