అతి తక్కువ కాలంలో శాండిల్‌వుడ్‌ నుంచి బాలీవుడ్‌ స్థాయికి ఎదిగిన కథానాయకి రుక్మిణీ వసంత్‌. ప్రస్తుతం కన్నడం, తమిళం, తెలుగు భాషల్లో నటిస్తూ బిజీగా ఉన్నారీ భామ. నిజం చెప్పాలంటే తమిళంలో రుక్మిణీవసంత్‌కు ఇంకా సరైన హిట్టు పడలేదు. విజయ్‌సేతుపతికి జంటగా ఏస్‌ అనే చిత్రం ద్వారా ఈ అమ్మడు కోలీవుడ్‌కు ఎంట్రీ ఇచ్చారు. ఆ తర్వాత శివకార్తికేయన్‌ సరసన మదరాసి చిత్రంలో నటించారు. ఈ రెండు చిత్రాలు ఆశించిన విజయాలను అందుకోలేకపోయాయి. అయినప్పటికీ రుక్మిణీ వసంత్‌కు పలు భాషల్లో అవకాశాలు వస్తూనే ఉన్నాయి. ఇంతకుముందు కన్నడంలో రిషబ్‌శెట్టితో కలిసి నటించిన కాంతార చాప్టర్‌–1 చిత్రం బాలీవుడ్‌ వరకు తీసుకెళ్లింది. దీంతో అభిమానులు ఆమెను నేషనల్‌ క్రష్‌ గా పిలుచుకుంటున్నారు. ప్రస్తుతం యష్‌తో కలిసి నటించిన కన్నడ చిత్రం టాక్సిక్‌ త్వరలో ఆల్‌ ఇండియా స్థాయిలో విడుదలకు సిద్ధమవుతోంది.అదేవిధంగా తెలుగులో జూనియర్‌ ఎన్టీఆర్‌ జంటగా నటించే అవకాశాన్ని దక్కించుకున్నారు. వీటితోపాటు తమిళంలో మరో రెండు కొత్త చిత్రాలు వరించినట్లు తాజా సమాచారం. రుక్మిణీవసంత్‌ మోడలింగ్‌ రంగం నుంచి వచ్చారన్నది చాలా మందికి తెలిసుండదు. కాగా మోడలింగ్‌, సినిమా రంగం గురించి ఇటీవల ఈమె పేర్కొన్న విషయం ఇప్పుడు సామాజిక మాధ్యమాల్లో వైరల్‌ అవుతోంది. అందులో సినిమాల్లో నటీనటులు పంచ్‌ డైలాగులు చెప్పి, యాక్షన్‌ సన్నివేశాల్లో నటించి మేనేజ్‌ చేయవచ్చు, అయితే మోడలింగ్‌ రంగంలో అలాంటి అవకాశం ఉండదు. ఒక మాట కూడా మాట్లాడకుండా భావాలను, అభినయాన్ని ప్రదర్శించాల్సి ఉంటుంది. ఇదే మోడలింగ్‌ సుందరీమణులకు పెద్ద సవాల్‌. ఇప్పటి వరకు నేను సినిమా రంగంలో నేర్చుకుంటున్న విషయం ఇదే అని రుక్మిణీ వసంత్‌ పేర్కొన్నారు.


 మోడలింగ్‌లో ప్రతిభ చాటాలనుకున్న యువతీ యువకులకు చక్కని అవకాశం. ‘సూపర్‌మోడల్ హైదరాబాద్ 2014’ పేరిట నగరంలో మోడలింగ్ పోటీలు జరగనున్నాయి. లైమ్‌లైట్ ఎంటర్‌టైన్‌మెంట్, సెలబ్ ఓ ఫియెస్టా సంయుక్తంగా నిర్వహించనున్న కాంటెస్ట్ ఆడిషన్స్ ఈనెల 26న ప్రారంభమవుతాయి. యువతులైతే 5.5, యువకులైతే 5.9 కనీస ఎత్తు ఉండాలి. 18 నుంచి 28 ఏళ్ల లోపు వయసు వారు అర్హులు. ఫైనల్స్ ఆగస్ట్ 23న జేఆర్‌సీ కన్వెన్షన్ సెంటర్‌లో జరుగుతాయని నిర్వాహకులు బుధవారం తెలిపారు.  మరిన్ని వివరాలకు ‘సూపర్‌మోడల్‌హైదరాబాద్‌డాట్‌కామ్’ చూడవచ్చన్నారు. జేఆర్‌సీ కన్వెన్షన్ సెంటర్‌లో జరిగిన ఈ ప్రెస్‌మీట్‌లో నటి సోనియా, సెలబ్రిటీ హెయిర్ స్టయిలిస్ట్ వెరోనికా, ఫిట్‌నెస్ ట్రైనర్ కిరణ్ డెంబ్లా పాల్గొన్నారు.    
       సాక్షి, సిటీప్లస్