అంకితభావంతో పనిచేయాలి

● డోర్నకల్‌ ఎమ్మెల్యే

డాక్టర్‌ జాటోతు రామచంద్రునాయక్‌

● మరిపెడ మున్సిపాలిటీ కోఆప్షన్‌

సభ్యుల ఎన్నిక

మరిపెడ: సమస్యల పరిష్కారానికి అంకితభావంతో పనిచేయాలని డోర్నకల్‌ ఎమ్మెల్యే డాక్టర్‌ జాటోతు రామచంద్రునాయక్‌ అన్నారు. మరిపెడ మున్సిపాలిటీ పరిధిలోని ఎస్సీ కమ్యూనిటీ హాల్లో బుధవారం మున్సిపల్‌ కోఆప్షన్‌ సభ్యుల ఎన్నిక, ప్రమాణ స్వీకారోత్సవ కార్యక్రమం జరిగింది. ఈ కార్యక్రమానికి ఎమ్మెల్యే ముఖ్యఅతిథిగా పాల్గొని మాట్లాడారు. మరిపెడ మున్సిపల్‌ అభివృద్ధికి పాలకవర్గం సమష్టిగా కృషి చేయాలని ఆకాంక్షించారు. నూతనంగా ఎన్నికై న కో–ఆప్షన్‌ సభ్యులకు అభినందనలు తెలిపారు. కార్యక్రమంలో మున్సిపల్‌ చైర్‌ పర్సన్‌ వీసారపు ప్రగతిశ్రీపాల్‌రెడ్డి, వైస్‌ చైర్మన్‌ కాలం సునీతరవీందర్‌రెడ్డి, కమిషనర్‌ నరేష్‌రెడ్డి, పీసీసీ పరిశీలకులు హఫీజ్‌ఖాన్‌, కౌన్సిలర్లు తదితరులు పాల్గొన్నారు.