వైఎస్సార్‌ సీపీలో పలువురికి పదవులు

వైఎస్సార్‌ సీపీలో పలువురికి పదవులు నెహ్రూనగర్‌: వైఎస్సార్‌ సీపీ అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు పార్టీలో పలువురికి పదవులు కేటాయిస్తూ ఆదేశాలు జారీ అయ్యాయి. ఈ మేరకు బుధవారం పార్టీ కేంద్ర కార్యాలయం నుంచి ఉత్తర్వులు వెలువడ్డాయి. రాష్ట్ర మున్సిపల్‌ వింగ్‌ సెక్రటరీగా చీరాల నియోజకవర్గానికి చెందిన గుంటూరు ప్రభాకరరావు, పార్టీ ఇంకొల్లు మండల అధ్యక్షుడిగా అట్లూరి కోటేశ్వరరావు, పర్చూరు మండల అధ్యక్షుడిగా తోకల కృష్ణమోహన్‌, చినగంజాం మండల అధ్యక్షుడిగా కందూరి గోవింద్‌లను నియమిస్తూ ఉత్తర్వులు వెలువరించారు. రాష్ట్ర స్థాయి తైక్వాండో పోటీలకు గురు మణి వర్మ ఎంపిక నగరం: గుంటూరు బీఆర్‌ స్టేడియంలో ఇటీవల నిర్వహించిన ఎస్‌జీఎఫ్‌ఐ అండర్‌–19 జిల్లా స్థాయి తైక్వాండో పోటీల్లో నగరం ఎస్‌వీఆర్‌ఎం ఇంటర్‌ కళాశాల విద్యార్థి కొక్కిలిగడ్డ గురు మణి వర్మ ప్రతిభ కనబరిచి రాష్ట్ర స్థాయి పోటీలకు ఎంపికయ్యారు. రాష్ట్ర స్థాయి పోటీలకు ఎంపికై న గురు మణి వర్మను బుధవారం స్థానిక కళాశాలలో కళాశాల యాజమాన్యం, అధ్యాపకులు, 4వడాన్‌ తైక్వాండో బ్లాక్‌ బెల్ట్‌ కోచ్‌ కొక్కిలిగడ్డ శ్రీనివాసరావులు అభినందించి, రాష్ట్ర స్థాయి పోటీల్లోనూ ఉత్తమ ప్రతిభ కనబరచాలని ఆకాంక్షించారు. కాలువలో గుర్తుతెలియని మహిళ మృతదేహం రేపల్లె: రేపల్లె– నిజాంపట్నం ప్రధాన మురుగు కాలువలో అచ్చుతపురం వద్ద గుర్తుతెలియని మహిళ మృతదేహం లభ్యమైనట్లు అడవులదీవి ఎస్‌ఐ రాజశేఖర్‌ బుధవారం తెలిపారు. సుమారు 50 నుంచి 55 సంవత్సరాల వయస్సు కలిగిన మహిళ మృతదేహాన్ని స్థానికులు గుర్తించినట్లు పేర్కొన్నారు. మహిళ మృతి చెంది మూడు రోజులు గడుస్తుందని ప్రాథమికంగా నిర్ధారించినట్లు తెలిపారు. మహిళ శరీరంపై ఆకుపచ్చ జాకెట్‌ ఉందని, చేతులకు గాజులు ఉన్నాయన్నారు. ఆచూకీ తెలిసిన వారు 94409 00887 నంబరును సంప్రదించాలని కోరారు. సీడ్‌ యాక్సిస్‌ రోడ్డుపై ప్రమాదం.. వ్యక్తి మృతి