అంత్యక్రియలను అడ్డుకోవడం అమానవీయం

YS Jagan Review Meeting With Officials About Coronavirus - Sakshi

కరోనా మృతుల అంతిమ సంస్కారాలను అడ్డుకోవడం సమంజసం కాదు

ఇకపై ఎవరైనా అడ్డంకులు కల్పిస్తే పోలీసులు సీరియస్‌గా స్పందించాలి

ఉన్నతస్థాయి సమీక్షలో సీఎం వైఎస్‌ జగన్‌మోహన్‌రెడ్డి

కరోనా ఎవరికైనా సోకవచ్చు. అంత్యక్రియలను అడ్డుకున్న వారికైనా ఇలాంటి పరిస్థితే రావొచ్చు. బాధితులను అంటరాని వాళ్లుగా చూడడం సరికాదు. అలాంటి వారి పట్ల ఆప్యాయత, సానుభూతి చూపించాల్సింది పోయి వివక్ష చూపడం ఏమాత్రం మంచిది కాదు. సొంత వారికి ఇలాంటివి జరిగితే ఎలా స్పందిస్తామో అందరి విషయంలోనూ అలాగే స్పందించాలి.

సాక్షి, అమరావతి : కర్నూలు జిల్లాలో కరోనా  సోకిన వ్యక్తి అంత్యక్రియలను స్థానికులు కొందరు అడ్డుకోవడంపై ముఖ్యమంత్రి  వైఎస్‌ జగన్‌మోహన్‌రెడ్డి తీవ్రంగా స్పందించారు. ఇది చాలా అమానవీయమని, ఇలాంటి వారిపై తీవ్రమైన చర్యలు తీసుకోవాల్సిందిగా డీజీపీ గౌతం సవాంగ్‌ని ఆయన ఆదేశించారు. కరోనా ఎవరికైనా సోకవచ్చని.. అంత్యక్రియలను అడ్డుకున్న వారికైనా ఇలాంటి పరిస్థితే రావొచ్చునని.. బాధితులను అంటరాని వాళ్లుగా చూడడం సరికాదని సీఎం అన్నారు. ఇలాంటి పరిస్థితుల్లో ఉన్నవారి పట్ల ఆప్యాయత, సానుభూతి చూపించాల్సింది పోయి వివక్ష చూపడం ఏమాత్రం మంచికాదన్నారు. సొంతవారికి ఇలాంటివి జరిగితే ఎలా స్పందిస్తామో అందరి విషయంలోనూ అలాగే స్పందించాలని వైఎస్‌ జగన్‌ అన్నారు.

కోవిడ్‌–19 నివారణ చర్యలు, కరోనాపై భయపెట్టేలా దుష్ప్రచారం చేయడం, కేసుల సరళి, టెలిమెడిసిన్‌ విధానం అమలు, వ్యవసాయ ఉత్పత్తుల మార్కెటింగ్, ధరలపై ముఖ్యమంత్రి తన క్యాంపు కార్యాలయంలో గురువారం ఉన్నతస్థాయి సమీక్ష నిర్వహించారు. కర్నూలు జిల్లాలో కరోనా సోకిన వ్యక్తి అంత్యక్రియలను స్థానికులు కొందరు అడ్డుకోవడంపై ముఖ్యమంత్రి ఈ సందర్భంగా అధికారులతో చర్చించారు. అంత్యక్రియలకు అడ్డంకులు కల్పించడం అమానవీయమని కూడా సమావేశం అభిప్రాయపడింది. ఈ సమీక్షలో అధికారులు వెల్లడించిన అంశాలు, వాటిపై సీఎం జగన్‌ ఆదేశాలు, సూచనలు ఇలా ఉన్నాయి..

కరోనా వస్తే అది భయానకమనో.. వచ్చిన వారిని అంటరాని వారిగానో చూడడం సరికాదు. తప్పుడు ప్రచారాలను ప్రోత్సహించినట్లు అవుతుంది. కరోనా వస్తే మందులు తీసుకుంటే పోతుంది. ఎవరైనా అలాంటి పనులు చేస్తే పోలీసులు సీరియస్‌గా స్పందించాలి.
కరోనా మరణాల రేటు విషయానికొస్తే.. రాష్ట్రవ్యాప్తంగా, దేశవ్యాప్తంగా, ప్రపంచవ్యాప్తంగా ఎంతోమంది డిశ్చార్జి అవుతున్నారు. నయం అయితేనే కదా వీరంతా డిశ్చార్జి అయ్యేది?
రాష్ట్రంలో మరణాల రేటు 2.21 శాతం అంటే.. మిగతా వాళ్లు డిశ్చార్జి అవుతున్నట్లే కదా? వైరస్‌ దీర్ఘకాలిక వ్యాధులతో ఉన్నవారి పైనే ఎక్కువ ప్రభావం చూపుతుంది.తప్పుడు ప్రచారాలు చేసి లేనిదాన్ని సృష్టించే ప్రయత్నం చేయొద్దు.
ఈ సందర్భంగా అధికారులు మాట్లాడుతూ.. కేంద్ర ప్రభుత్వం జారీచేసిన మార్గదర్శకాలు.. చట్టాల ప్రకారం చర్యలు తీసుకుంటామని, కేసులు కూడా పెడతామని వివరించారు.

కర్నూలు జీజీహెచ్‌పై దృష్టిపెట్టాలి
కర్నూలు జీజీహెచ్‌ ఆస్పత్రిలో సౌకర్యాలను పరిశీలించి వెంటనే వాటిని మెరుగుపరచడానికి పూర్తిస్థాయిలో దృష్టిపెట్టాలని సీఎం వైఎస్‌ జగన్‌ ఆదేశించారు. అలాగే, క్వారంటైన్లలో వసతి, సదుపాయాలు మెరుగుపర్చాలని.. పారిశుద్ధ్యం, మంచి భోజనం అందించేలా చూడాలన్నారు. మరోవైపు.. రాష్ట్రంలో ఇప్పటివరకూ కోవిడ్‌–19 పరీక్షలు మొత్తం 94,558 నిర్వహించినట్లు అధికారులు ముఖ్యమంత్రికి వివరించారు. ఇవికాక 68 వేలకు పైగా ర్యాపిడ్‌ టెస్టులు చేశామని కూడా చెప్పారు. అలాగే.. ప్రతి పది లక్షల జనాభాకు 1,771 పరీక్షలు చేసినట్లు తెలిపారు.

రాష్ట్రంలో పాజిటివ్‌ కేసుల శాతం 1.48గా ఉందని.. అదే దేశవ్యాప్తంగా 4 శాతంగా ఉందన్నారు.మరణాల రేటు కూడా రాష్ట్రంలో 2.21 శాతం అయితే.. దేశవ్యాప్తంగా అది 3.26 శాతంగా ఉందని అధికారులు తెలిపారు.గడచిన మూడు నాలుగు రోజులుగా రాష్ట్రంలో మరణాలు లేవని కూడా తెలిపారు.
రానున్న రెండు మూడ్రోజుల్లో డిశ్చార్జి అయ్యే వారి సంఖ్య బాగా పెరుగుతుందని అధికారులు ముఖ్యమంత్రి వైఎస్‌ జగన్‌కు వివరించారు.

వెరీ యాక్టివ్‌ క్లస్టర్లు 80
ప్రస్తుతం కేసుల వారీగా రాష్ట్రంలో వెరీ యాక్టివ్‌ క్లస్టర్లు 80 ఉన్నాయని సమావేశంలో అధికారులు వివరించారు. అలాగే, యాక్టివ్‌ క్లస్టర్లు 64, డార్మంట్‌ క్లస్టర్లు 66 ఉన్నాయన్నారు. 28 రోజుల నుంచి కేసుల్లేని క్లస్టర్లు 20 ఉన్నాయన్నారు.
కర్నూలు, విజయవాడ, గుంటూరులోని కేసులు అధికంగా ఉన్న ప్రాంతాల్లో పటిష్ట ఆరోగ్య వ్యూహాన్ని అమలుచేస్తున్నామని.. ఈ జిల్లాల్లో లాక్‌డౌన్‌ను మరింత కట్టుదిట్టంగా అమలుచేస్తున్నామని వారు సీఎంకు తెలిపారు.
హైరిస్క్‌ ఉన్న వారిని ముందుగానే గుర్తించి, వారికి విస్తృతంగా పరీక్షలు చేస్తున్నామని.. వారికి ముందస్తుగా వైద్య సేవలు కూడా అందించడానికి ప్రయత్నాలు మొదలు పెట్టామని.. తద్వారా మరణాలకు ఆస్కారం ఉండబోదన్నారు. 
ఇక టెలిమెడిసిన్‌ విషయానికొస్తే.. మూడ్రోజుల్లోగా సమగ్ర వ్యవస్థను అందుబాటులోకి తీసుకొస్తామని అధికారులు సీఎం వైఎస్‌ జగన్‌కు చెప్పారు.

మార్కెట్‌ ఇంటెలిజెన్స్‌ యాప్‌తో సమాచారం
ఈ సమావేశంలో వ్యవసాయ అనుబంధ రంగాలపై కూడా సీఎం వైఎస్‌ జగన్‌ సమీక్షించారు. రైతుల ఇబ్బందులకు సంబంధించి ఎక్కడ నుంచి సమాచారం వచ్చినా దాన్ని సానుకూల దృక్పథంతో పరిష్కరించాలని ఆదేశించారు. వీలైంత త్వరగా మార్కెట్‌ ఇంటెలిజెన్స్‌ యాప్‌ ద్వారా సమాచారాన్ని తెప్పించుకునేందుకు ప్రయత్నాలు చేయాలన్నారు. అలాగే..
1902 నంబర్‌ను గ్రామ సచివాలయాల్లో బాగా ప్రచారం చేయాలి.
కష్టం ఉందని రైతులు ఎక్కడ నుంచి ఫోన్‌చేసి చెప్పినా వెంటనే చర్యలు తీసుకోవాలన్నారు.
కూపన్లు జారీచేసి పంటలు కొనుగోలు చేసే విధానంపై రైతుల్లో మంచి సానుకూలత ఉందని అధికారులు ఈ సమయంలో చెప్పగా.. అన్ని పంటలకూ ఇదే విధానాన్ని వర్తింపుజేయాలని సీఎం వైఎస్‌ జగన్‌ ఆదేశించారు.
అంతేకాక.. రోజుకు 60 వేల టన్నుల ధాన్యాన్ని, 8వేల టన్నుల మొక్కజొన్నని కొనుగోలు చేస్తున్నామన్న అధికారులను వీలైనంత ఎక్కువ సేకరించాలని కూడా చెప్పారు.సమీక్షా సమావేశంలో వ్యవసాయ శాఖ మంత్రి కన్నబాబు, రాష్ట్ర ప్రభుత్వ ప్రధాన కార్యదర్శి నీలం సాహ్ని, డీజీపీ గౌతం సవాంగ్‌ పాల్గొన్నారు. కోవిడ్‌  పరిస్థితులపై వైద్య ఆరోగ్యశాఖ ప్రత్యేక ప్రధాన కార్యదర్శి జవహర్‌రెడ్డి వీడియో కాన్ఫరెన్స్‌ ద్వారా వివరాలు అందించారు.  

ఇప్పటివరకూ రాష్ట్రంలో కరోనా పరీక్షల సంఖ్య : 94,558
ప్రతి పది లక్షల జనాభాకు పరీక్షలు : 1,771
రాష్ట్రంలో పాజిటివ్‌ కేసుల శాతం : 1.48
దేశవ్యాప్తంగా పాజిటివ్‌ల శాతం : 4
ఏపీలో కరోనా మరణాల శాతం : 2.21
దేశవ్యాప్తంగా మరణాల శాతం : 3.26

Read latest Andhra Pradesh News and Telugu News | Follow us on FaceBook, Twitter, Telegram

మరిన్ని వార్తలు

08-05-2022
May 08, 2022, 17:43 IST
కెవాడియా(గుజరాత్‌): కోవిడ్‌ మహమ్మారి వల్ల భారత్‌లో 40.7 లక్షల మంది మృతి చెందారని అంచనా వేస్తూ ప్రపంచ ఆరోగ్య సంస్థ(డబ్ల్యూహెచ్‌ఓ)...
03-05-2022
May 03, 2022, 03:08 IST
సాక్షి, అమరావతి: రాష్ట్రంలో కరోనా టీకా పంపిణీ వేగంగా సాగుతోంది. 12 నుంచి 14 ఏళ్ల పిల్లల్లో 80.82 శాతం...
02-05-2022
May 02, 2022, 03:12 IST
సాక్షి, అమరావతి: కరోనా నుంచి పూర్తిస్థాయిలో రక్షణ కల్పించే టీకాలు అందుబాటులోకి వచ్చేవరకు ప్రజలు అప్రమత్తంగా ఉండాల్సిందేనని పబ్లిక్‌ హెల్త్‌...
24-04-2022
Apr 24, 2022, 11:03 IST
కన్న తండ్రిని కాపాడుకునేందుకు పడిన వేదన.. ఆస్పత్రి సేవల కోసం చేసిన శోధన.. అంటరాని వాళ్లను చేసి అందరూ దూరం...
21-04-2022
Apr 21, 2022, 11:52 IST
న్యూఢిల్లీ: దేశంలో మళ్లీ కరోనా వైరస్‌ విజృంబిస్తోంది. కొవిడ్‌ కేసుల సంఖ్య క్రమంగా పెరుగుతోంది. తాజాగా గడిచిన 24 గంటల్లో కొత్తగా 2380...
20-04-2022
Apr 20, 2022, 13:36 IST
న్యూఢిల్లీ: దేశ రాజధాని ఢిల్లీలో కరోనా వైరస్‌ వ్యాప్తి అంతకంతకూ విజృంభిస్తోంది. గత వారం రోజులుగా పాజిటివ్‌ కేసులు భారీగా నమోదవుతున్నాయి....
18-04-2022
Apr 18, 2022, 15:39 IST
వైద్య నిపుణుల ఊహ కంటే ముందే భారత్‌లో ఫోర్త్‌ వేవ్‌ అడుగుపెట్టే అవకాశాలు కనిపిస్తున్నాయి. ఈ మేరకు పెరుగుతున్న కేసుల్ని...
17-04-2022
Apr 17, 2022, 13:16 IST
సాక్షి, న్యూఢిల్లీ: దేశ రాజధానిలో కరోనా కలవరం రేపుతోంది. గడిచిన 24 గంటల్లో దేశవ్యాప్తంగా 1150 కొత్త కేసులు నమోదుకాగా.....
16-04-2022
Apr 16, 2022, 13:09 IST
సాక్షి, న్యూఢిల్లీ: చైనాలో మళ్లీ పెరుగుతున్న కరోనా కేసులతో పలు నగరాల్లో కోవిడ్ ఆంక్షలు విధించారు. మరోవైపు భారత్‌లో కూడా...
11-04-2022
Apr 11, 2022, 01:28 IST
అకస్మాత్తుగా గుండెపోటు వచ్చే అవకాశం ఉంది. శరీరంలో కొవ్వు అధికంగా ఉన్నవాళ్లలో రక్తం గడ్డకట్టడం, చిక్కబడడం పెరిగి ప్రమాదాలకు దారి...
06-04-2022
Apr 06, 2022, 18:09 IST
ముంబై: రెండేళ్ల నుంచి కరోనా మహమ్మారి ప్రజలను పట్టి పీడిస్తూనే ఉంది. వైరస్‌ కట్టడికీ ఎన్ని ప్రయత్నాలు చేసినా రూపం మార్చుకొని...
06-04-2022
Apr 06, 2022, 15:27 IST
ఇప్పుడున్న పరిస్థితుల్లో ప్రపంచవ్యాప్తంగా కరోనా తగ్గిపోయిందని అనుకోవడానికి లేదు. దీన్ని మనం హెచ్చరికగా తీసుకుని భారత్‌కు ఇక ఏమీ కాదనే...
06-04-2022
Apr 06, 2022, 05:09 IST
సాక్షి, హైదరాబాద్‌: రాష్ట్రంలో మంగళవారం 16,267 మందికి కరోనా నిర్ధారణ పరీక్షలు చేయగా, అందులో 30మంది వైరస్‌ బారినపడ్డారు. దీంతో...
27-03-2022
Mar 27, 2022, 21:30 IST
చైనాలో కనివినీ ఎరుగని రీతిలో పెరుగుతున్నకరోనా కేసులు. పరిస్థితి అంత తేలిగ్గా అదుపులోకి వచ్చే స్థితి ఏ మాత్రం కనబడటం లేదు.
21-03-2022
Mar 21, 2022, 12:59 IST
ఫోర్త్‌ వేవ్‌ రూపంలో కాకున్నా జూన్, జూలై నెలల్లో కరోనా కొత్త వేరియంట్లు వచ్చే అవకాశం ఉందన్నారు గాంధీ ఆస్పత్రి...
28-02-2022
Feb 28, 2022, 09:43 IST
న్యూఢిల్లీ: కోవిడ్‌ టీకా కోవోవ్యాక్స్‌ను బూస్టర్‌ డోస్‌గా వాడేందుకు వీలుగా మూడో దశ ట్రయల్స్‌కు అనుమతివ్వాలని సీరం ఇన్‌స్టిట్యూట్‌ డీసీజీఐ...
28-02-2022
Feb 28, 2022, 08:26 IST
హీరోయిన్‌ శ్రుతి హాసన్‌ కరోనా బారిన పడింది. ఈ విషయాన్ని ఆమె స్వయంగా సోషల్‌ మీడియాలో వెల్లడించింది. ఈ మేరకు...
24-02-2022
Feb 24, 2022, 14:35 IST
పూర్తిస్థాయిలో కరోనా ముప్పు తొలగిపోలేదని.. వేవ్‌ రాకున్నా, వేరియంట్లు ఉన్నాయని ప్రొఫెసర్‌ రాజారావు అభిప్రాయపడ్డారు.
19-02-2022
Feb 19, 2022, 07:42 IST
సాక్షి, అమరావతి: ముక్కు ద్వారా తీసుకునే కరోనా వ్యాక్సిన్‌ డ్రాప్స్‌ మూడోదశ క్లినికల్‌ ట్రయల్స్‌ శుక్రవారం విశాఖపట్నంలోని విమ్స్‌లో ప్రారంభించినట్టు...
17-02-2022
Feb 17, 2022, 18:38 IST
కోవిడ్‌ వైరస్‌ సోకి కోలుకుని అస్సలు టీకాలు తీసుకోని వారిలో దీర్ఘకాలం పాటు కరోనా సమస్యలు, లక్షణాలు కొనసాగుతున్నట్టు వెల్లడైంది. ...



 

Read also in:
Back to Top