వరి రైతులు అవగాహనతో పంటలసాగు చేపట్టాలి

Aug 4 2026 1:29 AM | Updated on Aug 4 2026 1:29 AM

వరి రైతులు అవగాహనతో పంటలసాగు చేపట్టాలి తెనాలిఅర్బన్‌: ఎల్‌నినో ప్రభావం, భూగర్భ జలాల తగ్గుదల వంటి అంశాలను దృష్టిలో ఉంచుకుని వరిసాగు విషయంలో రైతులందరూ మరింత అప్రమత్తంగా ఉండాలని రాష్ట్ర పౌర సరఫరాల శాఖ మంత్రి నాదెండ్ల మనోహర్‌ సూచించారు. గుంటూరు జిల్లా తెనాలిలో సోమవారం నిర్వహించిన విలేకరుల సమావేశంలో ఆయన మాట్లాడుతూ నీటి పరిస్థితులను దృష్టిలో ఉంచుకుని రైతులందరూ పంటల సాగుపై నిర్ణయం తీసుకోవాలన్నారు. శ్రీశైలం, నాగార్జునసాగర్‌ జలాశయాల్లో ఆశించిన స్థాయిలో నీటి నిల్వలు లేవని తెలిపారు. మహారాష్ట్ర, కర్ణాటక రాష్ట్రాల్లో సమృద్ధిగా వర్షాలు కురిస్తేనే కృష్ణానది పరివాహాక ప్రాంతానికి తగ్గినంత నీరు లభించే అవకాశం ఉందన్నారు. రైతులందరూ వ్యవసాయాధికారులను సంప్రదించి సాగు విషయంలో తగు నిర్ణయం తీసుకోవాలని సూచించారు. ప్రతి రోగి వివరాలు ఆన్‌లైన్‌లో నమోదు చేయాలి

రాష్ట్ర పౌర సరఫరాల శాఖ మంత్రి నాదెండ్ల మనోహర్‌

డీఎంహెచ్‌వో రత్నమన్మోహన్‌

శావల్యాపురం: ఆసుపత్రికి వచ్చే ప్రతి రోగి వివరాలను ఎలక్ట్రానిక్‌ హెల్త్‌ రికార్డులో తప్పనిసరిగా నమోదు చేయాలని జిల్లా వైద్యాదికారి చుక్కా రత్నమన్మోహన్‌ అన్నారు. సోమవారం స్థానిక ప్రాథమిక ఆరోగ్య కేంద్రాన్ని డీఎంహెచ్‌వో ఆకస్మికంగా సందర్శించారు. డీఎంహెచ్‌వో మాట్లాడుతూ ఆరోగ్య కేంద్రాల్లో కాన్పుల సంఖ్యను పెంచేందుకు ప్రత్యేక చర్యలు తీసుకోవాలన్నారు. గ్రామాల్లోని ఆరోగ్యకర్తలు, ఆశలు గర్భిణులు కాన్పుల కోసం ప్రైవేటు వైద్యశాలకు వెళ్లకుండా క్షేత్రస్థాయిలో పర్యవేక్షణ చేస్తూ వారికి మరింత భరోసా కల్పించాలన్నారు. అనంతరం వైద్యశాలలోని లేబొరేటరీ, ఔషదాలు, పంపిణీ విభాగం, ప్రసూతి గది, ఆపరేషన్‌ థియేటర్‌, వార్డులు, కంప్యూటర్‌ విభాగం క్షుణ్ణంగా పరిశీలించారు. వైద్యశాల పరిసరాలు పరిశీలించి పనితీరును నిర్వహణ బాగుందుని ప్రశంసించారు. ఆయనతోపాటు డెప్యూటీ డీఎంహెచ్‌వో డాక్టరు మురళీకృష్ణ, డీసీ ఆరోగ్యశ్రీ చంద్రశేఖర్‌, వైద్యాధికారులు మాణ్యం రాధాకృష్ణన్‌, రావిపూడి రమ్య, సూపర్‌వైజర్లు నారాయణమ్మ, ఏడుకొండలు, ఉమాదేవి, స్టాఫ్‌నర్సు ధనలక్ష్మి, ల్యాబ్‌ టెక్నీషియన్‌ సతీష్‌, ఫార్మాసిస్ట్‌ లక్ష్మీనారాయణ తదితరులు ఉన్నారు.