లోక్సభ రేసులో ఇన్ఫోసిస్ మాజీ ఉద్యోగులు

న్యూఢిల్లీ: లోక్సభ ఎన్నికల్లో పోటీ చేసే 60 మంది అభ్యర్థుల పేర్లతో నాలుగో జాబితాను ఆమ్ ఆద్మీ పార్టీ(ఏఏపీ) విడుదల చేసింది. ఇన్ఫోసిస్ మాజీ సీఎఫ్ఓ వి. బాలకృష్ణన్, పాత్రికేయుడు ఆశిష్ కేతన్ పేర్లు ఇందులో ఉన్నాయి. బాలకృష్ణన్ సెంట్రల్ బెంగళూరు నుంచి పోటీ చేయనున్నారు. ఇన్ఫీ డెరైక్టర్ పదవిని వదులుకుని ఆయన రాజకీయాల్లో అడుగుపెట్టారు. కొద్ది రోజుల క్రితం ఆమ్ ఆద్మీ పార్టీలో చేరారు. ఆశిష్ కేతన్ న్యూఢిల్లీ నుంచి బరిలోకి దిగనున్నారు.

ఇన్ఫోసిస్ మాజీ సీఈవో నందన్ నిలేకని కూడా లోక్సభ ఎన్నికల బరిలో నిలిచారు. దక్షిణ బెంగళూరు లోక్సభ స్థానం నుంచి కాంగ్రెస్ అభ్యర్థిగా నందన్ పోటీ చేస్తున్నారు.