స్థానిక నగారా

వరంగల్‌
బుధవారం శ్రీ 26 శ్రీ నవంబర్‌ శ్రీ 2025
మోగిన

పవన్‌..ఉపాధి అదిరెన్‌

మహబూబాబాద్‌ జిల్లా సీరోలు మండలానికి చెందిన గిరిజన యువకుడు తేనెటీగల పెంపకంలో అధిక లాభాలను ఆర్జిస్తూ ఆదర్శంగా నిలుస్తున్నాడు.

తొలి దశ

ఎన్నికలు:

డిసెంబర్‌ 11

రెండో దశ :

డిసెంబర్‌ 14

మూడో దశ : డిసెంబర్‌ 17

సాక్షి, వరంగల్‌: ఎట్టకేలకు స్థానిక సంస్థల ఎన్నికల నోటిఫికేషన్‌ మళ్లీ విడుదల అవటంతో పల్లెల్లో ఎన్నికల సందడి షురూ అయ్యింది. జిల్లాలో మూడు దశల్లో ఎన్నికలు జరగనుండగా ఔత్సాహికులు నామినేషన్లు వేసేందుకు సిద్ధమవుతున్నారు. గతంలోనే సెప్టెంబర్‌ 29న ఎన్నికల షెడ్యూల్‌ ప్రకటించి కొన్ని కారణాలతో అక్టోబర్‌ తొమ్మిదిన షెడ్యూల్‌పై హైకోర్టు స్టే విధించడంతో ఎన్నికలు ఆలస్యమయ్యాయి. అప్పటికే 42 శాతం బీసీ రిజర్వేషన్లతో చాలా మంది అభ్యర్థులు బరిలో ఉండేందుకు సిద్ధమవ్వగా ఇప్పుడు పరిస్థితి ఎలా ఉంటుందోనని నేతలు లెక్కలేసుకుంటున్నారు. అయితే జనరల్‌ స్థానాల్లోనూ కాంగ్రెస్‌ పార్టీ బీసీలకు న్యాయం చేసేందుకు 42 శాతం రిజర్వేషన్‌ అమలయ్యేలా అభ్యర్థులకు అవకాశం ఇస్తామని చెప్పడంతో ఎక్కడెక్కడా అవకాశం ఇస్తారోనన్న చర్చ జోరుగా సాగుతోంది. మరోవైపు బీఆర్‌ఎస్‌, బీజేపీ పార్టీలు కూడా బీసీలకు న్యాయం చేస్తామని అంటుండడంతో వారికి కూడా ఎక్కడ అవకాశం వస్తుందోనని బీసీ అభ్యర్థులు ఆశగా ఉన్నారు. అయితే తొలి దశ ఎన్నికలు డిసెంబర్‌ 11, రెండో దశ ఎన్నికలు డిసెంబర్‌ 14, మూడో దశ ఎన్నికలు డిసెంబర్‌ 17న జరగనుండడం.. నామినేషన్ల స్వీకరణకు ఎక్కువగా గడువు లేకపోవడంతో ఆలోపే బీసీల లెక్కను తేల్చి పార్టీలు ముందుకెళ్లాలని ఔత్సాహిక అభ్యర్థులు డిమాండ్‌ చేస్తున్నారు. ఇప్పటికే పంచాయతీ వార్డుల వారీగా సెప్టెంబర్‌లో విడుదల చేసిన ఓటరు తుది జాబితా ప్రకారం 317 పంచాయతీలు, 2,754 వార్డుల్లో మొత్తం 3,83,738 మంది ఓటర్లు ఉన్నట్లు అధికారులు లెక్క తేల్చారు.

‘కోడ్‌’ కూసింది..

ఎన్నికల నోటిఫికేషన్‌తో పాటే నియమావళి అమలు కూడా మొదలైంది. అధికారులు రాజకీయ నాయకుల కార్యక్రమాలకు నియమావళి వర్తింపచేసే విషయాలపై దృష్టి పెట్టారు. నేతలకు సంబంధించిన పోస్టర్లు, గోడలపై రాతలు ప్రభుత్వ కార్యాలయాల ప్రాంగణాల్లో తొలగించడం ఆరంభించారు. పార్టీ నేతల విగ్రహాలకు ముసుగులు వేయాలని సిబ్బందిని ఆదేశించారు. ఉద్యోగులుగా ఉన్న వారు సమాచారం లేకుండా రాజకీయ నాయకులు, ప్రజాప్రతినిథులకు కలవొద్దని సూచించారు. ప్రలోభాలకు అవకాశం లేకుండా నిఘా బృందాలను ఏర్పాటు చేసేందుకు జిల్లా అధికారులు కార్యాచరణ సిద్ధం చేశారు. అలాగే గ్రేటర్‌ వరంగల్‌ పరిధిలోని 66 డివిజన్లలో కొత్త అభివృద్ధి పనులకు బ్రేక్‌ పడింది. సర్పంచ్‌ ఎన్నికలకు వరంగల్‌ నగరంతో సంబంధం లేకున్నా...ఓటర్లను ప్రభావితం చేసే అభివృద్ధి పనులు, పథకాలు, హామీలు ఇవ్వకూడదని ఎన్నికల సంఘం జారీ చేసిన మార్గదర్శకాల్లో పొందుపరిచింది. కార్పొరేటర్ల పదవీ కాలం మరో ఐదు నెలలు ఉండడంతో డివిజన్లకు కేటాయించిన నిధులను వినియోగించలేని పరిస్థితి వచ్చిందని కార్పొరేటర్లు వాపోతున్నారు.

మండలాల వారీగా..

● తొలి దశ ఎన్నికల్లో వర్ధన్నపేట మండలంలోని 18 గ్రామ పంచాయతీలు, 170 వార్డులు, పర్వతగిరి మండలంలోని 33 పంచాయతీలు, 288 వార్డులు, రాయపర్తి మండలంలోని 40 పంచాయతీలు, 342 వార్డులు ఉన్నాయి.

● రెండో దశ ఎన్నికల్లో దుగ్గొండి మండలంలోని 34 పంచాయతీలు, 282 వార్డులు, నల్లబెల్లి మండలంలోని 29 పంచాయతీలు, 252 వార్డులు, గీసుగొండ మండలంలోని 21 పంచాయతీలు, 188 వార్డులు, సంగెం మండలంలోని 33 పంచాయతీలు, 286 వార్డులున్నాయి.

● మూడో దశ ఎన్నికల్లో నర్సంపేట మండలంలోని 19 పంచాయతీలు, 164 వార్డులు, ఖానాపురం మండలంలోని 21 పంచాయతీలు, 184 వార్డులు, చెన్నారావుపేట మండలంలోని 30 పంచాయతీలు, 258 వార్డులు, నెక్కొండ మండలంలోని 39 పంచాయతీలు, 340 వార్డులున్నాయి.

పంచాయతీ ఎన్నికలకు

నోటిఫికేషన్‌ విడుదల

ఇప్పటికే రిజర్వేషన్లు

ఖరారు చేసిన అధికారులు

జనరల్‌ స్థానాల్లో బీసీల పోటీపైనే ఉత్కంఠ

రేపటి నుంచే

తొలి దశ నామినేషన్ల స్వీకరణ

జిల్లాలో 317 పంచాయతీలు,

2,754 వార్డులు

మూడు విడతల్లో ఎన్నికలు

పంచాయతీ ఎన్నికలు ఇలా..

విడతలు మండలాలు పంచాయతీలు వార్డులు

మొదటి విడత 3 91 800

రెండో విడత 4 117 1,008

మూడో విడత 4 109 946

మొత్తం 11 317 2,754

రేపటి (గురువారం) నుంచి తొలి విడత పోలింగ్‌కు సంబంధించిన నామినేషన్లు స్వీకరించనున్నారు. ఈ నెల 29 సాయంత్రం ఐదు గంటల వరకు రిటర్నింగ్‌ అధికారులు స్వీకరిస్తారు. 30వ తేదీన స్క్రూటిని, డిసెంబర్‌ మూడో తేదీ మధ్యాహ్నం మూడు గంటల్లోపు నామినేషన్లు ఉపసంహరించుకోవచ్చు

రెండో విడత ఎన్నికలకు ఈ నెల 30 నుంచి నామినేషన్లు స్వీకరించనున్నారు. డిసెంబర్‌ 2వ తేదీ సాయంత్రం ఐదు గంటల వరకు రిటర్నింగ్‌ అధికారులు స్వీకరిస్తారు. మూడో తేదీన నామినేషన్ల స్క్రూటిని, ఆరో తేదీన ఉపసంహరణకు అవకాశం ఉంటుంది.

మూడో విడత ఎన్నికలకు డిసెంబర్‌ మూడు నుంచి నామినేషన్లు స్వీకరించనున్నారు. ఐదో తేదీ వరకు రిటర్నింగ్‌ అధికారులు నామినేషన్లు స్వీకరిస్తారు. ఆరో తేదీన స్క్రూటిని, తొమ్మిదో తేదీన ఉపసంహరణకు అవకాశముంటుంది.

రేపటి నుంచి నామినేషన్ల స్వీకరణ..

స్థానిక నగారా

స్థానిక నగారా

స్థానిక నగారా

స్థానిక నగారా