ఏజన్సీలో వర్షం

ఖమ్మం వ్యవసాయం: జిల్లాలోని ఏజన్సీ ప్రాంతంలో శనివారం వర్షం పడింది. జిల్లాలోని 25 మండలాల్లో శనివారం ఉదయం 10 గంటల వరకు 5.8 మి.మీ వర్షపాతం నమోదైనట్లు వాతావరణ శాఖ తెలిపింది. భద్రాచలం అటవీ ప్రాంతంతోపాటు గోదావరీ పరీవాహక ప్రాంతంలో వర్షం పడింది. వెంకటాపురం నుంచి కొత్తగూడెం వరకు ఓ మోస్తరు వర్షం పడింది. అత్యధికంగా చర్ల మండలంలో 3.88 సె.మీ వర్షపాతం నమోదైంది. పది మండలాల్లో 1–3 సెం.మీ. మధ్య, 14 మండలాల్లో ఒక సెం.మీ. వరకు వర్షపాతం నమోదైంది. సెప్టెంబర్‌ నెల సాధారణ వర్షపాతం 164 మి.మీ. ఈ నెల 10వ తేదీ నాటికి 54.6 మి.మీ. పడాలి. దీనికన్నా ఎక్కువగా (69.1 మి.మీ.) వర్షం కురిసింది.