TV
చాంపియన్‌ హంపికి విన్నర్స్‌ ట్రోఫీ, 45 వేల డాలర్ల చెక్‌ అందజేస్తున్న నిర్వాహకులు
సాక్షి, అమరావతి: ఆంధ్రప్రదేశ్‌ గ్రాండ్‌మాస్టర్‌ కోనేరు హంపి ప్రతిష్టాత్మక కెయిన్స్‌ కప్‌ టైటిల్‌ గెల్చుకున్నందుకు ఆంధ్రప్రదేశ్‌ రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి మంగళవారం అభినందనలు తెలిపారు. అమెరికాలోని సెయింట్‌ లూసియాలో జరిగిన ఈ టోర్నీలో ఆంధ్రప్రదేశ్‌కే చెందిన మరో గ్రాండ్‌మాస్టర్‌ ద్రోణవల్లి హారికతో చివరి గేమ్‌ను ‘డ్రా’ చేసుకొని హంపి టైటిల్‌ను ఖాయం చేసుకుంది. కొత్త ఏడాదిని గొప్ప విజయంతో మొదలుపెట్టిన కోనేరు హంపి రానున్న రోజుల్లో మరిన్ని విజయాలు సాధించాలని ముఖ్యమంత్రి జగన్‌మోహన్‌రెడ్డి ఆకాంక్షించారు.
