దేశంలోనే ప్రత్యేకం.. వైఎస్సార్‌ ప్రజాప్రస్థానం

సాక్షి, అమరావతి: ‘మహానేత డాక్టర్‌ వైఎస్‌ రాజశేఖరరెడ్డి చేపట్టిన ప్రజాప్రస్థానం పాద­యాత్ర దేశంలోనే ఎప్పటికీ ప్రత్యేకమైనది. వైఎస్‌ రాజశేఖరరెడ్డి ప్రజాప్రస్థానం పేరుతో, వైఎస్‌ జగన్‌మోహన్‌రెడ్డి ప్రజాసంకల్ప యాత్ర పేరుతో చేపట్టిన పాదయాత్రలు ఆంధ్రప్రదేశ్‌లో సుపరిపా­లనకు నాందిపలికాయి. తండ్రి, కుమా­రుడు పాద­యాత్రలు చేసి ప్రజల కష్టాలు తెలుసు­కుని ముఖ్య­మంత్రిగా బాధ్యతలు చేపట్టిన అనంతరం వాటిని పరిష్కరించిన ఘనత దేశంలో వైఎస్‌ రాజశే­ఖర­రెడ్డి, వైఎస్‌ జగన్‌మోహన్‌రెడ్డికి మాత్రమే దక్కు­తుంది’ అని వైఎస్సార్‌సీపీ నాయ­కులు ప్రశ­ంసించారు. 

డాక్టర్‌ వైఎస్‌ రాజశేఖర­రెడ్డి చరిత్రాత్మక ‘ప్రజాప్రస్థానం’ పాద­యాత్ర చేపట్టి 23 ఏళ్లు పూర్తయిన సందర్భంగా తాడేపల్లిలోని వైఎస్సార్‌సీపీ కేంద్ర కార్యాలయంలో గురువారం ఘనంగా వేడుకలు నిర్వహించా­రు. మాజీ మంత్రి, వైఎస్సార్‌సీపీ గుంటూరు జిల్లా అధ్యక్షుడు అంబటి రాంబాబు, వైఎస్సార్‌­సీపీ రాష్ట్ర ప్రధాన కార్యదర్శి గడికోట శ్రీకాంత్‌రెడ్డి, ఎమ్మెల్సీలు లేళ్ల అప్పిరెడ్డి,  పి.రామసుబ్బారెడ్డి, మాజీ ఎమ్మెల్యే మల్లాది విష్ణు తదితరులు పా­ల్గొని కేక్‌ కట్‌ చేశారు. వైఎస్సార్‌ విగ్రహానికి పూల­మాలలు వేసి నివాళులర్పించారు. 

ప్రజలతో మమేకమవుతూ..
ఈ సందర్భంగా నేతలు మాట్లాడుతూ... ‘ఉమ్మడి ఆంధ్రప్రదేశ్‌­లో ప్రజల సమస్యలను నేరుగా వారి వద్దకే వెళ్లి తెలుసుకునేందుకు వైఎస్‌ రాజశేఖరరెడ్డి మండుటెండలో తెలంగాణలోని చేవెళ్ల నుంచి శ్రీకా­కు­ళం జిల్లా ఇచ్ఛాపురం వరకు పాదయాత్ర చేశారు. సాధారణ ప్రజలతో మమేకమై వారి సమ­స్యలను తెలుసుకున్నారు. ఈ పాదయాత్ర దేశవ్యా­ప్తంగా ప్రకంపనలు సృష్టించింది. ఆ తర్వాత సంక్షేమ పాలనకు బాటలు వేసింది. వైఎస్సార్‌ పాద­యాత్ర కారణంగానే 2004లో కాంగ్రెస్‌ పార్టీ ఏపీ­లో అధికారంలోకి వచ్చింది. 

కేంద్రంలో యూ­పీఏ అధి­కా­రంలోకి రావడానికి కూడా కారణమైంది. వైఎ­స్సార్‌ తనయుడు, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి మరింత సుదీర్ఘమైన పాద­యాత్ర చేసి తండ్రికి మించిన తనయుడిగా నిలి­చారు. ప్రజలతో మమేకమై వారి సమస్యలను తెలు­సుకున్నారు. ప్రజల గడప వద్దకే ప్రభుత్వ సేవ­లను తీసుకొచ్చి అద్భుత పాలనను అందించారు.’ అని చెప్పారు. ఈ కార్యక్రమంలో పార్టీ నాయకులు నేదురుమల్లి రామ్‌కుమార్‌రెడ్డి, దొంతి­రెడ్డి వేమారెడ్డి, కాకమాను రాజశేఖర్, చల్లా మధు తదితరులు పాల్గొన్నారు.