ఉచిత ఆక్సిజన్‌ సిలిండర్లకు బ్రేక్‌!

Hyderabad Police Orders to NGOs No Free Oxygen Cylinders - Sakshi

ఎన్జీఓలకు పోలీసుల ఆదేశాలు

సిలిండర్ల నిల్వలకు నిబంధనలు పాటించాల్సిందే..

రెండు రోజులుగా నిరుపేదల అవస్థలు

హోమ్‌ ఐసోలేషన్‌లో ఉన్నవారికి లభించని సిలిండర్లు

బహిరంగ మార్కెట్‌లో కొరత

సాక్షి, సిటీబ్యూరో: కరోనా కష్టకాలంలో అత్యవసరం ఉన్న నిరుపేద రోగులకు అందజేస్తున్న ‘ఉచిత ఆక్సిజన్‌ సిలిండర్ల’ ప్రక్రియకు బ్రేక్‌ పడింది.  నగరంలోని గోల్కొండలో ఎలాంటి లైసెన్స్, ముందస్తు జాగ్రత్త చర్యలు లేకుండా కొనసాగుతున్న అక్రమ ఆక్సిజన్‌ సిలిండర్ల దందా బయటపడటంతో మిగతా చోట్ల ఆక్సిజన్‌ సిలిండర్ల నిల్వలపై పోలీసు యంత్రాంగం దృష్టి సారించింది. అందులో భాగంగా పలు ఎన్జీవోలు, దాతలకు సైతం ‘ఆక్సిజన్‌ సిలిండర్ల పంపిణీ నిలిపివేయాలని స్థానిక పోలీసుల నుంచి ఆదేశాలు అందాయి. నిబంధనలకు విరుద్ధంగా సిలిండర్లను నిల్వ ఉంచితే ఎక్స్‌ప్లోజివ్‌ చట్టం, జాతీయ విపత్తు నిర్వాహణ చట్టం కింద కేసులు నమోదు  తప్పదని అల్టిమేటం జారీ చేసినట్లు తెలుస్తోంది. కరోనా బారినపడి రోగ నిరోధక శక్తి తక్కువ ఉన్నవారికి ఊపిరితిత్తుల్లో సమస్యలు తలెత్తుతుండటంతో వారికి ఆక్సిజన్‌ అందించాల్సి వస్తోంది. ఈ క్రమంలో ఆక్సిజన్‌ సిలిండర్లకు డిమాండ్‌ పెరిగింది. దీన్ని ఆసరాగా చేసుకొని కొందరు ఆక్సిజన్‌ సిలిండర్ల దందాకు తెరలేపడాన్ని తీవ్రంగా పరిగణించిన పోలీసు యంత్రాంగం
ఎక్స్‌ప్లోజివ్‌ చట్టం నిబంధలను కఠినతరం చేసేందుకు సిద్ధమైంది. కరోనా కేసుల్లో ఆక్సిజన్‌ అందక బాధితుల ప్రాణాలు పోతుంటే.. ఉచిత ఆక్సిజన్‌ సిలిండర్ల పంపిణీకి కూడా ఎక్స్‌ప్లోజివ్‌ చట్టం వర్తింపజేయడం విస్మయానికి గురిచేస్తోంది.

ఆక్సిజన్‌ అందక..
హైదరాబాద్‌ మహా నగరంలో కరోనా బారిన పడిన వారిలో అత్యధికంగా ఊపిరి ఆడక మృత్యువాత పడటం ఆందోళన కలిగిస్తోంది. ప్రభుత్వ ఆస్పత్రుల్లో ఆక్సిజన్‌ సిలిండర్ల తీవ్ర కొరత ఉండగా, ఇక ఇంటి వద్ద ఉండి చికిత్స పొందుతున్న నిరుపేద రోగులకు మెడికల్‌ ఆక్సిజన్‌ ధరలు అందుబాటులో లేకుండా పోయాయి.  దీంతో కొన్ని ఎన్జీవో సంస్థలు, మసీదులు ముందుకు వచ్చి దాతల ఆర్థిక చేయూతతో అత్యవసరం ఉన్న  నిరుపేదరోగులకు ఉచితంగా ఆక్సిజన్‌ సిలిండర్లపంపిణీకి శ్రీకారం చుట్టారు. నగరంలోని పలు ప్రాంతాల్లో 15 రోజులుగా ఉచిత సిలిండర్ల పక్రియ కొనసాగింది. కొన్ని ఎన్జీవోలైతే ఏకంగా తమ వాహనాల్లోనే బాధితుల ఇళ్ల్ల వద్దకు సైతం సిలిండర్లు, దానికి సంబంధించిన పరికరాలను చేరవేశాయి. ఆయా ఎన్జీవో సంస్థలు, సామాజిక సేవకులు, మసీదు కమిటీలు, దాతలు సోషల్‌ మీడియాలో ఉచిత ఆక్సిజన్‌ సిలిండర్ల పోస్టు పెట్టడంతో  స్పందన లభించింది. వాటిని స్ఫూర్తిగా తీసుకొని మరికొందరు దాతలు సైతం ఉచిత సిలిండర్లపంపిణీకి ఆర్థిక చేయూత అందించేందుకు ముందుకు వచ్చారు. ప్రైవేటు ఆస్పత్రుల్లో లక్షలతో కూడుకున్న పని కావడంతో పేదలకు ఇంటి వద్దకే ఆక్సిజన్‌ సిలిండర్లు అందజేయడంతో ఉపశమనం కలిగింది. తాజాగా ఉచిత సిలిండర్ల పంపిణీ నిలిపివేతతో నిరుపేదలకు మళ్లీ కష్టాలు మొదలయ్యాయి.  

అత్యవసరం
విషమ పరిస్థితుల్లో గల రోగులకు ఆక్సిజన్‌ సిలిండర్లు అత్యవసరంగా మారాయి. డిమాండ్‌కు తగ్గ సిలిండర్లు అందుబాటులో లేక మార్కెట్లో ఆక్సిజన్‌ సిలిండర్లకు కొరత ఏర్పడింది. ప్రభుత్వ, ప్రైవేటు ఆస్పత్రులకు  ‘మెడికల్‌ ఆక్సిజన్‌’ కొరత ఇబ్బందిగా మారింది. ఆస్పత్రుల్లో అన్ని వసతులు ఉన్నాయని ప్రభుత్వం చెబుతున్నా.. ఆక్సిజన్‌ సిలిండర్ల కొరత సమస్యగా మారింది. పాజిటివ్‌ వచ్చిన వారిని హోమ్‌ ఐసోలేషన్‌కు పరిమితం చేయడంతో బహిరంగ మార్కెట్‌లో మెడికల్‌ ఆక్సిజన్‌ సిలిండర్లకు డిమాండ్‌ పెరిగినట్లయింది. వాస్తవంగా ఆక్సిజన్‌ సిలిండర్ల ఉత్పత్తి చేసే సంస్థలు, కంపెనీలకు కూడా డిమాండ్‌కు తగ్గ సరఫరా తలకు మించిన భారంగా తయారైంది. రీఫిల్‌ చేయడానికి ఖాళీ సిలిండర్ల కొరత కూడా వెంటాడుతోంది. కరోనా రోగుల తాకిడిని తట్టుకునేందుకు ఏకంగా ఐసీఎమ్‌ఆర్‌ నిబంధనల మేరకు.. పాజిటివ్‌ పేషంట్లను ఇళ్లకు పరిమితం చేస్తూ ఇంట్లో ఉండి వైద్యం చేసుకోవాలని అధికారులు పేర్కొనడం విస్మయంకలిగిస్తోంది.

ఆక్సిజన్‌ టెన్షన్‌..
హోమ్‌ ఐసోలేషన్‌లో ఉండి వైద్యం చేయించుకుంటున్న రోగులకు ఆక్సిజన్‌ సిలిండర్లటెన్షన్‌ వెంటాడుతోంది. కరోనా ప్రాథమిక స్థాయిలో ఉంటే ఇబ్బంది లేదు. కానీ ఆక్సిజన్‌ పెట్టాల్సి వస్తే.. తమ పరిస్థితి ఏమిటనే ఆందోళన అధికమైంది. ఓల్డేజ్, ఇతర అనారోగ్య సమస్యలు ఉన్న వారు కరోనా వైరస్‌తో కొద్ది రోజుల వ్యవధిలో చనిపోతున్నారు. ఇలాంటి కేసుల్లో ఎక్కువగా ఊపిరి అందకపోవడమే కారణంగా తెలుస్తోంది. దీంతో ముందస్తుగా ఆక్సిజన్‌ సిలిండర్లను తెచ్చి ఇంట్లో పెట్టుకుంటుండంతో మెడికల్‌ ఆక్సిజన్‌ మార్కెట్‌పై తీవ్ర ప్రభావం చూపుతోంది. హోం క్వారంటైన్‌లో ఉన్న కరోనా పేషెంట్లు ఆక్సిజన్‌ సిలిండర్లు, మిషన్లు అద్దెకు తీసుకుంటున్నారు. మరికొంత మంది రేటు ఎక్కువైనా వీటిని కొనుగోలు చేసి పెట్టుకుంటున్నారు.. ఆక్సిజన్‌ సిలిండర్స్, మెషిన్స్‌తోపాటు పల్స్‌ ఆక్సీ మీటర్స్‌ కూడా విపరీతంగా డిమాండ్‌ పెరిగినట్లయింది. 

సిలిండర్ల ధర ఇలా...
సిలిండర్ల ధర ఇష్టానుసారంగా తయారైంది. సాధారణంగా 10 కిలోల సిలిండర్‌ ధర రూ.7 వేల నుంచి రూ.8 వేల రూపాయలుంటే.. ప్రస్తుతం రూ.10 వేలకు పైగా చెల్లించడానికి సిద్ధంగా ఉన్నా లభించని పరిస్థితి. 12 కిలోల సిలిండర్‌ రూ.10 నుంచి రూ.12 వేలు ఉంటే ప్రస్తుతం రూ.20 వేల వరకు ధర పలుకుతోంది. 10 కిలో సిలెండర్‌తో 8 గంటలు, 12 కిలోల సిలెండర్‌తో 10 గంటల పాటు రోగికి ఆక్సిజన్‌ అందించే అవకాశం ఉంటుంది. సిలిండర్‌ పూర్తయ్యే సరికి రీఫిల్‌ సిద్ధంగా ఉండాలి. కనీసం రెండు సిలిండర్లు అందుబాటులో ఉంచుకోవాల్సిన పరిస్థితి నెలకొంది. ప్రస్తుతం ఖాళీ సిలిండర్‌ రీఫిలింగ్‌ సమస్యగా తయారైంది. సిలిండర్ల  రీఫిలింగ్‌కు రెండు, మూడు రోజులు పడుతోంది. మరోవైపు పవర్‌తో నడిచే ఆక్సిజన్‌ మెషిన్స్‌ 5 లీటర్ల నుంచి 10 లీటర్ల వరకు ఉంటాయి. రూ.45 వేల నుంచి రూ.75 వేల వరకు ధర పలుకుతోంది. ఆక్సిజన్‌ సిలిండర్‌ కంటే మెషిన్‌ అయితే డిస్పోజబుల్‌ క్యాప్‌ వల్ల అందరూ వినియోగించుకునే అవకాశం ఉంది.

Read latest Telangana News and Telugu News | Follow us on FaceBook, Twitter

మరిన్ని వార్తలు

07-08-2020
Aug 07, 2020, 13:43 IST
న్యూయార్క్‌: మహమ్మారి కరోనా వ్యాప్తి భయాల నేపథ్యంలో సైబర్‌ నేరగాళ్ల కార్యకలాపాలు విపరీతంగా పెరిగాయని ఐక్యరాజ్య సమితి వెల్లడించింది. ఈ...
07-08-2020
Aug 07, 2020, 13:20 IST
రాజమహేంద్రవరం క్రైం: రాజమహేంద్రవరం సెంట్రల్‌ జైలు ఖైదీలు కరోనా బారిపడ్డారు. కలెక్టర్‌ మురళీధర్‌ రెడ్డి ఆదేశాల మేరకు ఈ నెల...
07-08-2020
Aug 07, 2020, 11:36 IST
సిమ్లా: హిమాచ‌ల్‌ప్ర‌దేశ్‌లో గ‌డిచిన 24 గంటల్లో రికార్డు స్థాయిలో క‌రోనా కేసులు న‌మోద‌య్యాయి. గురువారం ఒక్క‌రోజే అత్య‌ధికంగా 131 మందికి...
07-08-2020
Aug 07, 2020, 11:22 IST
సాక్షి, అమరావతి : బీజేపీ రాజ్యసభ సభ్యుడు సీఎం రమేశ్ కరోనా బారిన పడ్డారు. తనకు కరోనా పాజిటివ్ గా నిర్ధారణ...
07-08-2020
Aug 07, 2020, 11:11 IST
కరోనా కేసులు 10 లక్షల మార్క్‌ దాటిన రోజు నుంచి వచ్చిన కొత్త కేసులలో దాదాపు 38 శాతం ఐదు రాష్ట్రాల...
07-08-2020
Aug 07, 2020, 10:52 IST
అంగస్తంభన సమస్యల నివారణ కోసం ఉపయోగించే ఆర్ఎల్‌ఎఫ్-100 (అవిప్టడిల్)తో కరోనా కట్టడి.
07-08-2020
Aug 07, 2020, 10:26 IST
కోవిడ్-19 కార‌ణంగా మొద‌టిసారిగా ఓ జ‌డ్జి క‌న్నుమూశారు.
07-08-2020
Aug 07, 2020, 10:10 IST
న్యూఢిల్లీ : భారత్‌లో కరోనా వైరస్‌ పంజా విసురుతోంది. రోజులు గుడుస్తున్నకొద్దీ మునుపెన్నడూ లేని విధంగా అధిక మొత్తంలో ​కేసులు వెలుగు...
07-08-2020
Aug 07, 2020, 09:43 IST
గుంటూరు బ్రాడీపేటకు చెందిన ఓ వ్యక్తి జ్వరం, దగ్గుతో బాధపడ్డాడు.. అసలే ఇటీవలికాలంలో తప్పనిసరి పరిస్థితుల్లో కూరగాయలకు, సరుకుల కోసం...
07-08-2020
Aug 07, 2020, 09:31 IST
బత్తలపల్లి: ఆర్డీటీ సంస్థ ఎగ్జిక్యూటివ్‌ డైరెక్టర్‌ అన్నేఫెర్రర్‌ కరోనాను జయించారు. వైరస్‌ నుంచి కోలుకున్న ఆమె గురువారం ఆర్డీటీ ఆసుపత్రి...
07-08-2020
Aug 07, 2020, 08:46 IST
సాక్షి, హైదరాబాద్‌ : తెలంగాణలో కొత్తగా 2,207 కరోనా కేసులు నమోదైనట్లు రాష్ట్ర వైద్యారోగ్యశాఖ శుక్రవారం ఉదయం హెల్త్‌ బులెటిన్‌...
07-08-2020
Aug 07, 2020, 08:15 IST
సాక్షి, సిటీబ్యూరో: నగరవాసుల ట్రాఫిక్‌ కష్టాలను తీర్చే బాలానగర్‌ ఫ్లైఓవర్‌ పనులకు కరోనా కారణంగా బ్రేక్‌ పడింది. పనులకు ఆదిలో ఆస్తుల...
07-08-2020
Aug 07, 2020, 08:08 IST
యోధులూ ముందుకు రండి.. విశ్వనాథ చెన్నప్ప సజ్జనార్‌.. మొన్నటి వరకూ లాక్‌డౌన్‌లో కోవిడ్‌ నియంత్రణపై పూర్తి సమయాన్ని కేటాయించారు. ప్రస్తుతం కోవిడ్‌...
07-08-2020
Aug 07, 2020, 08:08 IST
వాషింగ్టన్‌ : అమెరికాలో కరోనా వైరస్‌ అంతకంతకూ పంజా విసురుతోంది. కరోనా ధాటికి అగ్రరాజ్యం చిగురాటాకులా వణుకుతోంది. గడిచిన 24 గంటల్లో...
07-08-2020
Aug 07, 2020, 08:01 IST
సాక్షి, సిటీబ్యూరో: ఆపదలోనూ ఆస్పత్రి కంటే ఇల్లే భద్రంగా భావిస్తున్నారు కోవిడ్‌ బాధితులు.  85 శాతం మందిలో స్వల్ప లక్షణాలుండటంతో...
07-08-2020
Aug 07, 2020, 05:27 IST
కరోనా మహమ్మారిని తరిమి కొట్టడానికి తమ వద్ద అద్భుతమైన వ్యాక్సిన్‌ తయారుగా ఉందని ఇజ్రాయెల్‌ ప్రకటించింది.
07-08-2020
Aug 07, 2020, 05:19 IST
న్యూఢిల్లీ: భారత్‌ లో గురువారం కొత్తగా 56,282 కరోనా కేసులు బయట పడ్డాయి. దీంతో మొత్తం కేసుల సంఖ్య 19,64,536...
07-08-2020
Aug 07, 2020, 04:26 IST
సాక్షి, హైదరాబాద్‌: రాష్ట్రంలో కరోనా చికిత్స కోసం ప్రభుత్వ, ప్రైవేట్‌ ఆసుపత్రుల్లో 8,493 పడకలు ఖాళీగా ఉన్నాయి. అందులో ప్రభుత్వ...
07-08-2020
Aug 07, 2020, 04:21 IST
సాక్షి, హైదరాబాద్‌: వైరస్‌ వ్యాప్తి నిరోధానికి నిర్దేశిత జాగ్రత్తలతో మాస్కు ధరించాలని వైద్యసంస్థలు ఎంతగా మొత్తుకుంటున్నా.. శాస్త్రీయ పద్ధతిలో మా...
07-08-2020
Aug 07, 2020, 01:20 IST
కరోనా వైరస్‌ వల్ల నెలకొన్న లాక్‌డౌన్‌ నేపథ్యంలో ‘లాక్‌డౌన్‌’ అనే చిత్రం రూపొందింది. ఉమాంతకల్ప, ఆశిరోయ్, హృతికా సింగ్, రాకింగ్‌...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top