TV
ఇక్కడి ఓ ఆసుపత్రి వైద్యులు యాంజియోప్లాస్టీ చికిత్స ద్వారా 97 ఏళ్ల వృద్ధురాలికి ప్రాణం పోశారు.
కోయంబత్తూరు: ఇక్కడి ఓ ఆసుపత్రి వైద్యులు యాంజియోప్లాస్టీ చికిత్స ద్వారా 97 ఏళ్ల వృద్ధురాలికి ప్రాణం పోశారు. తొమ్మిది పదులు దాటిన ఆ మహిళకు సోమవారం సాయంత్రం తీవ్రమైన ఛాతీనొప్పి వచ్చింది. పొరుగునున్న వారు గమనించి వెంటనే ఆసుపత్రికి తరలించారు. మల్టీస్పెషాలిటీ ఆసుపత్రి వైద్యుల బృందం తగిన వైద్యమందించి ఆమె ప్రాణాలను కాపాడింది. ఇంత ముదిమి వయస్సున్న మహిళకు యాంజియోప్లాస్టీ చికిత్స చేయడం ఇదే ప్రథమమని ఆసుపత్రి చైర్మన్ జి.భక్తవత్సలం తెలిపారు.
