TV
ర్యాగింగ్‌కు దూరంగా ఉండాలి
నిర్మల్‌టౌన్‌: ర్యాగింగ్‌కు పాల్పడి విద్యార్థులు బంగారు భవిష్యత్‌ను నాశనం చేసుకోవద్దని నిర్మల్‌ ఏఎస్పీ రాజేశ్‌మీనా అన్నారు. జిల్లా కేంద్రంలోని ప్రభుత్వ మెడికల్‌ కళాశాలలో యాంటీ ర్యాగింగ్‌పై మంగళవారం అవగాహన కార్యక్రమం నిర్వహించారు. ఏఎస్పీ మాట్లాడుతూ.. విద్యార్థుల భవిష్యత్‌ను నిర్మించడంలో కళాశాల క్యాంపస్‌ కీలక పాత్ర పోషిస్తుందన్నారు. అలాంటి విద్యార్థి భవిష్యత్తును దృష్టిలో ఉంచుకుని విద్యార్థుల మధ్య స్నేహపూరిత వాతావరణం ఉండేలా చూసుకోవాలన్నారు. సీనియర్లు, జూనియర్లు అని కాకుండా సీనియర్లు జూనియర్లకు గైడ్‌లా వ్యవహరించాలని తెలిపారు. జూనియర్లకు మార్గదర్శకంగా ఉండాలన్నారు. ఎవరైనా ర్యాగింగ్‌కు పాల్పడితే డయల్‌ 100కు సమాచారం అందించాలని సూచించారు. కార్యక్రమంలో పట్టణ సీఐ ప్రవీణ్‌కుమార్‌, ఎస్సై సంజీవ్‌, కళాశాల ప్రిన్సిపాల్‌, అధ్యాపకులు, విద్యార్థులు పాల్గొన్నారు.
