సాక్షి, హైదరాబాద్: శంకర్‌పల్లి ఇక్ఫాయి యూనివర్శిటీలో దారుణం చేసుకుంది. బీటెక్‌ విద్యార్థిని లేఖపై యాసిడ్‌ దాడి జరిగింది. కాలేజీలో జరుగుతున్న వేడుకల్లో యాసిడ్‌ దాడి జరిగింది. విద్యార్థిని లేఖ్యపై తోటి విద్యార్థులు యాసిడ్ దాడి చేశారు. రంగు నీళ్లకు బదులు బకెట్లో యాసిడ్‌ను విద్యార్థులు నింపారు. రంగు నీళ్లు అనుకొని యాసిడ్‌ని తోటి విద్యార్థులు విద్యార్థినిపై పోశారు. విద్యార్థిని లేఖకు తీవ్రగాయాలు కాగా, ఆస్పత్రికి తరలించారు.

కేజీఎఫ్‌: కోలారు జిల్లా కేజీఎఫ్‌ తాలూకాలోని రామసాగర గ్రామ పంచాయతీలో బిల్‌ కలెక్టర్‌ కామాంధునిగా అవతారమెత్తాడు. పనుల కోసం వచ్చే మహిళలను బెదిరించి లోబర్చుకుని కామలీలలకు పాల్పడుతున్నాడు. తోటి మహిళా ఉద్యోగుల మీద కూడా కన్నేశాడు. ఓ కాంట్రాక్టు ఉద్యోగినితో అతగాడు రాసలీలలు చేసిన వీడియోలు గత రెండు రోజుల నుంచి సోషల్‌ మీడియాలో వైరల్‌ అవుతున్నాయి. వివరాలు.. బిల్‌ కలెక్టర్‌ అర్జున్‌ హరికృష్ణ (36) లీలలు ఇవి. బాధితురాలు మాట్లాడుతూ పంచాయతీలో ఉద్యోగం పర్మినెంట్‌ చేయడంతో పాటు, భర్తకు కూడా ఉద్యోగం కల్పిస్తానని తనకు ప్రలోభాలు పెట్టేవాడని తెలిపింది. ఒప్పుకోకుంటే తీవ్రచర్యలుంటాయని భయపెట్టి లైంగిక దాడికి పాల్పడ్డాడని ఫిర్యాదులో పేర్కొంది. పంచాయతీ కార్యాలయంలోనే ఈ అకృత్యం చోటుచేసుకుంది. హరికృష్ణపై చట్టరీత్యా చర్యలు తీసుకోవాలని గ్రామ పంచాయతీ సభ్యులు పిడిఓకు విన్నవించారు. బాధితురాలిని ఒప్పించి ఆమె చేత బేత మంగల పోలీస్‌ స్టేషన్‌లో ఫిర్యాదు చేయించారు. బాధితురాలి ఫిర్యాదుతో బిల్‌ కలెక్టర్‌ను పోలీసులు అరెస్టు చేశారు. ఆఫీసులోనే అరాచకాలు

భారీ వర్షం..బెంగళూరు, గ్రామీణ ప్రాంతాలకు వర్షసూచనబనశంకరి: రాష్ట్రంలో పలుచోట్ల వర్షాలు కురుస్తున్నాయి. 7 జిల్లాల్లో ఈదురుగాలులతో కూడిన భారీవర్షం పడుతుందని భారతీయ వాతావరణ శాఖ హెచ్చరించింది. బళ్లారి, చామరాజనగర, హాసన్‌, కొడగు, మండ్య, మైసూరు, శివమొగ్గ జిల్లాలకు ఎల్లో అలర్ట్‌ ని ప్రకటించారు. 40 నుంచి 50 కిలోమీటర్ల వేగంతో గాలులు వీస్తాయని వాతావరణశాఖ హెచ్చరించింది. కాబట్టి ప్రజలు చెట్ల కింద, పాడుబడిన కట్టడాల కింద ఉండరాదని, సురక్షిత ప్రదేశాలను ఎంచుకోవాలని తెలిపింది. బెంగళూరు నగర, గ్రామాంతర జిల్లాల్లో సాధారణ వర్షం కురుస్తుంది. పలు జిల్లాల్లో కుండపోత ● మరోపక్క రాష్ట్రంలోని పలు ప్రాంతాలలో వర్షం కొనసాగుతుండగా ఎండలతో నుంచి ప్రజలకు ఉపశమనం కలిగింది. ఉత్తర కన్నడ జిల్లా శిరసి, సిద్దాపుర ప్రాంతంలో కుండపోత, గాలి ధాటికి చెట్లు, కరెంటు స్తంభాలు కూలిపోయాయి. దీంతో విద్యుత్‌ సరఫరాలో ఆటంకం ఏర్పడింది. జిల్లాలో కార్వార, ముండగోడు, దాండేలి, జోయిడాలో వర్షాలు రావచ్చు. ● చిక్కబళ్లాపురలో కూడా వర్షం కురవడంతో రైతులు ముఖాల్లో ఆనందం నెలకొంది. రెండు మూడురోజులుగా కురిసిన వర్షాలకు చామంతి, గులాబీ పూల తోటలకు జీవం వచ్చింది. ద్రాక్ష, దానిమ్మ తోటలు, టమాటా, బీరకాయ లాంటి కూరగాయల రైతులు ఊపిరి పీల్చుకున్నారు. ● హుబ్లీలో భారీ వర్షం వల్ల చెట్టు కూలి రెండు బైకులు ధ్వంసమయ్యాయి. రోడ్లు జలమయం కాబడ్డాయి. ఉడుపిలో పిడుగు పడి సురేశ్‌శెట్టి అనే వ్యక్తి చనిపోయాడు. ముందే రానున్న రుతు పవనాలు ● అరేబియా సముద్రంలో ఏర్పడిన అల్పపీడన ప్రభావంతో మరో 5 రోజుల పాటు వర్షాలు కురుస్తాయని వాతావరణ శాఖ తెలిపింది. ● 17 నుంచి రాష్ట్రంలోని కరావళి, దక్షిణ ఒళనాడు జిల్లాల్లో వరుణుడు తీవ్రమయ్యే అవకాశం ఉంది. పలు జిల్లాల్లో నైరుతికి ముందే వర్షాలు మొదలయ్యాయి. ● బుధవారం నుంచి వానలు కురుస్తాయని, మేఘావృతమై ఉంటుందని, సాయంత్రం, రాత్రి సమయాల్లో వానలు పడవచ్చు. కొన్నిచోట్ల ఈదురుగాలులు, ఉరుములు, పిడుగులతో కూడిన వర్షం కురవవచ్చని వాతావరణ శాఖ తెలిపింది. 7 జిల్లాలకు ఎల్లో అలర్ట్‌ జారీ 5 రోజుల పాటు వానలు!

బనశంకరి: చదువుల ఒత్తిడి, అధ్యాపకుల వేధింపులు మరో విద్యా కుసుమాన్ని బలిగొన్నాయి. భవిష్యత్తులో గొప్ప ఇంజినీర్‌ కావలసిన యువకుడు విగతజీవిగా మారాడు. ఓ ప్రైవేటు కాలేజీ 6వ అంతస్తుపై నుంచి దూకి ఇంజినీరింగ్‌ విద్యార్ది ఆత్మహత్య చేసుకున్న ఘటన ఐటీ నగరంలో పరప్పన అగ్రహార పోలీస్‌స్టేషన్‌ పరిధిలో చోటుచేసుకుంది. మృతుడు కరసాల రాహుల్‌ (21). ఏం జరిగిందంటే.. వివరాలు.. రాహుల్‌ కుటుంబం కర్నూలుకు చెందిన ది కాగా, బళ్లారిలో స్థిరపడింది. అతని తండ్రి విదేశాల్లో ఉద్యోగం చేస్తున్నారు. రాహుల్‌ ఎలక్ట్రానిక్‌ సిటీలోని పీఈఎస్‌ యూనివర్శిటీలో బీఈ కంప్యూటర్‌ సైన్సు మూడవ సంవత్సరం చదువుతున్నాడు. రాహుల్‌ తల్లితో కలిసి క్యాంపస్‌ నుంచి నాలుగు కిలోమీటర్ల దూరంలో అద్దె ఇంట్లో నివాసం ఉంటున్నారు. బుధవారం ఉదయం 8.30 గంటలకు కాలేజీలో పరీక్ష ఉండగా ఆలస్యంగా వచ్చాడని అధ్యాపకులు అనుమతించలేదు. తల్లికి కూడా సమాచారం అందించారు. ఈ పరిణామాలతో తీవ్ర మనోవేదనకు లోనైన రాహుల్‌ కాలేజీ 6వ అంతస్తుపైకి వెళ్లి కిందికి దూకాడు. తీవ్ర గాయాలతో అక్కడికక్కడే ప్రాణాలు విడిచాడు. ఘటనాస్థలానికి పరప్పన అగ్రహార పోలీసులు చేరుకుని పరిశీలించి కేసు నమోదు చేసుకుని మృతదేహానికి విక్టోరియా ఆసుపత్రికి తరలించారు. పరీక్షకు లేటుగా వచ్చాడని తిరస్కృతి కాలేజీ పై నుంచి దూకి బీటెక్‌ విద్యార్థి ఆత్మహత్య

సాక్షి బళ్లారి/ హుబ్లీ: ప్రేమించుకొని పెళ్లి చేసుకొన్న నవ దంపతులు ఎన్నో ఆశలతో కొత్త జీవితాన్ని ప్రారంభించారు. కానీ విధి మరోలా తలచింది. అంతు తెలియని సమస్యలతో ఆ జంట ఆత్మహత్య చేసుకున్న విషాద సంఘటన విజయపురలో చోటు చేసుకుంది. వివరాలు.. విజయపుర నగరంలోని సిద్దేశ్వర బడావణెలో నివాసం ఉంటున్న మనోజ్‌కుమార్‌ పోలా (30), రాఖీ (23) అనే యువతీ యువకులు ప్రేమలో పడ్డారు. నాలుగు నెలల క్రితం పెద్దలను కాదని గుడిలో పెళ్లి చేసుకొన్నారు. మనోజ్‌ తల్లి ఇంట్లోనే ఇద్దరూ కాపురం పెట్టారు. అయితే ఏం జరిగిందో ఏమో కాని మంగళవారం రాత్రి ఇద్దరూ ఇంట్లో ఎవరూ లేని సమయంలో ఉరివేసుకుని ప్రాణాలు తీసుకున్నారు. మనోజ్‌కుమార్‌ తల్లి ఊరికి వెళ్లి బుధవారం ఉదయమే తిరిగి రాగా ఈ ఘోరం వెలుగు చూసింది. ఈ ఘటనపై జలనగర పోలీసులు కేసు దర్యాప్తు చేస్తున్నారు. కుటుంబ సమస్యలతో పాటు ఆర్థిక సమస్యలే కారణం కావచ్చని స్థానికులు తెలిపారు. విజయపురలో విషాదం