హెచ్‌సీఏ లీగ్స్‌లో రేవంత్ సాయి సంచలన బ్యాటింగ్
  
 హైదరాబాద్: సెంచరీ కాదు, డబుల్ సెంచరీ కాదు... ఒక్క రోజులో ఒక బ్యాట్స్‌మన్ దాదాపు 400 పరుగులు చేయడం అసాధారణ విషయం. పిచ్ ఎలాంటిదైనా, ఎంత బలహీన బౌలింగ్ అయినా ఇది అద్భుతం కిందే లెక్క. దానిని సుసాధ్యం చేసి చూపించాడు హైదరాబాద్ క్రికెటర్ రేవంత్ సాయి. హైదరాబాద్ క్రికెట్ సంఘం (హెచ్‌సీఏ) 2 రోజుల లీగ్ పోటీల్లో భాగంగా మంగళవారం జరిగిన మ్యాచ్‌లో భారీ ట్రిపుల్ సెంచరీ చేసిన అతను త్రుటిలో ‘క్వాడ్రాపుల్ సెంచరీ’ కోల్పోయాడు.
 
 పీ అండ్ టీ కాలనీ జట్టుతో జరిగిన మ్యాచ్‌లో విశాక జట్టు తరఫున ఓపెనర్‌గా బరిలోకి దిగిన 25 ఏళ్ల రేవంత్ సాయి రెచ్చిపోయాడు. 336 బంతుల్లో ఏకంగా 393 పరుగులు సాధిం చాడు. ఇందులో 44 ఫోర్లు, 10 సిక్సర్లు ఉన్నాయి. హెచ్‌సీఏ లీగ్స్ లో ఇదే అత్యధిక వ్యక్తిగత స్కోరు కాగా, దానిని ఒకే రోజు చేసిన రికార్డును సాయి సొంతం చేసుకున్నాడు. దాదాపు ఐదున్నర గంటల పాటు క్రీజ్‌లో గడిపిన అతను 236 పరుగులు బౌండరీల ద్వారానే రాబట్టడం విశేషం. చివరకు మరో భారీ షాట్‌కు ప్రయత్నించి డీప్ కవర్స్‌లో క్యాచ్ ఇవ్వడంతో నాలుగొందలు పరుగుల మైలురాయి చేజారింది. రేవంత్ అద్భుత ప్రదర్శనతో విశాక జట్టు తొలి రోజు 88.4 ఓవర్లలో 5 వికెట్లకు 664 పరుగులు చేసి డిక్లేర్ చేసింది.
  


  సాక్షి, హైదరాబాద్: రేవంత్ సాయి (106) సెంచరీతో చెలరేగడంతో ఎ-డివిజన్ రెండు రోజుల లీగ్ చాంపియన్‌షిప్‌లో విశాక జట్టు రెండు వికెట్ల తేడాతో విజయ్ హనుమాన్ టీమ్‌పై గెలిచింది. మంగళవారం ఇక్కడ జరిగిన ఈ మ్యాచ్‌లో... మొదట బ్యాటింగ్ చేసిన విజయ్ హనుమాన్ 201 పరుగులకు ఆలౌటైంది. తర్వాత బ్యాటింగ్‌కు దిగిన విశాక 8 వికెట్లకు 204 పరుగులు చేసి నెగ్గింది. రేవంత్ అద్భుతమైన బ్యాటింగ్‌తో ఇన్నింగ్స్‌కు వెన్నెముకగా నిలిచాడు. జయరామ్ 76 పరుగులు ఇచ్చి ఆరు వికెట్లు తీసినా ప్రయోజనం లేకపోయింది.
  
  ఇతర మ్యాచ్‌ల స్కోరు వివరాలు
   బ్రదర్స్ ఎలెవన్: 130 (అకేందర్ 37, కార్తీక్ 4/37); హైదరాబాద్ టైటాన్స్: 86 (అజీమ్ 4/42).  న్యూబ్లూస్: 303/7; టీమ్‌స్పీడ్: 148 (సంతోష్ 78, దత్త ప్రకాశ్ 5/59, రమేశ్ 4/41).  బడ్డింగ్ స్టార్: 160; మెగాసిటీ: 162/8 (అమ్రిత్ 50, భరత్ 5/62).  జిందా: 321; సాయిసత్య: 274 (జైస్వాల్ 68, కులకర్ణీ 94, అవినాశ్ 3/53).  కేంబ్రిడ్జ్ ఎలెవన్: 204; సీసీఓబీ: 192 (అఫ్సర్ 31, మీర్జా 48, కమ్రాన్ 4/47).  నిజాం కాలేజి: 66 (నవజ్యోత్ సింగ్ 5/26, శశిఆనంద్ 5/26); బాలాజీ కోల్ట్స్: 67/3 (నవ్‌దీప్ 42).  వీనస్ సైబర్‌టెక్: 211 (శ్రీకాంత్ 85, భాను 44, భరత్ 6/51); జై భగవతి: 215/7 (భరత్ 63, వికాస్ 45).  ఎంసీసీ: 126 (అమే 3/13, అంకిత్ 3/29); హెచ్‌బీసీసీ: 130/5 (యుధీష్ 56, మాన్యుయేల్ 35, మోహిత్ సోని 5/35).  గౌడ్స్ ఎలెవన్: 192 (తరుణ్ 56, నాగరాజ్ 44, ప్రవిత్ 5/44); ఎస్‌ఏ అంబర్‌పేట్: 97/2.