TV
ఇంగ్లిష్‌ అభివృద్ధికి కృషి
నిర్మల్‌ రూరల్‌: ఇంగ్లిష్‌ లాంగ్వేజ్‌ టీచర్స్‌ అసోసియేషన్‌ (ఎల్టా) ఆధ్వర్యంలో ఇంగ్లిష్‌ భాష అభివృద్ధికి కృషి చేస్తున్నట్లు అసోసియేషన్‌ జిల్లా వ్యవస్థాపక అధ్యక్షుడు కడార్ల రవీంద్ర, అధ్యక్షుడు కొప్పుల వేణుగోపాల్‌రావు, ప్రధాన కార్యదర్శి రామ్మోహన్‌ తెలిపారు. జిల్లా కేంద్రంలోని సోమవారపేట్‌ బాలి కల ఉన్నత పాఠశాలలో మంగళవారం జరిగిన ఇంగ్లిష్‌ కాంప్లెక్స్‌ సమావేశంలో ఎల్టా నూతన కార్యవర్గాన్ని ఘనంగా సన్మానించారు. ప్రభుత్వ పాఠశాలల్లో ఇంగ్లిష్‌ నైపుణ్యాలపై విద్యార్థులకు ప్రత్యేక శిక్షణ కార్యక్రమాలు నిర్వహిస్తామన్నారు. ఇప్పటికే అనేక కార్యక్రమాలు చేపట్టినట్లు తెలిపారు. కాంప్లెక్స్‌ సమావేశాల్లో భాషా నైపుణ్యాలపై ఉపాధ్యాయులు తమ అనుభవాలను పంచుకుంటున్నారన్నారు. కార్యక్రమంలో గౌరవ అధ్యక్షుడు చంద్రశేఖర్‌రావు, కోశాధికారి రతన్‌కుమార్‌, కాంప్లెక్స్‌ ఆర్పీలు ఇర్ఫాన్‌ షేక్‌, హరిహరనాథరావు, ప్రతాప్‌, సంజయ్‌, కాంప్లెక్స్‌ ఇన్‌చార్జి హెడ్‌ మాస్టర్‌ జాఫర్‌ మోహియొద్దీన్‌, శైలజ, ముత్తన్న పాల్గొన్నారు.
