షార్ట్‌ అండ్‌ స్ట్రాంగ్‌!

గాయనిగా, నటిగా, నిర్మాతగా, వ్యాఖ్యాతగా, సంగీత దర్శకురాలిగా తనలోని విభిన్నమైన కోణాలను ప్రేక్షకులకు చూపించారు శ్రుతీహాసన్‌. ఇప్పుడు మరో మీడియమ్‌లోకి అడుగుపెడుతున్నట్టు తెలిసింది. తెలుగు, తమిళ, హిందీ భాషల్లో సినిమాలు చేసిన శ్రుతీహాసన్‌ తాజాగా ఓ షార్ట్‌ ఫిల్మ్‌లో నటిస్తున్నారు. ఇందులో బాలీవుడ్‌ నటీమణులు కాజోల్, నేహా ధూపియా, నీనా కులకర్ణి అలాగే ముక్తా బావ్రే, రామా జోషీ ముఖ్యపాత్రల్లో నటిస్తున్నారు. ప్రియాంకా బెనర్జీ దర్శకత్వం వహిస్తున్న ఈ షార్ట్‌ ఫిల్మ్‌కు ‘దేవి’ అని టైటిల్‌ పెట్టారు. శక్తిమంతమైన సందేశంతో షార్ట్‌ అండ్‌ స్ట్రాంగ్‌గా ఈ షార్ట్‌ ఫిల్మ్‌ రూపొందుతోందని సమాచారం. ‘‘నా తొలి షార్ట్‌ ఫిల్మ్‌ను ఇంత మంది ప్రతిభ కలిగిన నటీమణులతో కలసి చేయడం చాలా ఆనందంగా ఉంది’’ అని పేర్కొన్నారు శ్రుతీహాసన్‌.