పిల్లల ఎదుగుదల మెరుగు..

ఐదేళ్లలోపు పిల్లల్లో వయసుకు తగ్గ ఎత్తు లేకపోవడం నాలుగు జిల్లాల్లోనూ రాష్ట్రసగటు 27 శాతం కంటే తక్కువగా ఉంది. పెద్దపల్లిలో ఇది కేవలం 19.8 శాతం కాగా.. జగిత్యాలలో 24.3, రాజన్న సిరిసిల్లలో 24.4, కరీంనగర్‌లో 25.2 శాతంగా నమోదైంది. ఎన్‌ఎఫ్‌హెచ్‌ఎస్‌–5తో పోలిస్తే కరీంనగర్‌లో 30.3 నుంచి 25.2 శాతానికి, పెద్దపల్లిలో 27.5 నుంచి 19.8 శాతానికి, జగిత్యాలలో 29.9 నుంచి 24.3 శాతానికి తగ్గడం గణనీయమైన పురోగతి. రాజన్న సిరిసిల్లలో 22.4 నుంచి 24.4 శాతానికి స్వల్ప పెరుగుదల నమోదైంది. ఇక తక్కువ బరువున్న పిల్లలు సిరిసిల్లలో 29 శాతంతో నాలుగు జిల్లాల్లో అత్యధికంగా ఉన్నారు.