2 నెలల్లోనే తారస్థాయికి 

WHO Analysis On Second Wave In India - Sakshi

భారత్‌లో సెకండ్‌ వేవ్‌పై డబ్ల్యూహెచ్‌వో విశ్లేషణ

ఫస్ట్‌వేవ్‌లో కేసులు తారస్థాయికి చేరడానికి ఏడు నెలలు

గత ఏడాది సెప్టెంబర్‌ మూడో వారంలో మొదటి వేవ్‌ పీక్‌కు

దేశంలో గతవారం దాదాపు అదేస్థాయిలో కేసులు

సాక్షి, హైదరాబాద్‌: దేశంలో కరోనా విజృంభణతో జనం వణికిపోతున్నారు. లక్షణాలు లేకుండా సోకు తుండటంతో ఎవరికి వైరస్‌ ఉందో ఎవరికి లేదో అంతుబట్టడం లేదు. కరోనా వైరస్‌లో మార్పుల (మ్యుటేషన్ల) కారణంగా దాని వ్యాప్తి గతం కంటే గణనీయంగా పెరిగింది. ఊహ కందని వేగంతో వైరస్‌ విస్తరిస్తోంది. భారత్‌లో గతేడాది మొదటివేవ్‌లో కేసులు తారస్థాయికి చేరడానికి ఏడు నెలల సమయం పడితే... సెకండ్‌ వేవ్‌లో కేవలం రెండు నెలల్లోనే కేసులు ఆ స్థాయికి చేరుకున్నట్లు ప్రపంచ ఆరోగ్య సంస్థ (డబ్ల్యూహెచ్‌వో) తెలిపింది. డబ్ల్యూహెచ్‌వో తాజాగా విడుదల చేసిన నివేదిక ప్రకారం మన దేశంలో కరోనా వ్యాప్తి భారీగా ఉంది. గతేడాది సెప్టెంబర్‌ 21వ తేదీకి మొదటి వేవ్‌ పతాక స్థాయికి చేరుకుంది. ఆ వారంలో 6.46 లక్షల కేసులు నమోదయ్యాయి. 8,166 మంది మృతి చెందారు.

కరోనా మొదటి వేవ్‌ పీక్‌కు చేరుకోవడానికి ఏడు నెలల సమయం పట్టింది. కానీ ఇప్పుడు ఆ స్థాయి తీవ్రత దాదాపు రెండు నెలల్లోనే కనిపిస్తోందని ప్రపంచ ఆరోగ్య సంస్థ విశ్లేషించింది. సెకండ్‌ వేవ్‌లో గత వారంలో ఇండియాలో 5.13 లక్షల కేసులు నమోదయ్యాయి. అదే వారంలో 3,071 మరణాలు సంభవించాయి. మొదటి వేవ్‌ తీవ్రత సమయంలో ఎలాంటి భయానక పరిస్థితి ఉందో ఇప్పుడూ అలాంటి తీవ్రతే ఉంది. అయితే మరణాలు గణనీయంగా తగ్గడం గుడ్డిలో మెల్ల. ఇక దీన్ని ఆధారం చేసుకొని తెలంగాణలో పరిస్థితిని ఇక్కడి వైద్య నిపుణులు అంచనా వేస్తున్నారు. రాష్ట్రంలో మొదటివేవ్‌ తారాస్థాయికి చేరిన సెప్టెంబర్‌లో మూడో వారంలో 16,201 కేసులు, 78 మరణాలు నమోదయ్యాయి. సెకండ్‌ వేవ్‌లో చూస్తే గత వారంలో తెలంగాణలో 7,873 కేసులు రాగా, 33 మరణాలు సంభవించాయి. మన రాష్ట్రంలో మొదటి వేవ్‌లోని తీవ్రతలో 50 శాతం సెకండ్‌ వేవ్‌లో నెల రోజుల్లోనే కనిపిస్తుండటం గమనార్హం. 

ఒక కాంటాక్టు నుంచి 24 శాతం మందికి
మన దేశంలో మొదటి వేవ్‌లో తీసుకుంటే... ఒక కరోనా రోగి తనకు సన్నిహితంగా మెలిగిన వారిలో 17 శాతం మందికి వైరస్‌ వ్యాపింపజేస్తే, ఇప్పుడు 24 శాతం మందికి అంటిస్తున్నారు. అంటే ప్రైమరీ కాంటాక్టుల్లో వ్యాధి సోకుతున్న వారి సంఖ్య (శాతం) పెరిగింది. ఇలా ఒకరి నుంచి ఒకరికి అదే స్థాయిలో విస్తరణ పెరుగుతూ వస్తోంది. అందుకే కేంద్ర ప్రభుత్వం ఒక వ్యక్తికి పాజిటివ్‌ వస్తే, అతనితో సమీపంగా మెలిగిన 25 మందికి 72 గంటల్లోగా కరోనా నిర్దారణ పరీక్ష చేయాలని నిర్ణయించింది. ట్రేసింగ్, టెస్టింగ్‌ మూలంగా ఇప్పుడు కుప్పలుతెప్పలుగా కేసులు వస్తున్నాయి. ఆ మధ్య పాఠశాలలు, ఇప్పుడు షాపింగ్‌ మాల్స్, శుభకార్యాలు, విందులు, వినోదాల్లో పాల్గొన్న వారి ద్వారా కేసులు పెరుగుతున్నాయి.

నిజామాబాద్‌ జిల్లా వర్ని ప్రాంతంలో ఇటీవల ఒక పెళ్లికి వెళ్లివచ్చిన వారిలో 370 మందికి కరోనా నిర్దారణ పరీక్షలు చేస్తే, వారిలో ఏకంగా 86 మందికి పాజిటివ్‌ వచ్చింది. వైరస్‌ ఎంత వేగంగా వ్యాపిస్తోందో ఇది తెలియజేస్తోంది. మొదటి వేవ్‌ గతేడాది లాక్‌డౌన్‌ తర్వాత మొదలైంది. అంటే ఒక రకంగా ఆలస్యంగా ప్రారంభమైంది. అప్పట్లో భయంతో జనం జాగ్రత్తలు పాటించారు. అయితే లాక్‌డౌన్‌ సడలింపుల తర్వాత అక్టోబర్‌ నుంచి జనవరి దాకా చాలావరకు రిలాక్స్‌ అయ్యారు. అంతకుముందున్న భయం పోయింది. జాగ్రత్తలు చెప్పినా పాటించడంలేదు. ఇప్పుడు కూడా కరోనా లక్షణాలను చాలామంది నిర్లక్ష్యం చేస్తున్నారు. సాధారణ లక్షణాలుగానే భావించి నిర్లిప్తత ప్రదర్శిస్తున్నారు. జ్వరం, జలుబు వస్తే రొటీన్‌గానే చూస్తున్నారు. టెస్టుకు వెళ్లి ఐసోలేట్‌ కాకపోవడం మూలంగా వారి నుంచి ఇతరులకు సోకుతోంది. 

యూకేలో థర్డ్‌ వేవ్‌లో భారీగా ప్రాణ నష్టం...
యూకేలో కొత్త స్ట్రెయిన్‌ కారణంగా అక్కడ థర్డ్‌ వేవ్‌లో అధిక కేసులు, మరణాలు సంభవించాయని ప్రపంచ ఆరోగ్య సంస్థ వెల్లడించింది.ఆ దేశంలో మొదటి వేవ్‌లో (గతేడాది ఫిబ్రవరి నుంచి ఏప్రిల్‌ వరకు) 2.50 లక్షల కేసులు నమోదయ్యాయి. 36 వేల మంది చనిపోయారు. 14.4 శాతం మరణాలు సంభవించాయి. అక్కడ ఆగస్టు నుంచి నవంబర్‌ వరకు సెకండ్‌ వేవ్‌ కొనసాగింది. సెకండ్‌ వేవ్‌లో 12 లక్షల కేసులు నమోదయ్యాయి. 23 వేల మంది చనిపోయారు. కేసులు పెరిగినా మరణాలు తగ్గాయి. థర్డ్‌ వేవ్‌ డిసెంబర్‌ నుంచి ఈ ఏడాది ఫిబ్రవరి రెండో వారం వరకు కొనసాగింది. ఈ వేవ్‌లో ఏకంగా 43.59 లక్షల మందికి పాజిటివ్‌ వస్తే, 1.26 లక్షల మంది చనిపోయారు. యూకే వేరియంట్‌ (రూపాంతరిత వైరస్‌) వల్లే థర్డ్‌ వేవ్‌ వచ్చి బాగా దెబ్బతీసింది.

యూకే వేరియంట్‌కు వ్యాప్తి ఎక్కువ. 60 శాతం ఎక్కువ వేగంగా వ్యాపిస్తుంది. దానివల్లే కేసులు బాగా పెరిగాయి. మరణాలూ పెరిగాయి. ఇప్పుడు మన దేశంలో యూకే స్ట్రెయిన్‌ కేసులు చాలా వరకు విస్తరించాయని వైద్య నిపుణులు అంటున్నారు. మన దేశంలోనూ కొత్త మ్యుటేషన్లు పుట్టుకొచ్చాయి. దీంతో కరోనా విస్తరణ వేగం పెరిగింది. గతంతో పోలిస్తే దాదాపు మూడు రెట్ల వేగంతో వైరస్‌ విస్తరిస్తోంది.

కేసులు, మరణాలు పెరుగుతున్నాయి 
ప్రపంచ ఆరోగ్య సంస్థ తాజా నివేదిక ప్రకారం మన దేశంలో సెకండ్‌ వేవ్‌ విస్త్రృతి ఊహించలేని విధంగా ఉంది. దీంతో కేసులు, మరణాలు పెరుగుతున్నాయి. ప్రస్తుతం గుర్తిస్తున్న కేసుల్లో ఔట్‌బ్రేక్స్‌లో కనుగొన్నవే ఎక్కువగా ఉన్నాయి. వారి కాంటాక్టులను పట్టుకోవడం ద్వారా గుర్తించినవే. అనుమానం ఉన్నవారు స్వచ్ఛందంగా ముందుకు వచ్చినప్పుడే పరీక్షల ద్వారా కరోనాను గుర్తించవచ్చు. లక్షణాలు కనపడగానే గుర్తించకుండా సీరియస్‌ అయ్యాక అనేక మంది ఆసుపత్రులకు వస్తున్నారు. 
 – డాక్టర్‌ కిరణ్‌ మాదల, క్రిటికల్‌ కేర్‌ విభాగాధిపతి, నిజామాబాద్‌ ప్రభుత్వ మెడికల్‌ కాలేజీ

చదవండి: ఒక రూపాయి కూడా ఆశించకుండా పనిచేయాలి: కేటీఆర్
 

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

06-05-2021
May 06, 2021, 21:30 IST
తెలుగు రాష్ట్రాల్లో కరోనా పరిస్థితులపై ప్రధాని ఆరా. కరోనా కట్టడి చర్యలు.. వ్యాక్సినేషన్‌ తదితర అంశాలు తెలుసుకున్న ప్రధాని
06-05-2021
May 06, 2021, 20:01 IST
హైదరాబాద్‌: కరోనా వైరస్‌ ఎన్‌440కే వేరియంట్‌పై సీసీఎంబీ క్లారిటీ ఇచ్చింది. ఇది కొత్త రకం వేరియంట్‌ అంటూ వార్తలు చక్కర్లు కొడుతున్న...
06-05-2021
May 06, 2021, 19:46 IST
న్యూఢిల్లీ: దేశంలో క‌రోనా వ్యాప్తి కొన‌సాగుతుంది. రోజు ల‌క్ష‌ల్లో కొత్త కేసులు న‌మోద‌వుతున్నాయి. కోవిడ్ క‌ట్ట‌డి కోసం ప్ర‌ధాని న‌రేంద్ర మోదీ...
06-05-2021
May 06, 2021, 19:09 IST
బాలీవుడ్‌ నటి  శ్రీపద  కరోనాతో కన్ను మూశారు. సినీ అండ్ టీవీ ఆర్టిస్ట్స్ అసోసియేషన్  ట్విటర్‌ ద్వారా  శ్రీపద మరణంపై...
06-05-2021
May 06, 2021, 18:53 IST
అమరావతి: గడిచిన 24 గంటల్లో ఆంధ్రప్రదేశ్‌లో 1,10,147 మందికి కరోనా పరీక్షలు నిర్వహించగా 21,954  కరోనా పాజిటివ్‌గా నిర్థారణ అయ్యింది....
06-05-2021
May 06, 2021, 18:34 IST
కరోనా  నివారణకు సంబంధిం సింగిల్‌ డోస్‌ స్పుత్నిక్ వ్యాక్సిన్‌ను  ఆమోదించినట్టు వెల్లడించింది.  స్పుత్నిక్  ఫ్యామిలీకే చెందిన ఈ సింగిల్-డోస్ ‘స్పుత్నిక్ లైట్’ విప్లవాత్మకమైందని, 80 శాతం...
06-05-2021
May 06, 2021, 17:25 IST
ఢిల్లీ: భారత్‌లో క‌రోనా వైర‌స్ కేసులు వేగంగా వ్యాప్తి చెందుతున్న నేప‌థ్యంలో ప్ర‌ధాని న‌రేంద్ర మోదీ గురువారం రాష్ట్రాలు, జిల్లాల వారీగా...
06-05-2021
May 06, 2021, 17:14 IST
సాక్షి, అమరావతి : ఆరోగ్యశ్రీ ఆస్పత్రులలో కోవిడ్‌ పేషెంట్లకు తప్పనిసరిగా బెడ్లు ఇవ్వాలని, ఎంప్యానెల్‌ చేసిన ఆస్పత్రుల్లో విధిగా 50...
06-05-2021
May 06, 2021, 17:12 IST
న్యూఢిల్లీ: దేశ‌రాజ‌ధానిలో ఆక్సిజ‌న్ కొర‌త‌పై సుప్రీంకోర్టు కేంద్రంపై ఆగ్ర‌హం వ్య‌క్తం చేసిన సంగ‌తి తెలిసిందే. ఢిల్లీకి ప్ర‌తిరోజు 700 మెట్రిక్...
06-05-2021
May 06, 2021, 16:30 IST
ఢిల్లీ: కరోనా థర్డ్‌వేవ్‌ హెచ్చరికలపై సుప్రీంకోర్టు గురువారం ఆందోళన వ్యక్తం చేసింది. థర్ఢ్‌వేవ్‌ను ఎలా ఎదుర్కొంటారని కేంద్రాన్ని ప్రశ్నించింది. దేశంలో...
06-05-2021
May 06, 2021, 15:23 IST
సాక్షి, మియాపూర్‌: ఆస్పత్రి యాజమాన్యం నిర్లక్ష్యం కారణంగానే తన తండ్రి చనిపోయాడని ఓ వ్యక్తి వీడియో సోషల్‌ మీడియాలో వైరల్‌ అయ్యింది....
06-05-2021
May 06, 2021, 15:16 IST
సాక్షి, హైదరాబాద్‌: ప్రైవేటు ఆసుపత్రులు కరోనా రోగుల నుంచి లక్షలాది రూపాయలు ఫీజులుగా వసూలు చేస్తుండడంపై హైకోర్టు ఆందోళన వ్యక్తం...
06-05-2021
May 06, 2021, 14:36 IST
జైపూర్‌: దేశంలో కరోనా విలయతాండవం చేస్తుంది. మొదటి దశలో కంటే సెకండ్‌వేవ్‌లో వైరస్‌ మరింత వేగంగా వ్యాపిస్తోంది. ఇప్పటికే దీని...
06-05-2021
May 06, 2021, 14:06 IST
యాదగిరిగుట్ట: కరోనాతో బాధపడుతూ భర్త.. గుండెపోటుతో భార్య మృతి చెందింది. ఈ   సంఘటన భువనగిరి జిల్లా యాదగిరిగుట్టలో చోటు...
06-05-2021
May 06, 2021, 12:30 IST
వాషింగ్టన్: ప్రస్తుతం కరోనా వైరస్‌ కారణంగా ప్రపంచ దేశాలు అల్లాడిపోతున్నాయి. ఈ మహమ్మారిని అడ్డుకట్టకు టీకాతోనే సాధ్యమని భావించి ఆయా దేశాలు ఇప్పటికే వ్యాక్సిన్ల తయారీ, ఉత్పత్తిలో...
06-05-2021
May 06, 2021, 11:43 IST
తిరువనంతపురం: కేరళలో కరోనా రెండో దశ విశ్వరూపం చూపిస్తోంది. రాష్ట్రంలో కేసులు భారీగా పెరుగుతున్నాయి. ఈ నేపథ్యంలో కోవిడ్‌ కట్టడికి కేరళ...
06-05-2021
May 06, 2021, 09:59 IST
ఒట్టావ: ఫైజర్ కరోనా వ్యాక్సిన్‌ ను 12 నుంచి 16 ఏళ్ల వయసున్న పిల్లలకు టీకా వేసేందుకు కెనడా ఆరోగ్య...
06-05-2021
May 06, 2021, 08:06 IST
సాక్షి, గాంధీఆస్పత్రి( హైదరాబాద్‌): మనోధైర్యంతో కరోనా మహమ్మారిని జయించారు.. నాలుగు గోడల మధ్య ఒంటరిగా హోంక్వారంటైన్‌లో ఉంటూ పాజిటివ్‌ దృక్పథంతో...
06-05-2021
May 06, 2021, 06:06 IST
జెనీవా (స్విట్జర్లాండ్‌): ఈ ఏడాదికి వాయిదా పడ్డ యూరో కప్‌ ఫుట్‌బాల్‌ టోర్నమెంట్‌ను సాఫీగా జరిపేందుకు నడుం బిగించిన యూనియన్‌...
06-05-2021
May 06, 2021, 05:33 IST
సాక్షి, న్యూఢిల్లీ: దేశంలో కరోనా విలయతాండవం కొనసాగుతోంది. మూడురోజుల పాటు కాస్త తగ్గుముఖం పట్టిన రోజువారీ కరోనా పాజిటివ్‌ కేసులు...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top