ప్రేమ ప్రయాణం

‘‘అయిదారేళ్లుగా నాకు చెప్పుకోదగ్గ విజయాల్లేవ్. ఓడిపోతున్నానేమో అనే ఫీలింగ్. ‘ఇంకేదైనా చేసుకుంటే పోలా’ అని కూడా అనుకున్నా. కానీ కసితో చేసిన ఈ సినిమా నన్ను వెనక్కు వెళ్లనీయదని నా నమ్మకం’’ అని శివాజీ అన్నారు. రేవన్  యాదు దర్శకత్వంలో శివాజీ హీరోగా నటించిన చిత్రం ‘బూచెమ్మ బూచోడు’. కైనాజ్ మోతీవాలా కథానాయిక. రమేష్ అన్నంరెడ్డి, ప్రసాద్‌రెడ్డి నిర్మాతలు. ఈ చిత్రం విడుదలకు సిద్ధమైంది. ఈ సందర్భంగా హైదరాబాద్‌లో ఏర్పాటు చేసిన విలేకరుల సమావేశంలో శివాజీ మాట్లాడుతూ -‘‘నిర్మాతలు రోడ్డున పడకూడదు అనే సద్భావనతో కొన్ని విషయాల్లో రాజీ పడేవాణ్ణి. అది తప్పని ఈ మధ్యే తెలిసింది. ఈ సిని మాకు మాత్రం మంచి నిర్మాతలు దొరికారు.