సమాజ శ్రేయస్సుకు ‘ప్రజా ఉద్యమం’

జిల్లా కేంద్రమైన మచిలీపట్నం నియోజక వర్గంలో రామానాయుడుపేటలోని పార్టీ కార్యాలయం వద్ద నుంచి ఉదయం 9 గంటలకు ర్యాలీ ప్రారంభమవుతుంది. పార్టీ నియోజకవర్గ ఇన్‌చార్జ్‌ పేర్ని కృష్ణమూర్తి (కిట్టు) ఆధ్వర్యంలో పురవీధుల్లో ర్యాలీగా తరలివెళ్లి స్థానిక తహసీల్దార్‌ కార్యాలయం వద్ద నిరసన తెలపనున్నారు. అనంతరం తహసీల్దార్‌కు వినతిపత్రం అందజేయనున్నారు.

పామర్రు నియోజకవర్గంలో పార్టీ కార్యాలయం నుంచి ప్రధాన సెంటర్‌ మీదుగా పార్టీ నాయకులు, కార్యకర్తలతో ర్యాలీగా వెళ్లనున్నారు. మాజీ శాసనసభ్యుడు కై లే అనిల్‌కుమార్‌ సారథ్యంలో ప్లకార్డులు ప్రదర్శిస్తూ వెళ్లి తహసీల్దార్‌కు వినతిపత్రం అందించనున్నారు.

అవనిగడ్డ నియోజకవర్గంలో మాజీ శాసన సభ్యుడు సింహాద్రి రమేష్‌ నేతృత్వంలో పార్టీ కార్యాలయం నుంచి ర్యాలీగా తరలివెళ్లనున్నారు. తొలుత బస్టాండ్‌ సెంటరు వద్ద ఉన్న మహానేత వైఎస్‌ రాజశేఖరరెడ్డి విగ్రహానికి పూలమాల వేసి నివాళులర్పించిన అనంతరం తహసీల్దార్‌ కార్యాలయం వరకు ర్యాలీ నిర్వహించి, తహసీల్దార్‌కు వినతిపత్రం అందజేయనున్నారు.

పెడన నియోజకవర్గానికి సంబంధించి పార్టీ నియోజకవర్గ ఇన్‌చార్జ్‌ ఉప్పాల రాము నేతృత్వంలో పార్టీ కార్యాలయం నుంచి నాయకులు, కార్యకర్తలతో పురవీధుల్లో ర్యాలీగా తరలివెళ్లనున్నారు. తోటమూలలోని తహసీల్దార్‌ కార్యాలయం వద్ద నిరసన తెలిపి, తహసీల్దార్‌కు వినతిపత్రం అందజేయనున్నారు.

పెనమలూరు నియోజకవర్గానికి సంబంధించి ఇన్‌చార్జ్‌ దేవభక్తుని చక్రవర్తి సారథ్యంలో పెనమలూరు సెంటరు నుంచి తహసీల్దార్‌ కార్యాలయం వరకు నాయకులు, కార్యకర్తలతో పాదయాత్రగా వెళ్లి కార్యాలయం వద్ద నిరసన తెలిపిన అనంతరం తహసీల్దార్‌కు వినతిపత్రం అందజేయనున్నారు.

గన్నవరం నియోజకవర్గానికి సంబంధించి నియోజకవర్గ ఇన్‌చార్జ్‌ వల్లభనేని వంశీ నాయకత్వంలో పార్టీ కార్యాలయం నుంచి తహసీల్దార్‌ కార్యాలయం వరకు ర్యాలీగా తరలివెళ్లనున్నారు. కార్యాలయం వద్ద నిరసన తెలిపి నాయకులు, కార్యకర్తలతో కలిసి వినతిపత్రం అందజేయనున్నారు.