నయనతార లీడ్‌ రోల్‌లో యాక్ట్‌ చేసిన మలయాళ హిట్‌ సినిమా ‘పుదియ నియమం’ను శ్రీరామ్‌ సినిమా పతాకంపై ఎస్‌.ఆర్‌ మోహన్‌ తెలుగులో ‘వాసుకి’గా అందిస్తున్నారు. ఎస్‌.కె షాజన్‌ దర్శకుడు. గోపీ సుందర్‌ సంగీత దర్శకుడు. పోస్ట్‌ ప్రొడక్షన్‌ వర్క్‌ కంప్లీట్‌ చేసుకున్న ఈ చిత్రం సెన్సార్‌కు రెడీ అయింది. ‘‘పుదియ నియమం అంటే కొత్త నియమం.
 
 ఈ సినిమాలో హీరోయిన్‌ ఎలాంటి నియమం పెట్టుకుంది? అనేది ఆసక్తికరంగా ఉంటుంది. ఈ వేసవికే సినిమాను ప్రేక్షకుల ముందుకు తీసుకొస్తాం. తప్పకుండా హిట్‌ అవుతుందనే నమ్మకం ఉంది’’ అన్నారు నిర్మాత ఎస్‌.ఆర్‌. మోహన్‌. ఈ చిత్రానికి కెమెరా: వర్గీస్‌ రాజ్, పాటలు: భువన  చంద్ర, వెన్నెలకంటి.