‘‘హిట్‌ వచ్చినప్పుడు ఎగరకూడదు. ఫ్లాప్‌ వచ్చినప్పుడు కుమిలిపోకూడదు. మా నాన్నగారి(ఈవీవీ సత్యనారాయణ) ఫ్రెండ్‌ అని, తెలిసినవారనీ.. ఆబ్లిగేషన్స్‌తో కొన్ని సినిమాలు చేశాను. వరుస ఫ్లాప్స్‌ తర్వాత నేను నేర్చుకున్నది ఏంటంటే... ఆబ్లిగేషన్స్‌ కోసం సినిమా చేయకూడదని, కథ నచ్చితేనే చేద్దామని ఫిక్సయ్యాను’’ అని ‘అల్లరి’ నరేశ్‌ అన్నారు. రవిబాబు దర్శకత్వంలో నరేశ్‌ హీరోగా పరిచయమైన ‘అల్లరి’ రిలీజ్‌ అయి నేటితో ఇరవై ఏళ్లు అవుతోంది. నటుడిగా తాను ఇండస్ట్రీకి వచ్చి ఇరవయ్యేళ్లయిన సందర్భంగా ‘అల్లరి’ నరేశ్‌ చెప్పిన విశేషాలు. ► ‘అల్లరి’ సినిమా షూటింగ్‌ 2002 జనవరి 24న ఆరంభమైంది. 22న రవిగారు ఫోన్‌ చేసి, ఫోటోషూట్‌ చేసి ఎల్లుండి నుంచి షూటింగ్‌ అన్నారు. ‘నరేశ్‌ కొత్తవాడు, దర్శకుడిగా నువ్వు కొత్తవాడివే. ఆల్రెడీ ప్రూవ్డ్‌ హీరోతో వెళితే బెటర్‌ ఏమో’ అన్నట్లుగా నాన్నగారు (ప్రముఖ దర్శక– నిర్మాత ఈవీవీ సత్యానారాయణ) కూడా చెప్పారు. కానీ రవిగారు నాపై నమ్మకంతో సినిమాను స్టార్ట్‌ చేశారు. అలా అక్కడి నుంచి ఈదర పోయి అల్లరి స్టార్ట్‌ అయ్యింది. నా 20 ఏళ్ల కెరీర్‌లో ఇప్పటివరకు 57 సినిమాలు చేశాను.   ► కెరీర్‌ మధ్యలో ‘నేను’, ‘ప్రాణం’ వంటి సీరియస్‌ సినిమాలు చేశాను. ఇవి ఆశించిన ఫలితం ఇవ్వలేదు. అయితే ‘నేను’ చూసి, దర్శకుడు క్రిష్‌ ‘గమ్యం’లోని గాలి శీను క్యారెక్టర్‌కు తీసుకున్నారు. గాలి శీనుతో నాకు ‘శంభో శివ శంభో’ సినిమా చేసే అవకాశం వచ్చింది. గమ్యం, శంభో శివ శంభోలో చేసిన క్యారెక్టర్స్‌ వల్ల ఎమోషన్‌ను కూడా చేయగలనని మేకర్స్‌ నన్ను నమ్మారు. ఈ సినిమాల వల్ల ‘మహర్షి’లో చేసే చాన్స్‌ వచ్చింది. ► నాన్నగారు లేకపోవడం వల్లే నాకు ఫ్లాప్స్‌ వస్తున్నాయని చాలా మంది అన్నారు. నిజానికి ‘గమ్యం’ సినిమా నేను ఒప్పుకున్నదే. నాన్నగారు ఈ సినిమా చూశాక ‘‘కథగా చెప్పి ఉంటే ఈ సినిమా చేయవద్దనేవాడిని. బాగా చేశావ్‌. నీకు మంచి పేరు వస్తుంది’’ అన్నారు. కానీ ఆ తర్వాత నా కెరీర్‌లో ఫ్లాప్స్‌ రావడం వల్ల ఈవీవీగారు లేకపోవడం వల్లే నా సినిమాలు హిట్స్‌ కాలేదని అన్నారు. నాన్నగారు చనిపోయిన తర్వాత కూడా నేను చేసిన ‘సుడిగాడు’, ‘అహ నా పెళ్లంట..’ సినిమాలు హిట్‌ సాధించాయి. అయితే గత కొంతకాలంగా నాకు సరైన హిట్‌ రాలేదు. నాన్నగారిని ఓ దర్శకుడిగా కన్నా కూడా నేను ఓ ఫాదర్‌గా బాగా మిస్‌ అయ్యాను. ‘నాంది’(2021) సినిమా హిట్‌ సాధించినప్పుడు నాన్నగారు ఉండి ఉంటే బాగుండేది అనిపించింది. ► ‘మహర్షి’ తర్వాత ‘ఇక నువ్వు క్యారెక్టర్‌ ఆర్టిస్టుగానే వెళ్లిపోవచ్చు’ అని ఓ ప్రొడ్యూసర్‌ అన్నారు. ‘నాంది’ హిట్‌ తర్వాత ఆయనే ఫోన్‌ చేసి శుభాకాంక్షలు చెప్పారు. ఆ ప్రొడ్యూసర్‌ నా మంచి కోసమే చెప్పి ఉండొచ్చు. అయితే ఎవరి కెరీర్‌ ఎప్పుడు ఎక్కడ ముగిసిపోతుందో ఎవరూ నిర్ణయించలేరు. ఎవరి కెరీర్‌ని ఎవరూ డిసైడ్‌ చేయలేరు. ► ప్రస్తుతం ‘ఇట్లు... మారేడుమిల్లి ప్రజానీకం’ సినిమా చేస్తున్నాను. మరో మూడు కథలను ఓకే చేశాను. నాకు ‘నాంది’తో హిట్‌ ఇచ్చిన విజయ్‌తో మరో సినిమా చేస్తాను.  

వెండితెరపై తన నటనతో ప్రేక్షకుల పెదవులపై ఎన్నో నవ్వులు పూయించారు ‘అల్లరి’ నరేశ్‌. అవకాశం దొరికినప్పుడల్లా సీరియస్‌ రోల్స్‌ కూడా చేశారు. ‘గమ్యం, శంభో శివ శంభో’ తాజాగా ‘మహర్షి’ చిత్రాలే ఇందుకు నిదర్శనం. ఇప్పటివరకు 55 సినిమాలు చేశారు నరేశ్‌. రవిబాబు దర్శకత్వంలో వచ్చిన ‘అల్లరి’(2002) సినిమాతో ఆయన నటుడిగా పరిచయం అయ్యారని తెలిసిందే. ఈ చిత్రం విడుదలై శుక్రవారంతో 17 ఏళ్లు పూర్తయింది. ఈ విషయంపై ‘అల్లరి’ నరేశ్‌ స్పందిస్తూ– ‘‘పదిహేడేళ్ల క్రితం ఓ కుర్రాడు జీవితంలో సరైన దారి కోసం వెతుకుతున్నాడు. ఆ కుర్రాడికి ఇండస్ట్రీలో అవకాశం వచ్చింది. 10మే 2002లో ఆ కుర్రాడు ‘అల్లరి’ నరేశ్‌గా పుట్టాడు. నా ‘అల్లరి’ సినిమా విడుదలై 17ఏళ్లు పూర్తయింది.  నా కలలకు ఊపిరి పోసిన వారికి, ‘అల్లరి’ సినిమా బృందానికి రుణపడి ఉంటాను. ఈ విషయాన్ని నేను ఇప్పుడే ఎందుకు చెబుతున్నానంటే.. రవి ఫుల్‌ సర్కిల్‌ కంప్లీట్‌ చేశాడు. నా తొలి సినిమా ‘అల్లరి’లో రవిపాత్ర, ‘మహర్షి’ సినిమాలోనూ రవి పాత్ర చేశాను. నా కెరీర్‌లో చేసిన 55 సినిమాలు నాకు ఎన్నో జ్ఞాపకాలను ఇచ్చాయి’’అన్నారు.


 మొదటి సినిమాలో నటించడం అంటే.. నటుడిగా అప్పుడే జన్మ ఎత్తడం. ఆ లెక్కన చూసుకుంటే అల్లరోడికి అప్పుడే 14 ఏళ్లు నిండిపోయాయి. అవును.. టాలీవుడ్ హీరో అల్లరి నరేష్ మొదటి సినిమా విడుదలై ఇప్పటికి సరిగ్గా 14 ఏళ్లు గడిచిందట. ఆ విషయాన్ని నరేష్ స్వయంగా ట్విట్టర్ ద్వారా తెలిపాడు. 14 సంవత్సరాల క్రితం సరిగ్గా ఇదే రోజు తెలుగు సినిమా పరిశ్రమలో తాను ప్రయాణం మొదలుపెట్టానని, తన అల్లరి సినిమా విడుదలైందని తెలిపాడు.
 
 హాస్య భరిత చిత్రాల దర్శకుడు ఈవీవీ సత్యనారాయణ చిన్న కొడుకుగా తెరంగేట్రం చేసిన నరేష్.. తన మొదటి సినిమా పేరునే ఇంటిపేరుగా మార్చేసుకున్నాడు. కేవలం హాస్య చిత్రాలకే పరిమితం కాకుండా.. తనలోని నటనా నైపుణ్యాన్ని చూపించే వైవిధ్యభరితమైన సినిమాల్లో కూడా నటించి తానేంటో చూపించాడు. ఇన్నాళ్లుగా తనకు అపారమైన మద్దతు ఇచ్చినందుకు అందరికీ ట్విట్టర్ ద్వారా నరేష్ థాంక్స్ చెప్పాడు. ఈ ప్రయాణం చాలా అద్భుతంగా ఉందని కూడా తెలిపాడు.
  
 
 14 years ago today,I began my journey in TFI with the release of Allari.Thanks to all your relentless support, the journey has been amazing!
 — Allari Naresh (@allarinaresh) 10 May 2016