యువకుడి అదృశ్యంపై కేసు నమోదు

మొయినాబాద్‌: మిషన్‌ భగీరథ పైపులైన్‌ లీకేజీ ఏర్పడి నీరు వృథాగా రోడ్డుపై పారుతుండడంతో స్థానికులు తీవ్ర ఇబ్బందులు పడుతున్నారు. మున్సిపాలిటీలోని చిలుకూరులో ప్రధాన రోడ్డు పక్కన ఉన్న మిషన్‌ భగీరథ పైపులైన్‌ నాలుగు రోజులుగా లీకవుతోంది. దీంతో నీరంతా ప్రధాన రోడ్డుపై నుంచి గ్రామంలోని అంతర్గత రోడ్డులోకి వెళ్తున్నాయి. నాలుగు రోజులుగా ఇదే పరిస్థితి నెలకొందని, ఇళ్ల నుంచి బయటకు రావడానికి తీవ్ర ఇబ్బందులు పడుతున్నామని స్థానికులు చెబుతున్నారు. రోడ్డుపై పెద్ద పెద్ద గుంతలు ఏర్పడి నీళ్లు నిలవడంతో బురదమయంగా మారింది. దీంతో విద్యార్థులు చెప్పులు చేతిలో పట్టుకొని వెళ్తున్న దుస్థితి ఏర్పడింది. ఈ విషయమై మున్సిపల్‌ అధికారులు, ప్రజాప్రతినిధులకు చెప్పినా పట్టించుకోవడంలేదని స్థానికులు ఆరోపిస్తున్నారు. ఇప్పటికై నా అధికారులు స్పందించి పైపులైన్‌ లీకేజీకి మరమ్మతులు చేయించి.. అంతర్గత రోడ్డు బాగు చేయించాలని స్థానికులు డిమాండ్‌ చేస్తున్నారు.