బాలయ్య సినిమా పేరు ‘సామ్రాట్’ కాదా?

ఇమేజ్‌కి తగ్గట్టుగా హీరోలను ప్రెజెంట్ చేయడంలో దర్శకుడు బోయపాటి శ్రీను దిట్ట. ‘సింహా’లో బాలకృష్ణను ఆయన తెరపై ఆవిష్కరించిన తీరుకు జనాలు ఫుల్ ఖుష్ అయిపోయారనే చెప్పాలి. శారీరక భాష, సంభాషణలు పలికే తీరు... ఇలా ప్రతి విషయంలో బాలయ్య అందులో కొత్తగా కనిపించారు. మళ్లీ వీరిద్దరి కలయికలో ఓ సినిమా రూపొందుతోన్న విషయం తెలిసిందే. 14రీల్స్ ఎంటర్‌టైన్‌మెంట్ పతాకంపై ‘దూకుడు’ లాంటి బ్లాక్‌బస్టర్‌ని ప్రేక్షకులకు అందించిన నిర్మాతలు రామ్ ఆచంట, గోపిచంద్ ఆచంట, అనిల్ సుంకర ఈ చిత్రాన్ని నిర్మిస్తున్నారు. బాలకృష్ణ చిత్రానికి దేవిశ్రీప్రసాద్ స్వరాలందిస్తున్న తొలి చిత్రం ఇదే కావడం గమనార్హం.