TV
కేజీబీవీల్లో ఉన్నత విద్యకు బాటలు
లక్ష్మణచాంద: పేద, మధ్యతరగతి కుటుంబాలకు సుస్థిర విద్యను అందించే కేజీబీవీల్లో 6వ తరగతి నుంచి ఇంటర్‌ వరకు బాలికలకు విద్యాబోధన చేస్తున్నారు. ఈ విద్యాసంస్థలు విద్యార్థులకు ఉండే వసతుల పరంగా ఆకర్షణీయంగా మారుతూ, ఉత్తమ విద్యా ఫలితాలు సాధిస్తున్నాయి. ఈ క్రమంలో బాలికల ఉన్నత చదువులకు ఇక్కడే బాటలు వేయాలని ప్రభుత్వం నిర్ణయించింది. జిల్లాలోని మూడు కేజీబీవీ జూనియర్‌ కళాశాలల్లో నీట్‌, ఐఐటీ, క్లాట్‌ శిక్షణ ఇవ్వనున్నారు. ఈమేరకు జిల్లాలో మూడు కేజీబీవీ కళాశాలలను ఎంపిక చేసింది. లక్ష్మణచాంద కేజీబీవీలో నీట్‌, దిలావార్‌పూర్‌ కేజీబీవీలో ఐఐటీ, నిర్మల్‌ రూరల్‌ కేజీబీవీలో క్లాట్‌ శిక్షణ తరగతులు నిర్వహిస్తారు.
జూమ్‌ ఆధారిత శిక్షణ..
ఇంటర్‌ రెండో సంవత్సరం చదువుతున్న విద్యార్థులు జూమ్‌ ద్వారా నిత్యం ఆ శిక్షణ తరగతులు వినేందుకు సదుపాయాలు కల్పించారు. ఇది ఈ ప్రాతినిధ్య ప్రదేశంలో విద్యార్థులకి ఆధునిక విద్యను సులభంగా అందించేందుకు దోహదపడుతోంది. ప్రవేశ పరీక్షల కోసం నిపుణులైన అధ్యాపకులతో శిక్షణ తరగతులు ఉంటాయని సెక్టోరియల్‌ అధికారి నవీన జ్యోతి వెల్లడించారు.
జిల్లా విద్యాశాఖ అధికారులతో సమన్వయం
జిల్లా విద్యాశాఖ అధికారి భోజన్న నిర్వహించిన సమావేశంలో నిపుణుల సహకారంతో తరగతులు ప్రారంభించే విషయాలను చర్చించడం జరిగింది. త్వరలో మరింత కార్యాచరణ చేపట్టి బహుముఖ అభివృద్ధికి దోహదపడనున్నారు.
