ఓట్ల చౌర్యానికి వ్యతిరేకంగా సంతకాల సేకరణ

ఓట్ల చౌర్యానికి వ్యతిరేకంగా సంతకాల సేకరణ

హొసపేటె: దేశ ప్రజలు వేగంగా మార్పును ఆశిస్తున్నారు. మోసాన్ని వారు అర్థం చేసుకుంటున్నారు. ఈ అవగాహనతో వచ్చే ఎన్నికల్లో మార్పు తప్పకుండా ఉంటుందని జిల్లా మహిళా కాంగ్రెస్‌ అధ్యక్షురాలు జ్యోతి ఎం.గొండబాళ అన్నారు. కేంద్రంలోని బీజేపీ ప్రభుత్వం, ఎన్నికల కమిషన్‌, ఓట్ల రిగ్గింగ్‌కు వ్యతిరేకంగా మహిళా కాంగ్రెస్‌ ప్రారంభించిన సంతకాల సేకరణ కార్యక్రమంలో భాగంగా ఎమ్మెల్యే కే.రాఘవేంద్ర హిట్నాల్‌ ఈరోజు సంతకం చేయడం ద్వారా ప్రచారాన్ని ప్రారంభించారు. అనేక మంది నాయకులు, కార్యకర్తలు, పౌరులు, మహిళలు అవగాహన కల్పించి సంతకాలను చేశారు. పెళ్లిళ్లతో సహా అనేక వార్డుల్లో ప్రజలను గుంపులుగా సేకరించి, ఓట్ల రిగ్గింగ్‌, దాని ద్వారా జరుగుతున్న అన్యాయం గురించి తెలియజేశారు. నకిలీ ఓట్లను సేకరించి ఉన్న ఓట్లను తొలగించే దుష్ప్రవర్తనకు వ్యతిరేకంగా రాష్ట్రపతికి ఫిర్యాదు చేయడానికి ఈ సంతకాలను సేకరిస్తున్నారు. కేంద్రంలోని బీజేపీ ప్రభుత్వం దేశ భవిష్యత్తును నాశనం చేయడం ద్వారా దేశద్రోహానికి పాల్పడుతోందని ఆరోపించారు. చాలా రాష్ట్రాల్లో ఇప్పటికే ప్రారంభించిన ఎస్‌ఐఆర్‌ రాష్ట్రంలో చేయడానికి అనుమతించరాదని ఆయన అన్నారు. ఎంపీసీ కే.రాజశేఖర్‌ హిట్నాళ్‌, జెడ్పీ మాజీ సభ్యులు ఎస్‌.బీ.నాగరళ్లి, గూళప్ప హలగేరి, రామన్న చౌడికి, హామీల అమలు సమితి అధ్యక్షుడు ఎస్‌.బాలచంద్రన్‌, పురపాలక సంఘం అధ్యక్షుడు అమ్జద్‌ పటేల్‌, సభ్యులు నాగరాజ కుష్టగి, గురురాజ్‌ హాలగేరి, గ్యారెంటీల అమలు అథారిటీ జిల్లా ఉపాధ్యక్షుడు మంజునాథ్‌ జి. గొండబాళ, నాయకులు రాజు బూదనూరు, మంజుళ ఉండి, శిల్ప గుడ్లానూరు, గంగమ్మ తదితరులు పాల్గొన్నారు.