రోడ్డెక్కిన విద్యుత్‌ ఉద్యోగులు

● ఎస్పీడీసీఎల్‌ ముందు ఆందోళన ● సమస్యలను తక్షణమే పరిష్కరించాలని డిమాండ్‌ ● విద్యుత్‌ ఉద్యోగులకు, పెన్షనర్లకు వారి కుటుంబ సభ్యులకు పూర్తి వైద్య ఖర్చులు చెల్లించాలి. ● రాష్ట్ర ప్రభుత్వం అమలులో ఉన్న జీపీఎఫ్‌తో కూడిన పెన్షన్‌ నిబంధనలను 1.2.1999 నుంచి 31.8.2004వరకు నియమితులైన ఉద్యోగులందరికీ వర్తింపచేయాలి. ● అవుట్‌సోర్స్‌, కాంట్రాక్టు లేబర్‌ పద్దతిలో పనిచేస్తున్న ఉద్యోగులకు యాజమాన్యమే నేరుగా వేతనాలు చెల్లించాలి. ● కారుణ్య నియామకాలు కల్పించడంలో కొత్త, కొత్త పేర్లు పెట్టి కన్సాలిడేట్‌ పే ఇస్తున్న పద్ధతిని వెంటనే రద్దు పరచి గత నాలుగు దశాబ్దాల నుంచి అమలులో ఉన్న పద్ధతినే కొనసాగించాలి. ● 2019లో నియమితులైన ఎనర్జీ అసిస్టెంట్లు (జేఎల్‌ఎం గ్రేడ్‌–2)ను రెగ్యులర్‌ జేఎల్‌ఎంలుగా పరిగణించి వేతనాలు, ఇతరత్రా ప్రయోజనాలను వర్తింప చేయాలి. ● ఉద్యోగ సంఘాలతో కుదుర్చుకున్న ఒప్పందం ప్రకారం మూడేళ్ల నుంచి జరుపుతున్న పద్ధతిలోనే పెండింగ్‌లో ఉన్న నాలుగు డీఏలు, డీఆర్‌లను మంజూరు చేయాలి. ● ఇంజినీరింగ్‌ డిగ్రీ కలిగిన జూనియర్‌ ఇంజినీర్లకు, అసిస్టెంట్‌ ఎగ్జిక్యూటివ్‌ ఇంజినీర్లుగా పదోన్నతి అవకాశం కల్పించాలి. ● ఆపరేషన్స్‌ అండ్‌ మెయింటెనెన్స్‌లో పనిచేసే ఉద్యోగులను జూనియర్‌ అసిస్టెంట్‌, జూని యర్‌ ఇంజనీరు పోస్టుల్లో నియమించాలి. ● ఎంతో కాలంగా డిపార్ట్‌మెంట్‌ ఉద్యోగులతో నిర్వహించే 33/11కేవీ సబ్‌ స్టేషన్లను కాంట్రాక్టుకు ఇవ్వడం ఆపాలి. ● మూడు నెలలకోసారి సర్కిల్‌ స్థాయి నుంచి రాష్ట్ర స్థాయి వరకు పీఎన్‌సీ సమావేశాలను నిర్వహించాలి. ● గతంలో అంగీకరించిన విధంగా అన్ని విభాగాల్లోని ఖాళీలను భర్తీ చేయాలి, పని ప్రమాణాలను బట్టి అదనపు పోస్టులు మంజూరు చేయాలి. ● క్షేత్ర స్థాయిలో ప్రమాదాలు జరిగినప్పుడు సాంకేతికపరమైన అంశాలను పరిగణనలోకి తీసుకుని, సమగ్ర విచారణ జరిపిన తరువాతనే చర్యలు తీసుకోవాలి.