ఆమె అందానికి ప్రపంచం దాసోహమైపోయింది. ఆ దక్షినాది అందగత్తె   హాలీవుడ్లో జల్సా చేసింది. ఇప్పుడు ఇంటర్నేషనల్ వేదికపై మరోసారి తళుక్కున మెరిసింది. ఇండియన్ బ్యూటీ ఐశ్వర్యరాయ్ 67వ కాన్స్ ఫిల్మ్ ఫెస్టివల్‌లో మెరిసిపోయింది. ఆ ఈవెంట్లో ఐష్  గోల్డ్ కలర్ గౌను వేసుకుని ఏంజిల్‌లా దర్శనమిచ్చింది. ఆ పోతపోసిన అందాన్ని ప్రేక్షకులు అలాగే కళ్లప్పగించి చూస్తూ ఉండిపోయారు.  బిడ్డకు జన్మనిచ్చిన తర్వాత ఐశ్వర్యరాయ్ బాగా లావెక్కిందనే విమర్శలు ఎదుర్కొంది. ఆ విమర్శలకు ఐష్ చెక్ పెట్టేసింది. స్లిమ్గా తయారై  అందర్నీ ఆశ్చర్య పరిచింది.
 
 2014 కాన్స్ రెడ్ కార్పెట్‌పై ఐష్‌ ఊహించిన దానికంటే ఎక్కువ అందంగా కనిపించి చూసేవారి మతులుపోగొట్టింది. ఫిల్మ్ ఫెస్టివల్‌లో భాగంగా ఫ్లయింగ్ కిస్ ట్రయల్ కూడా నిర్వహిస్తుంటారు. ఈ సందర్భంగా ఐశ్వర్యరాయ్ వదిలేసిన ఫ్లయింగ్ కిస్‌కు అంతా ముగ్దులైపోయారు. దీంతో ఐష్ రీఎంట్రీ అదిరిపోబోతోందని బాలీవుడ్ అంచనా వేస్తోంది. అభిమానులు ఐశ్వర్యరాయ్ రీఎంట్రీ ఎప్పుడా ఎప్పుడా అని ఎదురుచూస్తున్నారు.


 నిత్యం అంతర్జాతీయ కంపెనీల దుస్తులతో మెరిసిపోయే సోనమ్‌కపూర్‌కు భారతీయ దుస్తులు, డిజైనర్లే ఇష్టమట. విదేశాల్లో ప్రదర్శనలకు వెళ్లినప్పుడు దేశీయ వస్త్రాలనే వేసుకుంటానని చెప్పింది. మనం మన శరీరాన్ని సరిగ్గా అర్థం చేసుకుంటే తగిన దుస్తులను ఎంచుకోవడం సులువవుతుందని చెప్పిన సోనమ్, ఈ నెల 18 నుంచి జరిగే కేన్స్ అంతర్జాతీయ చిత్రోత్సవంలో హల్‌చల్ చేయనుంది. ‘లో ఓరియల్’ ఉత్పత్తుల ప్రచారకర్త హోదాలో ఈమె కేన్స్ వేదికపై కనిపించనుంది. ‘విదేశాలకు వెళ్లినప్పుడల్లా మన డిజైన్లను ప్రచారం చేయడానికే నేను ప్రయత్నిస్తాను. సత్తా ఉన్న డిజైనర్లు ఎందరో మన దగ్గర ఉన్నారు.
  
  అందుకే నేను మీడియా సమావేశాల్లో భారతీయ ఆభరణాలు లేదా వస్త్రాలు ధరిస్తాను’ అని ఈ 28 ఏళ్ల ఫ్యాషన్ ప్రియురాలు చెప్పింది. గతంలో కేన్స్ ఉత్సవాలకు వెళ్లినప్పుడు సోనమ్ చీర, జాకెట్‌తో కనిపించి అందరి ప్రశంసలూ దక్కించుకుంది. ముక్కుకు కుందన్ రింగుతో మరింత మనోహరంగా కనిపించింది. ఈ వస్త్రాలను డిజైనర్ అనామికా ఖన్నా రూపొందించింది. ‘నేను పాశ్చాత్య వస్త్రాలు ధరించినా భారతీయ నగలే వేసుకుంటాను.
  
  ఇంతకుముందు ఫ్లోరల్ డాల్స్ అండ్ గబ్బానా గౌన్ వేసుకున్నప్పుడు కూడా మెడలో దేశీ తయారీ గొలుసు వేసుకున్నాను. నా శరీరాకృతిని బట్టే దుస్తులను ఎంచుకుంటాను. ప్రస్తుత ఫ్యాషన్‌కు అనుగుణంగా దుస్తులు వేసుకోకుండా, మనకు ఏది అనుగుణంగా ఉంటే అదే వేస్కోవాలి. నా స్నేహితులకు ఎపుడూ ఇదే విషయం చెబుతుంటాను’ అని వివరించింది. కేన్స్ కనిపించిన బాలీవుడ్ తారల్లో తనకు విద్యాబాలన్ అంటే చాలా ఇష్టమని చెప్పింది. ఆమె దుస్తులు ఎంతో ఆకర్షణీయంగా ఉన్నాయని, చీర  కంటే గొప్ప వస్త్రం ఏదీ లేదని సోనమ్ స్పష్టం చేసింది.