Yoga సైనస్‌తో బాధపడుతున్నారా? కపాలభాతితో చెక్‌

 Yoga కపాలభాతి అంటే తలను, మెదడును శుభ్రంగా చేసి ప్రకాశవంతంగా చేసే  శ్వాస సాధన. దీన్ని శుద్ధిక్రియ  అని కూడా అంటారు.

 

విధానం
 

• ముందుగా సుఖాసనం లేదా పద్మాసనంలో కూర్చోవాలి.వెన్నెముక నిటారుగా ఉంచాలి.
• కళ్లు మూసుకొని రెండు చేతులను మోకాళ్లపైన జ్ఞానముద్రలో ఉంచాలి.
• శ్వాస ప్రక్రియ: లోతుగా శ్వాస తీసుకోవాలి. ఇప్పుడు ముక్కు రంధ్రాల ద్వారా శ్వాసను వేగంగా, బలంగా బయటకు వదలండి. శ్వాసను బయటకు వదిలినప్పుడు, పొట్ట కండరాలను వెన్నెముక వైపు లోపలికి నొక్కాలి.
• శ్వాసను బయటకు వదలడం యాక్టివ్‌గా ఉండాలి, లోపలికి తీసుకోవడం పాసివ్‌గా – అంటే శ్వాసను లోపలికి తీసుకునే ప్రయత్నం చేయనక్కర్లేదు, అదిఆటోమేటిక్‌గా జరుగుతుంది) ఉండాలి.
• బయటకు వదిలే శ్వాస మీద మాత్రమే దృష్టి పెట్టాలి.ఇలా 15–20 సార్లు వేగంగా శ్వాస తీసుకున్న తర్వాత, ఒక్క రౌండ్‌ పూర్తవుతుంది.
• కొద్దిసేపు విశ్రాంతి తీసుకుని,  2–3 రౌండ్లు చేయాలి.
   

జాగ్రత్తలు

• ఉదయం ఖాళీ కడుపుతో  చేస్తే ఎక్కువ ప్రయోజనం.
• వేగంగా చేయకూడదు. తల తిరుగుతున్నట్లు అనిపిస్తే వెంటనే ఆపాలి.
• హై బీపీ, గర్భిణీలు,  హెర్నియా, గుండె సమస్యలు ఉన్నవారు చేయకూడదు.
   

ఉపయోగాలు

• ముక్కులో ఉన్న మ్యూకస్‌ (కఫం) బయటకు వస్తుంది. 
• ముక్కు బ్లాకేజ్‌ తగ్గుతుంది. సైనస్‌ ప్రెషర్, తలనొప్పి తగ్గుతుంది.
• శ్వాస సులభంగా జరుగుతుంది.ఊపిరితిత్తులు  బలంగా అవుతాయి.
•  జీర్ణశక్తి మెరుగవుతుంది.  పొట్ట కొవ్వు తగ్గడానికి సహాయం చేస్తుంది.
•  మనసు ప్రశాంతంగా, చురుకుగా ఉంటుంది.

– అనిత  పాతర్ల, యోగా ట్రైనర్‌