వైఎస్‌ జగన్‌ ప్రమాణ స్వీకారోత్సవానికి చకచకా ఏర్పాట్లు

ముఖ్యమంత్రిగా ఈ నెల 30న జరగనున్న వైఎస్‌ జగన్‌మోహన్‌రెడ్డి ప్రమాణ స్వీకారోత్సవానికి ఏర్పాట్లు ఊపందుకున్నాయి. వచ్చే గురువారం మధ్యాహ్నం 12.23గంటలకు జరిగే ఈ కార్యక్రమం కోసం విజయవాడ ఇందిరాగాంధీ మున్సిపల్‌ స్టేడియంలో ఏర్పాట్లు ముమ్మరమయ్యాయి. స్టేడియంను సోమవారం లెవలింగ్‌ చేసి వాటరింగ్‌ చేశారు. భారీ వాటర్‌ ప్రూఫ్‌ టెంట్లు ఏర్పాటుచేస్తున్నారు. గ్యాలరీలు, బారికేడింగ్‌ పనులు యుద్ధప్రాతిపదికన జరుగుతున్నాయి.