వరుస ఫ్లాప్‌లు ఎదురుకావటంతో సినిమాలకు కాస్త గ్యాప్ ఇచ్చిన యంగ్ హీరో మంచు మనోజ్‌, అభిమానులతో టచ్‌లో ఉండేందుకు సోషల్‌ మీడియాలో యాక్టివ్‌గా ఉంటున్నాడు. తన వ్యక్తిగత విషయాలతో పాటు సామాజిక, రాజకీయ అంశాలమీద తన అభిప్రాయాలను ఎప్పటికప్పుడు ట్విట్టర్‌ వేదికగా అభిమానులతో పంచుకునే మనోజ్‌, మధ్యంతర బడ్జెట్ ప్రవేశపెట్టిన తరువాత నరేంద్ర మోదీని ఉద్దేశిస్తూ ట్వీట్‌ చేశారు.

‘ప్రధాన మంత్రి నరేంద్ర మోదీ, మేము మీ పోరాటంలో మీతో కలిసి పాల్గొన్నాం. మీకు అవసరమైనప్పుడు సాయం చేశాం. మీరు ఇచ్చిన మాట నిలబెట్టుకుంటారని ఇన్నాళ్లు ఎదురుచూశాం. కానీ మీరు ఆ కృతజ్ఞత చూపించలేదు. స్పెషల్ స్టేటస్‌ ప్రకటించలేదు. ఇప్పుడు మీరు మా ఆంధ్రప్రదేశ్‌ రాష్ట్రానికి ఇచ్చిన మాట నిలబెట్టుకోండి లేదా మీరు ఏ స్వామి ముందు అయితే మాట ఇచ్చారో ఆ బాలాజీ ఆగ్రహానికి గురికాక తప్పదు’ అంటూ ట్వీట్ చేశాడు మనోజ్‌.

PM @narendramodi, We stood with u in ur fight,supported u when u needed us,waited 4 u to fulfill ur promise. Neither gratitude nor #SpecialStatus came frm u. It‘s time,u respect our just demand & grant #APSpecialStatus to our gr8 #AP or face wrath of Lord Balaji wr u promised! pic.twitter.com/5uCT8WSzI1

— Manoj Kumar Manchu❤️ (@HeroManoj1) 1 February 2019