TV
అత్తింటి ఆరళ్లతో ఓ గర్భిణీ నదిలో దూకింది. ఈ ఘటన కర్నూలు జిల్లా మంత్రాలయం మండలంలో మంగళవారం చోటుచేసుకుంది.
మంత్రాలయం (కర్నూలు) : అత్తింటి ఆరళ్లతో ఓ గర్భిణీ నదిలో దూకింది. ఈ ఘటన కర్నూలు జిల్లా మంత్రాలయం మండలంలో మంగళవారం చోటుచేసుకుంది. వివరాల ప్రకారం.. మండలంలోని తుంగభద్ర గ్రామానికి చెందిన మాధవి(20)కి ఏడాది కిందట వివాహమైంది. అయితే ఆమె ప్రస్తుతం ఆరు నెలల గర్భవతి. కాగా మంగళవారం ఆమెకు భర్త తరపు కుటుంబసభ్యులతో వాగ్వాదం జరిగింది. దీంతో మనస్థాపం చెంది ఆమె నదిలో దూకింది. కుటుంబసభ్యులు ఆమె కోసం గాలింపు చర్యలు చేపట్టారు. అయితే ఇప్పటి వరకూ ఆమె ఆచూకీ తెలియలేదు.
