TV
లింక్ తెగిపోవడంతో డోన్ నుంచి గుత్తికి వెళ్లే ప్యాసింజర్ రైలింజన్..బోగీలు లేకుండా వంద మీటర్లు ముందుకు వెళ్లింది.
డోన్ టౌన్: లింక్ తెగిపోవడంతో డోన్ నుంచి గుత్తికి వెళ్లే ప్యాసింజర్ రైలింజన్..బోగీలు లేకుండా వంద మీటర్లు ముందుకు వెళ్లింది. దీంతో ప్రయాణికులు, రైల్వే సిబ్బంది కాసేపు ఆందోళనకు గురయ్యారు. శనివారం మధ్యాహ్నం 2 గంటల సమయంలో ఈ ఘటన చోటుచేసుకుంది. విషయం గ్రహించిన రైల్వే సిబ్బంది వెంటనే అప్రమత్తమై ఇంజిన్ను వెనక్కు తెచ్చి బోగీలతో లింక్ను సరిచేయడంతో 30 నిమిషాలు ఆలస్యంగా ప్యాసింజర్ రైలు గుత్తికి బయలుదేరింది.
