Antonella Roccuzzo

అర్జెంటీనా ఫుట్‌బాల్‌ దిగ్గజం లియోనల్‌ మెస్సీ అంతర్జాతీయ కెరీర్‌ ముగిసింది. జాతీయ జట్టు తరఫున తాను ఇక ఆడనంటూ ఈ లెజెండరీ ప్లేయర్‌ రిటైర్మెంట్‌ ప్రకటించాడు. ఈ నేపథ్యంలో మెస్సీ భార్య ఆంటోనిలా రొకుజో సోషల్‌ మీడియాలో షేర్‌ చేసిన పోస్ట్‌ వైరల్‌గా మారింది.నువ్వెంతగా కష్టపడ్డావో చూశాను‘‘నీ జీవితంలోని అతి ముఖ్యమైన అధ్యాయాన్ని దగ్గరగా చూసినందుకు నేను ఎంతగా గర్విస్తున్నానో చెప్పడానికి మాటలు సరిపోవు. ఎన్నో ఏళ్లు.. ఎన్నెన్నో జ్ఞాపకాలు.. మరెన్నో ఆనందాలు.. ఇంకెన్నో కఠిన సమయాలు. వీటన్నింటిలో నేనూ ఉన్నాను. నువ్వు ఎంతగా కష్టపడ్డావో చూశాను.అదే సమయంలో తిరిగి పోరాడి నిలదొక్కుకున్న తీరుకు సాక్ష్యంగా నిలిచాను. అనుకున్న లక్ష్యాలు చేరుకునే క్రమంలో అవాంతరాలు ఎదురైనపుడు నువ్వు వెనక్కి తగ్గలేదు. ప్రయత్నలోపం లేకుండా ముందుకు సాగుతూ అనుకున్నది సాధించావు.సంతోషాలు వెల్లివిరిశాయినీ కలలు నిజమయ్యాయి.. మన జీవితంలో సంతోషాలు వెల్లివిరిశాయి. వాటన్నింటిలో నాకూ భాగం ఉన్నందుకు నేను అదృష్టవంతురాలిని. ఇక అన్నింటికీ మించి మన పిల్లలు. వాళ్లు నీ ఎదుగుదలను చూస్తూ పెరిగాను. వాళ్ల నాన్న ఆశయం కోసం ఎలా పోరాడారో కళ్లారా చూశారు.ఎన్ని కష్టాలు ఎదురైనా పట్టుదల వీడకూడదని నేర్చుకున్నారు. విజయం వరించే వరకు అలుపెరుగక శ్రమించాలని తెలుసుకున్నారు. ముఖ్యంగా నువ్వు ప్రపంచకప్‌ ట్రోఫీని ముద్దాడటం చూసి వాళ్లు ఎంతగానో సంతోషించారు. ఏదో ఒకరోజు ఈ అనుభూతిని వాళ్లు పూర్తిగా ఆస్వాదిస్తారు.వాళ్ల నాన్నను చూసి మరింత గర్వపడతారు. నాకు కూడా నువ్వు గర్వకారణం. నీ దారిలో ఎన్నో ముళ్లున్నా దాటుకుంటూ ఈ స్థాయికి చేరుకున్నావు. నీకు దగ్గరగా ఉండటం కంటే నాకు గొప్ప అదృష్టం ఇంకేం ఉంటుంది’’ అని ఆంటోనిలా తీవ్ర భావోద్వేగానికి లోనైంది.ఐదేళ్ల వయసు నుంచే స్నేహంఅర్జెంటీనాలో మూడో అతిపెద్ద పట్టణంగా పేరొందిన రొసారియోలో మెస్సీ- ఆంటోనిలా జన్మించారు. ఐదేళ్లు వయసు నుంచే కలిసి ఆడుకునేవారు. ఆంటోనిలా కజిన్‌ లుకాస్‌ మెస్సీకి స్నేహితుడు. అలా వాళ్ల వయసుతో పాటు స్నేహం కూడా పెరుగుతూ వచ్చింది.ఈ క్రమంలో సహజీవనం చేసిన మెస్సీ- ఆంటోనిలా 2008లో తమ బంధాన్ని అధికారికంగా ప్రకటించారు. మెస్సీ బార్సిలోనా, అర్జెంటీనా జట్ల తరఫున అరంగేట్రం చేసిన తర్వాత ఈ విషయాన్ని వెల్లడించారు. కాగా ఆంటోనిలా హ్యూమానిటీస్‌, సోషల్‌ సైన్సెస్‌ విభాగంలో బ్యాచిలర్‌ డిగ్రీ చేసింది. అదే విధంగా.. డెంటల్‌ సైన్స్‌లో పోస్ట్‌ గ్రాడ్యుయేషన్‌ చేసింది. ప్రస్తుతం ఆమె మోడల్‌గా పనిచేస్తున్నట్లు సమాచారం.ముచ్చటగా ముగ్గురుఇద్దరు కుమారులు తియాగో (2012), మాటియో (2015) జన్మించిన తర్వాత.. 2017లో మెస్సీ- ఆంటోనిలా పెళ్లి చేసుకున్నారు. ఆ మరుసటి ఏడాది వీరికి మరో కుమారుడు సీరో జన్మించాడు.ఇక మెస్సీ ముగ్గురు కొడుకులకు ఫుట్‌బాల్‌ అంటే పంచప్రాణాలు. తండ్రి ఎక్కడ మ్యాచ్‌ ఆడుతున్నా తల్లితో కలిసి స్టేడియానికి వెళ్తారు. తండ్రిని ఉత్సాహపరుస్తూ స్టాండ్స్‌లో సందడి చేస్తారు. ఇదిలా ఉంటే.. తియాగో తన తండ్రి మెస్సీ అడుగుజాడల్లో ఫుట్‌బాలర్‌గా ఎదగాలనే పట్టుదలతో ఉన్నాడు. చదవండి: జొకోవిచ్‌ అలసిపోయాడు

Lionel Messi- Antonella Roccuzzo Love Story: ఒక్క అడుగు.. ఒకే ఒక్క అడుగు.. ఆ ఒక్కటి దాటేస్తే చాలు ప్రపంచకప్‌ విజేతగా నిలవాలన్న స్టార్‌ ఫుట్‌బాలర్‌ లియోనల్‌ మెస్సీ చిరకాల స్వప్నం నెరవేరుతుంది. ఆదివారం (డిసెంబరు 18) నాటి ఫైనల్లో గెలిచి తన కీర్తికిరీటంలో వరల్డ్‌కప్‌ టైటిల్‌ అనే కలికితురాయి చేర్చుకున్నాడు. ఖతర్‌లో క్రొయేషియాతో జరిగిన తొలి సెమీ ఫైనల్లో అర్జెంటీనా విజయం ద్వారా ఈ మేరకు అడుగులు పడిన విషయం తెలిసిందే. మెస్సీ, జూలియన్‌ అల్వారెజ్‌ అద్భుత గోల్స్‌ చేయడంతో క్రొయేషియాను 3-0తో మట్టికరిపించిన అర్జెంటీనా ఆరోసారి ఫిఫా ప్రపంచకప్‌ ఫైనల్లో అడుగుపెట్టింది. దీంతో అర్జెంటీనాలో సంబరాలు అంబరాన్నంటాయి. వీధులన్నీ జనసంద్రమయ్యాయి. మెస్సీ బృంద నామస్మరణతో మారుమ్రోగిపోయాయి.  ఈ విజయంతో మెస్సీ సహా అతడి అభిమానులు సంతోషంలో మునిగిపోగా.. అతడి కుటుంబం సైతం తమదైన శైలిలో సెలబ్రేట్‌ చేసుకుంది. ముఖ్యంగా తమ ముగ్గురు పిల్లలతో ఈ మ్యాచ్‌కు హాజరైన మెస్సీ సతీమణి ఆంటోనీలా రొకుజో ఆనందానికి అవధుల్లేకుండా పోయాయి.  ముగ్గురు కొడుకులతో కలిసి చిరునవ్వులు చిందిస్తూ ఫొటోలకు ఫోజులిచ్చిన ఆమె.. ఇన్‌స్టా వేదికగా వాటిని పంచుకుంటూ మెస్సీపై ప్రేమను చాటుకుంది. ‘‘ఇప్పుడు నా పరిస్థితి ఎలా ఉందో మీకు చెప్పలేను. ఎందుకంటే చెప్పినా కూడా మీకు అర్థం కాదు. లెట్స్‌ గో అర్జెంటీనా.. లెట్స్‌ గో మెస్సీ’’ అంటూ ఆంటోనీలా ఆనందంతో ఉబ్బితబ్బిబ్బైంది. View this post on Instagram A post shared by Antonela Roccuzzo (@antonelaroccuzzo) మెస్సీ వ్యక్తిగత జీవితం, కుటుంబానికి సంబంధించిన ఈ ఫొటోలు నిమిషాల్లోనే వైరల్‌గా మారాయి. దీంతో ఆంటోనీలా రొకజో గురించి నెటిజన్లు ఆరా తీయడం మొదలుపెట్టారు. ఈ నేపథ్యంలో ఇంతకీ ఆంటోనీలా ఎవరు? మెస్సీకి ఎలా పరిచయం? వీరి ప్రేమకథ ఎలా మొదలైంది? మెస్సీ విజయాల్లో ఆమె పాత్ర? తదితర విషయాలు తెలుసుకుందాం! PC:  Antonela Roccuzzo Instagram ఇద్దరిదీ ఒకే ఊరు.. ఐదేళ్ల వయసు నుంచే.. ఆంటోనీలా స్వస్థలం రొసారియో. అర్జెంటీనాలోని మూడో అతిపెద్ద పట్టణం. మెస్సీ జన్మించింది కూడా ఇక్కడే! వీళ్లిద్దరు చిన్ననాటి స్నేహితులు. ఐదేళ్ల వయసు ఉన్నప్పటి నుంచే కలిసి ఆడుకునేవారట. ఆంటోనీలా కజిన్‌ లుకాస్‌ స్కాగ్లియా మెస్సీకి చిన్ననాటి స్నేహితుడు. కాగా లుకాస్‌ కూడా ఫుట్‌బాలరే! కామన్‌ ఫ్రెండ్‌ ద్వారా మిడ్‌ఫీల్డర్‌గా గుర్తింపు దక్కించుకున్న అతడు కొన్నాళ్లు కోచ్‌గానూ వ్యవహరించాడు. అలా కామన్‌ ఫ్రెండ్‌ లుకాస్‌ ద్వారా చేరువైన మెస్సీ, ఆంటోనీలాల స్నేహం వయసుతో పాటు పెరుగుతూ వచ్చింది. ఈ క్రమంలో సహజీవనం చేసిన ఈ జంట.. బార్సిలోనా, అర్జెంటీనా జట్ల తరఫున మెస్సీ అరంగేట్రం జరిగిన మూడేళ్లకు అంటే 2008లో తామిద్దరం రిలేషన్‌షిప్‌లో ఉన్నట్లు ప్రకటించింది. అతడికి ఆట అంటే ప్రాణం.. మరి ఆమెకు? ఆంటోనీలా హ్యుమానిటీస్‌, సోషల్‌ సైన్సెస్‌ విభాగంలో బ్యాచిలర్‌ డిగ్రీ చదివింది. డెంటల్‌ సైన్స్‌లో పోస్ట్‌ గ్రాడ్యుయేషన్‌ పూర్తి చేసింది. మెస్సీ బార్సిలోనాకు ఆడుతున్న సమయంలో అతడికి మరింత చేరువైన ఆమె.. ప్రస్తుతం మోడల్‌గా కెరీర్‌ కొనసాగిస్తోంది. పిల్లల పెంపకంలో కీలక పాత్ర పోషిస్తూ మెస్సీ కెరీర్‌లో విజయవంతంగా ముందుకు సాగేలా ప్రోత్సహిస్తోంది. PC:  Antonela Roccuzzo Instagram 2017లో వివాహం.. ముగ్గురు కొడుకులు ఇద్దరు కొడుకులు జన్మించిన తర్వాత మెస్సీ- ఆంటోనీలా పెళ్లి చేసుకున్నారు. 2017లో అంగరంగ వైభవంగా వీరి వివాహం జరిగింది. కాగా పెళ్లైన ఏడాదికి ఈ జంటకు మరో కుమారుడు సీరో జన్మించాడు. తియాగో(2012), మాటియో(2015)లకు తమ్ముడు వచ్చాడు. విశేషమేంటంటే.. మెస్సీ ముగ్గురు కుమారులు కూడా ఫుట్‌బాల్‌కు వీరాభిమానులు. తల్లితో కలిసి తండ్రి ఆడే మ్యాచ్‌లు చూసేందుకు వెళ్లడం వీరికి అలవాటు. ప్రస్తుతం వీరు ఖతర్‌లో ఉన్నారు. మెస్సీకి సంబంధించిన ప్రతీ మ్యాచ్‌ను చూస్తూ ఎంజాయ్‌ చేస్తున్నారు. ఇక మెస్సీ పెద్ద కుమారుడు తియాగో తండ్రి అడుగుజాడల్లోనే నడుస్తున్నాడు. ఆటలో ఓనమాలు నేర్చుకుంటున్న జూనియర్‌ మెస్సీ.. తండ్రిలాగే స్టార్‌ ఫుట్‌బాలర్‌ ఎదగాలనే పట్టుదలతో ఉన్నాడు. చదవండి: Rishabh Pant: బంగ్లాతో టెస్టు.. రిషభ్‌ పంత్‌ అరుదైన రికార్డు! రెండో భారత వికెట్‌ కీపర్‌గా..   Ranji Trophy 2022-23: తండ్రికి తగ్గ తనయుడు అనిపించుకున్న అర్జున్‌ టెండూల్కర్‌.. తొలి మ్యాచ్‌లోనే సెంచరీ


 రొజారియో (అర్జెంటీనా): అర్జెంటీనా ఫుట్‌బాల్‌ స్టార్‌ లియోనల్‌ మెస్సీ వివాహ వేడుక శనివారం కెసినో కాంప్లెక్స్‌ హోటల్‌లో అంగరంగ వైభవంగా జరిగింది. అర్జెంటీనా మీడియా ‘శతాబ్దపు పెళ్లి’గా అభివర్ణించిన ఈ వేడుకలో పలువురు సాకర్‌ స్టార్లతో పాటు పాప్‌ సింగర్లు హాజరయ్యారు. బాల్య స్నేహితురాలైన 29 ఏళ్ల అంటోనెల్లా రొకుజోను వారి సంప్రదాయం ప్రకారం మెస్సీ (30) పెళ్లి చేసుకున్నాడు. నిజానికి పెళ్లికి ముందే వీరిద్దరు ఓ ఇంటివారయ్యారు.
 
 సుదీర్ఘ సహజీవనంలో వీరికి ఇద్దరు కుమారులు థియాగో మెస్సీ, మాటే మెస్సీ ఉన్నారు. వివాహ వేడుకకు 260 మంది అతిథులొచ్చారు. మెస్సీ తల్లిదండ్రులు సెలియా, జార్జ్‌ మెస్సీ, సోదరి మరియాలతో పాటు బార్సిలోనా క్లబ్‌ సహచరులు నెయ్‌మార్, స్వారెజ్, అర్జెంటీనా స్ట్రయికర్‌ సెర్గియో అగ్వెరో, చెల్సి స్టార్‌ ఫాబ్రెగాస్‌ తదితర ఆటగాళ్లంతా వారి గర్ల్‌ ఫ్రెండ్స్‌తో విచ్చేశారు. పాప్‌ సింగర్‌ షకీరా తన భర్త గెరార్డ్‌ పికెతో కలిసి హాజరైంది.

బార్సిలోనా‌: అర్జెంటీనా ఫుట్‌బాల్ స్టార్ ఆటగాడు లియోనెల్ మెస్సీ (30) ఎట్టకేలకు ఓ ఇంటివాడయ్యాడు. కుటుంబసభ్యుల సమక్షంలో తన  చిన్ననాటి ప్రేయసి, సహజీవన భాగస్వామి ఆంటోనెల్లా రొకుజ్జోను మెస్సీ శుక్రవారం (జూన్‌ 30) పెళ్లాడాడు. సుమారు 250 మంది ప్రపంచ సెలబ్రిటీలు హాజరైన ఈ వేడుకలో మెస్సీ... ఆంటోనెల్లా వేలికి వెడ్డింగ్‌ రింగ్‌ తొడిగి  వివాహ బంధంలోకి అడుగు పెట్టాడు.  మోస్సీ సొంత నగరం అత్యంత విలాసవంతమైన రొసారియో ఈ పెళ్లి వేడుకకు వేదిక అయింది. కాగా గత పదేళ్లుగా మెస్సీ, ఆంటోనెల్లా రొకుజ్జో సహజీవనం చేస్తున్నారు. ఈ జంటకు ఇప్పటికే ఇద్దరు పిల్లలు (తియాగో, మాటియో మెస్సీ) కూడా ఉన్నారు. అత్యంత వైభవంగా జరిగిన ఈ వెడ్డింగ్‌కు హాలీవుడ్తో పాటు ప్రపంచ ప్రఖ్యాత ఫుట్ బాల్ ఆటగాళ్లు నైమర్, లూయిస్ సువరేజ్ సహా పలువురు తన భార్యలతో కలిసి హాజరు అయ్యారు. అలాగే  బార్సిలోనా స్టార్ గెరార్డ్ పికి, పాప్‌ గాయని షకీరా సైతం  విచ్చేశారు. ఇక వివాహ వేడుకలో  ప్రముఖ స్పెయిన్‌ డిజైనర్‌ రోసా క్లారా రూపొందించిన  సొగసైన డిజైనర్‌ గౌన్‌లో ఆంటోనెల్లా రొకుజ్జో మెరిపోయింది. పెళ్లి వేడుక అనంతరం ఈ జంట ఫోటోలకు ఫోజులు ఇచ్చారు. అయితే కవరేజ్‌ కోసం 150మంది జర్నలిస్టులకు అనుమతి ఇచ్చినప్పటికీ ప్రత్యక్షంగా కవరేజ్‌కు మాత్రం అనుమతించలేదు. ఈ వివాహ కార్యక్రమానికి సుమారు 400మందికి పైగా పోలీసులు గట్టి బందోబస్తు నిర్వహించారు. (మరిన్ని చిత్రాల కోసం ఇక్కడ క్లిక్ చేయండి)