ప్రముఖ వాహన తయారీ సంస్థ బజాజ్ ఆటో.. దేశీయ విఫణిలో సరికొత్త అవెంజర్ స్ట్రీట్ 220ను లాంచ్ చేసింది. దీని ప్రారంభ ధర రూ.1.30 లక్షలు (ఎక్స్ షోరూమ్). కంపెనీ తన స్ట్రీట్ 160 ఉత్పత్తిని నిలిపివేసిన తర్వాత.. ఈ 2026 మోడల్ విడుదల చేసింది.2026 బజాజ్ అవెంజర్ స్ట్రీట్ 220 బైక్ ఎబోనీ బ్లాక్, కాక్‌టెయిల్ రెడ్ వైన్ అనే రెండు పెయింట్ స్కీమ్‌లలో లభిస్తుంది. ఎత్తైన హ్యాండిల్‌బార్, ముందుకు అమర్చిన ఫుట్‌పెగ్‌లతో, ఈ మోటార్‌సైకిల్ తన రిలాక్స్డ్ డిజైన్‌ను కొనసాగిస్తూ.. సౌకర్యవంతమైన రైడింగ్ పొజిషన్‌ను అందిస్తుంది. ఇది రౌండ్ హెడ్‌ల్యాంప్‌ను.. దానిపై ఫ్యూయల్ గేజ్‌తో కూడిన ఫ్యూయల్ ట్యాంక్ ప్రత్యేకమైన డిజైన్‌ను కూడా కలిగి ఉంది.అవెంజర్ 220 స్ట్రీట్‌లో 220 సీసీ ఎయిర్-ఆయిల్ కూల్డ్, సింగిల్-సిలిండర్ ఇంజిన్ ఉంది. ఇది 8,500 ఆర్పీఎం వద్ద 19 హార్స్ పవర్, 7,000 ఆర్పీఎం వద్ద 17 న్యూటన్ మీటర్ టార్క్ అందిస్తుంది. ఈ బైక్ 5 స్పీడ్ గేర్‌బాక్స్ ద్వారా వెనుక చక్రానికి పవర్ డెలివరీ చేస్తుంది.ఈ మోటార్‌సైకిల్‌కు ముందువైపు టెలిస్కోపిక్ ఫోర్కులు, వెనుకవైపు ప్రీలోడ్ సర్దుబాటుతో కూడిన రెండు షాక్ అబ్జార్బర్‌లు ఉన్నాయి. బ్రేకింగ్ విధులను ముందువైపు 280 మిమీ డిస్క్ బ్రేక్, వెనుకవైపు 130 మిమీ డ్రమ్ బ్రేక్ నిర్వహిస్తాయి. భద్రతను పెంచడానికి, ఈ మోటార్‌సైకిల్‌లో సింగిల్-ఛానల్ ఏబీఎస్ (ABS) అమర్చారు.

సాక్షి, హైదరాబాద్‌ : ఓ ఇంటి ముందు నిలిపి ఉంచిన అవెంజర్‌ బైక్‌ దొంగతనానికి గురైన ఘటన హైదరాబాద్‌ మంగళహాట్‌ పోలీస్‌ స్టేషన్‌ పరిధిలో ఆలస్యంగా వెలుగుచూసింది. కొద్దిరోజుల క్రితం జుమ్మేరాత్‌ బజార్‌ వద్ద పెట్రోల్‌ పంప్‌ ఎదురుగా గల్లీలో నిలిపి ఉంచిన అవెంజర్‌ను ఓ  గుర్తు తెలియని వ్యక్తి దొంగిలించాడు. అక్కడి సీసీ కెమెరాల్లో రికార్డయిన చోరీకి సంబంధించిన దృశ్యాలు ప్రస్తుతం సోషల్‌ మీడియాలో వైరల్‌గా మారాయి. బాధితుడి ఫిర్యాదు మేరకు కేసు నమోదు చేసుకున్న మంగళహాట్‌ పోలీసులు దర్యాప్తు ప్రారంభించారు. చదవండి : ఆన్‌లైన్‌ మోసం.. పోలీసులకే టోకరా.. 


 హైదరాబాద్: ప్రముఖ వాహన తయారీ కంపెనీ బజాజ్ ఆటో.. ఇటీవల మూడు కొత్త అవెంజర్ మోడళ్లను మార్కెట్‌లోకి తీసుకువచ్చింది. వాహన రైడర్లకు అనువుగా ఉండే విధంగా స్ట్రీట్ 150, క్రూయిజ్ 220, స్ట్రీట్ 220 అనే అవెంజర్ మోడళ్లను రూపొం దించామని కంపెనీ ఒక ప్రకటనలో తెలిపింది. క్రూయిజ్ 220, స్ట్రీట్ 220 బైకుల్లో 20 సీసీ డీటీఎస్‌ఐ ఇంజిన్, స్ట్రీట్ 150 బైక్‌లో 150 సీసీ డీటీఎస్‌ఐ ఇంజిన్‌ను పొందుపరిచామని పేర్కొంది. స్ట్రీట్ బైక్స్ గంటకు 90-100 కిలోమీటర్ల వేగాన్ని, క్రూయిజ్ బైక్ 110 కిలోమీటర్ల వేగాన్ని అందిస్తుందని వివరించింది. స్ట్రీట్ 150 బైక్ ధర రూ. 74,000 (ఎక్స్‌షోరూమ్ ఢిల్లీ)గా, క్రూయిస్ 220, స్ట్రీట్ 220 ధర రూ.84,000 (ఎక్స్‌షోరూమ్ ఢిల్లీ)గా ఉంది. పొడవైన వీల్‌బేస్, తక్కువ ఎత్తులో డిజైన్ చేసిన సీటింగ్ సౌకర్యాలు రైడర్లకు ఎంతో ఉపయుక్తంగా ఉంటాయని, లాంగ్ రైడ్‌కు క్రూయిస్ 220, వారంతంలో రైడ్ చేయడానికి స్ట్రీట్ 150, స్ట్రీట్ 220 బైకులు అనువుగా ఉంటాయని కంపెనీ పేర్కొంది.