కాలువలోకి దూసుకెళ్లిన కారు

నందివాడ: కారు అదుపు తప్ప కాలువలోకి దూసుకెళ్లిన ప్రమాదంలో ఒకరు మృతి చెందగా మరో ఇద్దరు గాయపడ్డారు. ఈ ఘటన గండేపూడి–పెదవిరివాడ రహదారిపై గురువారం రాత్రి జరిగింది. మద్యం మత్తులో వాహనం నడపడమే ప్రమాదనికి కారణంగా తెలుస్తోంది. పోలీసులు, స్థానికుల వివరాల ప్రకారం.. మండలంలోని తుమ్మలపల్లికి చెందిన ముగ్గురు యువకులు గురువారం రాత్రి పోలుకొండ సమీపంలో జరిగిన అధికార టీడీపీ సమావేశానికి హాజరయ్యారు. అనంతరం కారులో స్వగ్రామానికి తిరిగి వెళ్తుండగా గండేపూడి సమీపంలో వాహనం అదుపుతప్పి పక్కనే ఉన్న కాలువలోకి దూసుకెళ్లి దూసుకెళ్లింది. కారు నీటిలో మునిగిపోవడంతో అందులోని వారు బయటకు రాలేక ఇబ్బందులు పడ్డారు. ప్రమాదాన్ని గమనించిన స్థానికులు వెంటనే స్పందించి ముగ్గురినీ బయటకు తీసి ఆసుపత్రికి తరలించారు. వారిలో కుచ్చర్లపాటి శామ్యూల్‌ (26) పరిస్థితి విషమించడంతో చికిత్స పొందుతూ మృతి చెందాడు. మరో ఇద్దరు చికిత్స పొందుతున్నారు. మద్యం మత్తులో వాహనంపై నియంత్రణ కోల్పోవడమే ప్రమాదానికి కారణమైనట్లు తెలుస్తోంది. ఘటనపై నందివాడ పోలీసులు కేసు నమోదు చేసి దర్యాప్తు చేస్తున్నారు.