శుభ్రం చేయలేం..!

● నిబంధనలపై రైతుల అనాసక్తి

● తాలు పట్టే మిషన్‌ కొరతతో ఇబ్బందులు

● రోజుల తరబడి అన్నదాతల నిరీక్షణ

● పట్టించుకోని అధికారులు

● ఆయకట్టు కింద 29,500 ఎకరాల సాగు

ఖానాపురం: ధాన్యం విక్రయించుకోవడానికి రైతులకు ఎదురుచూపులు తప్పడం లేవు. అధికారుల కఠిన నిబంధనలు రైతులకు శాపంగా మారాయి. ప్రస్తుతం వరి కోతలు ముమ్మరంగా సాగుతుండగా మరికొన్ని చోట్ల ధాన్యం కొనుగోలు కేంద్రాలకు తీసుకువచ్చారు. వచ్చిన ధాన్యాన్ని అధికారులు కొర్రీల పేరుతో కాలయాపన చేస్తుండటంతో రైతులు ఆందోళన చెందుతున్నారు. ధాన్యాగార కేంద్రంగా గుర్తింపు పొందిన పాకాల ఆయకట్టు కింద 29,500 ఎకరాల్లో వరి పంట సాగు అయ్యింది ఆయకట్టు పరిధిలో ధాన్యాన్ని విక్రయించడానికి ఇప్పటి వరకు 24 కొనుగోలు కేంద్రాలకు ప్రభుత్వం అనుమతించగా 22 కొనుగోలు కేంద్రాలను అధికారులు ప్రారంభించారు. ఽఆయకట్టు పరిధిలో సుమారు 6వేల ఎకరాల్లో కోతలు ప్రారంభమయ్యాయి. పలు సెంటర్ల పరిధిలో కేవలం 60 టోకెన్లు ఇవ్వగా 1,250 క్వింటాళ్ల ధాన్యాన్ని కోనుగోలు చేశారు. కోతలు పూర్తిచేసుకున్న రైతులు ధాన్యాన్ని ఆయా గ్రామాల పరిధిలోని కేంద్రాలకు తీసుకువస్తున్నారు. ముందస్తుగా కోత పూర్తి చేసుకున్న రైతులు కొనుగోలు కేంద్రాల వద్దకు ధాన్యాన్ని తీసుకువచ్చి విక్రయాల కోసం ఎదురుచూస్తున్నారు. కానీ ఇప్పటి వరకు పలు సెంటర్లలో కొనుగోళ్లు ప్రారంభం కాలేదు. అధికారులు చెబుతున్న కఠిన నిబంధనలకు తాము ఇబ్బందులు పడాల్సి వస్తుందని ఆందోళన చెందుతున్నారు.

శుభ్రపరిస్తేనే టోకెన్లు..

ఆయకట్టు పరిధిలో పలువురు రైతులు ముందస్తు కోతలు చేపట్టి కేంద్రాలకు ధాన్యాన్ని తీసుకువచ్చారు. సుమారు 20 రోజుల క్రితం ధాన్యాన్ని నూర్పిడి చేసి కేంద్రాలకు తేవడంతో పాటు తేమశాతం వచ్చేలా ఆర బెట్టుకున్నారు. ఆయకట్టులో పెద్ద ఎత్తున వరి పంట సాగు చేసిన రైతులకు శుభ్రపర్చడానికి (తాలు లేకుండా మిషన్‌లో పట్టడం) ఆసక్తి చూపడంలేదు. ఒక్కో కేంద్రానికి ఒక్కో మిషన్‌తో ఎన్నాళ్లు శుభ్రపరచాలని రైతులు వాపోతున్నారు. ఇప్పటికై నా అధికారులు రైతులకు ఇబ్బందులు లేకుండా కొనుగోళ్లు చేపట్టాలని కోరుతున్నారు.

ఇరవై రోజులైంది..

నాకున్న రెండు ఎకరాల్లో వరిసా గు చేశా. ఎకరం వరి పంటను 20రోజుల క్రితం, మరో ఎకరం వారం క్రితం కోసి ధాన్యాన్ని స బ్‌ మార్కెట్‌ యార్డుకు తీసుకొ చ్చి ఆరబెట్టాను. ఇప్పటి వరకు ధాన్యాన్ని ఎవరూ కొనుగోలు చేయలేదు. తాలు పట్టాలంటే కూలీలు కావాల్సి ఉంది. అధికారులు స్పందించి కొనుగోలు చేయాలి. – మర్రి దావిద్‌, ఖానాపురం

నిబంధనలు పాటించాలి..

కలెక్టర్‌, ప్రభుత్వ నిబంధనల మేరకు ధాన్యం కొనుగోళ్లు చేపడతాం. ధాన్యాన్ని మిషన్‌ ద్వారా శుభ్రం చేస్తేనే టోకెన్లు అందిస్తాం. నిబంధనలు పాటించకపోతే టోకెన్లు ఇవ్వడం కష్టం. ఉన్నతాధికారుల సూచనలు పాటిస్తూ టోకెన్లు జారీ చేపడతాం.

– భోగ శ్రీనివాస్‌, ఏఓ, ఖానాపురం

శుభ్రం చేయలేం..!

శుభ్రం చేయలేం..!