TV
ఆర్టీసీబస్సులో గుర్తుతెలియని వ్యక్తి మృతి
ఆర్టీసీ బస్సులో ప్రయాణిస్తున్న గుర్తుతెలియని వ్యక్తి మృతిచెందాడు.
రామన్నపేట
ఆర్టీసీ బస్సులో ప్రయాణిస్తున్న గుర్తుతెలియని వ్యక్తి మృతిచెందాడు. ఈ ఘటన గురువారం చోటుచేసుకుంది. తోటి ప్రయాణికులు తెలిపిన వివరాలప్రకారం.. కాషాయవస్త్రాలు ధరించిన సమారు 45 సంవత్సరాల వయసు గల వ్యక్తి వలిగొండ వద్ద బస్సు ఎక్కి చిట్యాలవరకు టికెట్ తీసుకున్నాడు. నాగారం వద్దకు రాగానే అతనికి ఫిట్స్ వచ్చాయి. తోటి ప్రయాణికులు అతనికి ప్రథమ చికిత్స అందించారు. బస్సు రామన్నపేటకు చేరుకోగానే స్థానిక ఏరియా ఆస్పత్రికి తీసుకువెళ్తుండగా మృతిచెందాడు. మృతదేహాన్ని స్థానిక ఏరియా ఆస్పత్రి మార్చురీలో భద్రపరిచారు.
