TV
విశాఖ జిల్లాలో నిషేధిత గుట్కా పెద్ద మొత్తంలో బయట పడింది.
విశాఖపట్టణం: విశాఖ జిల్లాలో నిషేధిత గుట్కా పెద్ద మొత్తంలో బయట పడింది. విశ్వసనీయ సమాచారం మేరకు పెందుర్తి పోలీసులు మంగళవారం అర్థరాత్రి వాహన తనిఖీలు చేపట్టారు. ఈ సందర్భంగా హైదరాబాద్ నుంచి శ్రీకాకుళం జిల్లా ఇచ్చాపురం వైపు వెళ్తున్న కంటెయినర్‌ను తనిఖీ చేయగా 43 బస్తాల్లో ఉన్న గుట్కా ప్యాకెట్లు బయటపడ్డాయి. వీటి విలువ రూ.15 లక్షలు ఉంటుందని పోలీసులు తెలిపారు. ఇందుకు సంబంధించి ఇద్దరిని అదుపులోకి తీసుకుని విచారిస్తున్నారు.
