Bus Routes

సాక్షి, హైద‌రాబాద్‌: జూబ్లీహిల్స్‌ చెక్‌పోస్ట్, కేబీఆర్‌ పార్క్‌ పరిసర ప్రాంతాల్లో బస్సుల రూట్లను ఆర్టీసీ క్రమబద్ధీకరించింది. ట్రాఫిక్‌ క్రమబద్ధీకరణలో భాగంగా అమలు చేస్తున్న వన్‌–వే నిబంధనల దృష్ట్యా ప్రయాణికులకు ఇబ్బందులు కలగకుండా ఆర్టీసీ ప్రత్యేక కార్యాచరణ చేపట్టింది. ప్రధాన బస్సు రూట్లలో స్వల్ప మార్పులు చేస్తూ, బస్టాప్‌లు, స్టేజీల వివరాలను అధికారులు వెల్లడించారు. కొండాపూర్‌– కోఠి (127 కే), పటాన్‌చెరు– కోఠి(222ఏ), మణికొండ–సికింద్రాబాద్‌(47ఎల్‌), కొండాపూర్‌– సికింద్రాబాద్‌ (10 హెచ్‌) రూట్లను క్రమబద్ధీకరించారు. (KBR Park One Way Route Map)మార్పులు ఇలా..⇒ సికింద్రాబాద్‌ నుంచి మణికొండకు(47ఎల్‌) వెళ్లే బస్సు జేబీఎస్‌ నుంచి బయలుదేరి సికింద్రాబాద్, బేగంపేట్, నాగార్జున సర్కిల్,ఎల్వీ ప్రసాద్, బసవతారకం హాస్పిటల్, బీఆర్‌ఎస్‌ భవన్, ఎమ్మెల్యే కాలనీ, ఒమేగా హాస్పిటల్, అపోలో ఆస్పత్రి, ఫిల్మ్‌నగర్, దర్గా మీదుగా మణికొండకు చేరుకుంటుంది.⇒ తిరుగు ప్రయాణంలో మణికొండ, పంచవటి కాలనీ, దర్గా, ఫిల్మ్‌ నగర్, జర్నలిస్ట్‌ కాలనీ, జూబ్లీహిల్స్‌ చెక్‌పోస్ట్, అన్నపూర్ణ స్టూడియో, ఎల్వీప్రసాద్‌ హాస్పిటల్, టీవీ9 (మసీద్‌), పంజాగుట్ట పోలీస్‌స్టేషన్, ఆర్‌.జె.కాలేజీ పోలీస్‌ లైన్, ప్లాజా మీదుగా సికింద్రాబాద్, జేబీఎస్‌కు చేరుకుంటుంది. ⇒ సికింద్రాబాద్‌–కొండాపూర్‌ (10హెచ్‌) బస్సు సికింద్రాబాద్‌ నుంచి బేగంపేట్, మైత్రివనం, యూసుఫ్‌గూడ ఎక్స్‌ రోడ్స్, వెంకటగిరి, నవయుగ, పెద్దమ్మగుడి, మాదాపూర్‌ పోలీసు స్టేషన్‌ మీదుగా కొండాపూర్‌ చేరుకుంటుంది.⇒ తిరుగు ప్రయాణంలో కొండాపూర్‌ నుంచి పెద్దమ్మగుడి, జూబ్లీహిల్స్‌ చెక్‌పోస్ట్, వెంకటగిరి, యూసుఫ్‌గూడ, మైత్రివనం, బేగంపేట మీదుగా సికింద్రాబాద్‌ చేరుకుంటుంది. ⇒ కోఠి– పటాన్‌చెరు (222ఏ) బస్సు కోఠి నుంచి లక్డీకాపూల్, మాసబ్‌ ట్యాంక్, నాగార్జున సర్కిల్, ఎల్వీ ప్రసాద్, బసవతారకం హాస్పిటల్, బీఆర్‌ఎస్‌ భవన్, ఎమ్మెల్యే కాలనీ, ఒమేగా, అపోలో ఆస్పత్రి, జర్నలిస్ట్‌ కాలనీ, జూబ్లీహిల్స్‌ చెక్‌ పోస్ట్, పెద్దమ్మగుడి, మాదాపూర్‌ పీఎస్‌ మీదుగా పటాన్‌చెరుకు చేరుకుంటుంది.⇒ తిరుగు ప్రయాణంలో పటాన్‌చెరు నుంచి మాదాపూర్‌ పీఎస్, పెద్దమ్మగుడి, జూబ్లీహిల్స్‌ చెక్‌ పోస్ట్, అన్నపూర్ణ స్టూడియో, ఎల్వీప్రసాద్, నాగార్జున సర్కిల్, మాసబ్‌ ట్యాంక్, లక్డీకాపూల్‌ నుంచి కోఠికి చేరుకుంటుంది. (KBR Park New Bus Routes)చ‌ద‌వండి: కేబీఆర్ చుట్టూ వాహ‌న‌దారుల‌కు చుక్క‌లు⇒ కోఠి– కొండాపూర్‌ (127 కే) బస్సు కోఠి నుంచి లక్డీకాపూల్, మాసబ్‌ ట్యాంక్, పెన్షన్‌ హౌస్, ఎమ్మెల్యే కాలనీ, అపోలో ఆస్పత్రి, రోడ్డు నంబర్‌– 45, మాదాపూర్‌ పీఎస్‌ మీదుగా కొండాపూర్‌ చేరుకుంటుంది.⇒ తిరుగు ప్రయాణంలో కొండాపూర్‌ నుంచి మాదాపూర్‌ పీఎస్, రోడ్డు నంబర్‌– 45, జర్నలిస్ట్‌ కాలనీ, జూబ్లీహిల్స్‌ చెక్‌ పోస్ట్, అన్నపూర్ణ స్టూడియో, ఎల్వీప్రసాద్, బసవతారకం హాస్పిటల్, బీఆర్‌ఎస్‌ భవన్, ఎమ్మెల్యే కాలనీ, పెన్షన్‌ హౌస్, మాసబ్‌ ట్యాంక్‌ నుంచి కోఠికి చేరుకుంటుంది. ⇒ జూబ్లీహిల్స్, ఫిల్మ్‌ నగర్, బంజారాహిల్స్, రోడ్‌ నంబర్‌– 45, పరిసర ప్రాంతాల వైపు వెళ్లే ప్రయాణికులు ఈ మారిన బస్సు రూట్లకు అనుగుణంగా ప్రయాణాలను ప్లాన్‌ చేసుకోవాలని అధికారులు కోరారు.⇒ ప్రయాణికుల రద్దీకి అనుగుణంగా అదనపు బస్సులను నడిపించేందుకు ఏర్పాట్లు చేసినట్లు తెలిపారు.

తిరువొత్తియూరు: చైన్నె తిరువొత్తియూరులో బకింగ్‌హాం కాలువపై వంతెన పనులు పూర్తికావడంతో ప్యారిస్‌, మనలి మధ్య నడిచే నెంబర్‌ 56 బస్సు రూట్‌ మార్పు చేశారు. దీన్ని వ్యతిరేకిస్తూ సోమవారం మహిళలు ఆందోళన చేపట్టారు. చైన్నె, తిరువొత్తియూరు బకింగ్‌ హామ్‌ కాలువను అనుకుని ఉన్న రోడ్డులో ఐదేళ్లుగా ప్రభుత్వ బస్సు 56ఈ నడుస్తోంది. రాజాజీ నగర్‌, కార్గిల్‌ నగర్‌, వెట్రి వినాయక నగర్‌ తదితర ప్రాంతాలకు చెందిన ప్రజలు ఈ బస్సును ఉపయోగించుకుంటున్నారు. ఈ క్రమంలో బకింగ్‌ హామ్‌ కాలువపై చేపట్టిన వంతెన పనులు పూర్తయి దానిని ప్రారంభించారు. దీంతో బకింగ్‌ హామ్‌ కాలువ మార్గంగా వెళుతున్న బస్సులను పాత మార్గంలోని వంతెనపై నడుపుతున్నారు. ఈ క్రమంలో ప్రజలు తీవ్ర ఇబ్బందులు పడుతున్నారు. మళ్లీ కార్గిల్‌ నగర్‌ మార్గంలోనే బస్సును నడపాలని డిమాండ్‌ చేస్తూ సోమవారం ఉదయం 50 మందికి పైగా మహిళలు కొత్త వంతెన వద్ద రోడ్డుపై ఆందోళన చేపట్టారు. తిరువొత్తియూరు పోలీసులు అక్కడికి చేరుకొని వారితో చర్చించారు. ఉన్నతాధికారులకు తెలియజేసి తగిన చర్యలు తీసుకుంటామని హామీ ఇవ్వడంతో ఆందోళన విరమించారు.

సాక్షి, ఆదిలాబాద్‌: ఆంధ్రా ప్రాంతానికి ప్రస్తుతం నడుస్తున్న బస్సు సర్వీసుల ద్వారా ఆదాయం మెరుగ్గా వస్తుండడంతో తాజాగా ఆర్టీసీ ఆదిలాబాద్‌ రీజియన్‌ నుంచి అక్కడికి కొత్త రూట్ల కోసం ప్రతిపాదనలు చేశారు. ప్రస్తుతం ఉమ్మడి ఆదిలాబాద్‌ జిల్లాలోని వివిధ డిపోల నుంచి పది బస్సులు నడుస్తుండగా మరిన్ని పెంచడం ద్వారా ఆదాయాన్ని రాబట్టుకోవాలని ఆర్టీసీ యోచిస్తోంది. ఇటీవల హైదరాబాద్, కరీంనగర్‌ జోన్‌ ఎగ్జిక్యూటీవ్‌ డైరెక్టర్‌ పీవీ మునిశేఖర్‌ జిల్లాలో పర్యటించిన సందర్భంగా ఆంధ్రా ప్రాంతానికి పెంచుకునేందుకు గ్రీన్‌సిగ్నల్‌ ఇస్తూ ప్రతిపాదనలు రూపొందించి పంపించాలని ఆదేశించారు. దానికి అనుగుణంగా రీజియన్‌లో మంచిర్యాల నుంచి ఏలూరు, భైంసా నుంచి ఒంగోలు, నిర్మల్‌ నుంచి ప్రకాశం జిల్లాలోని వింజామూర్, నిర్మల్‌ నుంచే నెల్లూరుకు  బస్సులు నడిపేందుకు ప్రతిపాదనలు చేశారు. వీటికి అంగీకారం లభిస్తే ఆ రూట్లలో బస్సులను నడపనున్నట్లు ఆర్టీసీ అధికారులు చెప్తున్నారు. ప్రస్తుతం ఆదిలాబాద్‌ నుంచి గుంటూరు‌కు నాలుగు సర్వీసులు, ఆసిఫాబాద్‌ నుంచి ప్రకాశం జిల్లాలోని పామూరుకు, నిర్మల్‌ నుంచి ఒంగోలు, ప్రకాశం జిల్లాలోని ఉదయగిరి, కందుకూరు, పామూరు నాలుగు సర్వీసులు, భైంసా నుంచి గుంటూరుకు ఒక సర్వీసు నడుస్తోంది. ప్రధానంగా మన ప్రాంతంలో ఆంధ్రా ప్రాంతం నుంచి వచ్చినటువంటి భవన నిర్మాణ మేస్రీలు, కూలీలు ఈ రూట్లలో నిత్యం రాకపోకలు సాగిస్తుండడంతోనే ఈ బస్సు సర్వీసులకు రద్దీ ఉంది.  బస్సుల సర్వీసుల సంఖ్య పెంపు కరోనా ప్రభావం నుంచి ఆర్టీసీ క్రమంగా తేరుకుంటోంది. తిరిగి ప్రయాణికుల శాతం (ఓఆర్‌) పెరుగుతుండటంతో ఆర్టీసీ అధికారులు, ఉద్యోగులు, సిబ్బందిలో హర్షం వ్యక్తం అవుతోంది. కరోనాకు ముందు ప్రతీరోజు రీజియన్‌లో 600 బస్సులు నడిచేవి. అందులో ఆర్టీసీ 349, అద్దె బస్సులు 251 ఉండగా నిత్యం 2.58 లక్షల కిలో మీటర్లు ప్రయాణించి లక్షా 15 వేల మంది ప్రయాణికులను గమ్యస్థానాలకు చేర్చేవి. తద్వారా రూ. 85 లక్షల నుంచి రూ.90 లక్షల వరకు ఆదాయం లభించేది. కరోనా కారణంగా ఈ ఏడాది మార్చి 23 నుంచి మే 18 వరకు బస్సులు ఎక్కడికక్కడే నిలిచిపోయాయి. దీంతో సంస్థకు తీవ్ర నష్టం సంభవించింది. మే 19న బస్సులను పునః ప్రారంభించినా ప్రయాణికుల శాతం అంతంత మాత్రమే ఉంది. దానికి అనుగుణంగా బస్సు సర్వీసు సంఖ్యను పెంచుతూ వచ్చారు. మొదట 35 శాతం వరకు రాగా క్రమక్రమంగా పెరుగుతూ ఈ మధ్య వరకు 55 శాతం వరకు వచ్చింది. తాజాగా ఓఆర్‌ శాతం 69కి చేరుకుంది. ప్రస్తుతం పెళ్లిళ్ల సీజన్‌ కావడంతో ఆర్టీసీలో రద్దీ పెరిగింది. గురువారం వరకు 520 బస్సు సర్వీసుల 2.20 లక్షల కిలోమీటర్ల మేర తిప్పగా, 60 వేల నుంచి 65 వేల వరకు ప్రయాణికులను గమ్యస్థానాలకు చేర్చారు. శుక్రవారం నుంచి మరో 40 సర్వీసుల సంఖ్యను పెంచి మొత్తం 560 బస్సులను నడుపుతున్నారు. ప్రస్తుతం రూ.75 లక్షల వరకు ఆదాయం లభిస్తుండగా పెరిగిన సర్వీసులకు అనుగుణంగా ఆదాయం పెరుగుతుందని భావిస్తున్నారు. పెంచే అవకాశం ఆంధ్రా ప్రాంతానికి బస్సు సర్వీసుల సంఖ్య పెంచే అవకాశం ఉంది. ప్రస్తుతం రీజియన్‌ పరిధిలో ఓఆర్‌తో పాటు ఆదాయం పెరిగిన దృష్ట్యా మరిన్ని బస్సు సర్వీసుల సంఖ్యను పెంచుతున్నాం. క్రమ క్రమంగా రీజియన్‌లోని 600 బస్సులను తిప్పే విధంగా ప్రయత్నాలు చేస్తున్నాం. – రమేశ్, డీవీఎం, ఆదిలాబాద్‌  


 కొన్నింటి విస్తరణ డీటీసీ ప్రకటన
 న్యూఢిల్లీ: మరిన్ని ప్రాంతాలకు బస్సు సేవలను విస్తరించి, ప్రయాణికులకు సౌకర్యభరిత ప్రయాణం అందించాలనే లక్ష్యంతో ఢిల్లీ రవాణా సంస్థ (డీటీసీ) తన బస్సు రూట్లలో మార్పులు చేసింది. ఇందుకోసం కొన్ని మార్గాల్లో బస్సుల సేవలను పొడగించింది. ప్రస్తుతం రూటు నంబర్ 102 ఎస్టీఎల్‌లో ఇందర్ ఎన్‌క్లేవ్ నుంచి మధుభన్ చౌక్ వరకు నడుస్తున్న బస్సులు ఇక నుంచి రోహిణి సెక్టార్ 21 లఖీరామ్ పార్కు-మధుబన్ చౌక్ మార్గంలో సేవలు అందిస్తాయి.
 
 ఈ మార్గం లో బస్సులు మధుబన్ చౌక్, రోహిణి సెక్టార్ 7/8 క్రాసింగ్, రోహిణి డిపో, నల్లా గ్యాస్‌ప్లాంట్, రోహిణి సెక్టార్ 24/25 క్రాసింగ్, రోహిణి సెక్టార్-23, 100 ఫూటా రోడ్డు డీడీఏ పార్కు, రోహిణి సెక్టార్ - 22 లఖీరామ్ పార్కు, ఇందర్ ఎన్‌క్లేవ్ మీదుగా రాకపోకలు సాగిస్తాయని డీటీసీ అధికార ప్రతినిధి ఆర్ ఎస్ మిన్హాస్ గురువారం ప్రకటించారు.  
 
 ఇక 854 నంబరు రూట్లో ప్రయాణించే బస్సులు ప్రస్తుతం సరాయికలే ఖాన్ అంతర్రాష్ట్ర బస్సు టెర్మినల్ (ఐఎస్‌బీటీ), ఉత్తమ్‌నగర్ టెర్మినల్ వరకు నడుస్తున్నాయి. ఇవి ఇక మీదట జనక్‌పురి సీ-2బీ, తిలక్‌నగర్ నుంచి జిల్లా పార్కు మీదుగా జనక్‌పురి బి-1కు చేరుకుంటాయి. రాత్రిపూట నంబరు 0901 మార్గంలో తిరిగే బస్సురూటు కూడా మారింది.
 
  ప్రస్తుతం ఇవి న్యూఢిల్లీ రైల్వే స్టేషన్ గేటు 2 నుంచి మంగోల్పురి వరకు వెళ్తుం డగా, ఇక నుంచి రోహిణి సెక్టార్-22 టెర్మినల్ వరకు వెళ్తాయి. ఢిల్లీగేటు, ఎర్రకోట, కాశ్మీరీగేట్ ఐఎస్‌బీటీ, పాత సచివాలయం, జీటీబీ నగర్, అశోక్ విహార్ క్రాసింగ్, రోహిణి సెక్టార్ 20/21 ప్యాకెట్-9 మీదుగా రోహిణి సెక్టార్ 22 టెర్మినల్ వరకు వెళ్తాయి.